Abhakorosaayi 2:11 - Eriiraghano Eriihë

¹¹ Ibheere gho kubha moonyi no obhumu na Kirisito, ꞉naabhasaariri gho ghotooru kurë na simoka e masari. ꞉Naabhasaariri taanyi kwo mabhökö gha bhaato, amare gho nchëra yaache omwene.

Abhakorosaayi 2:11 Referans Kwoze

Abharuumi 2:29

Tiyaanyi! Omuyahuuti o hëënë n‑uno ahaasooka Eryobha kwo mukörö waache woose. Oghusaaru kwo hëënë ngoghuköru na Akörö Ahörëëru mo‑motema, taanyi gho kubha ne emeghiro ghe Musa okwene. Omooto anga hangʼu, taaghosongʼaana aghongo koru mo‑bhaato, amare naghoghongibhu ne Eryobha eryene.

Abhabhiribhi 3:3

Mööhi itu niitu abhaato bhano tusaaruru hëënë ne Eryobha, taanyi ibho, gho kubha Akörö e Ryobha neghototoori ghusëngëra Eryobha. Itu ntokwihachera Kirisito Yesu na komwitëngʼëra. Itu totaaghwitëngʼëra amaköri ghiito gha mebhere kubhöna obhotoori.

Abhaebheeso 4:22

Mbe, motighe ghano moore moraköra ekimbërë, asughara e kare ino eghusarëka, gho ghutambana amiigha ghano ghakobhangʼiina,

Abharuumi 6:6

Ntweche kubha eriimanya riito re kare ꞉ndiimamburu haghirohamu na Kirisito mo‑musarabha, kubha changuru che masari chetatukangata wiiki, na ghotuköra tubhe abhasësë bha masari.

Abhagharatiya 5:24

Abhaato bhano bhaghöötiine na Kirisito Yesu, bhatahakangatu na simoka yaabho e masari haghirohamu na amiigha ghaabho amabhe. N‑kinya bhamambiri simoka yaabho e masari mo‑musarabha o Yesu.

Abhagharatiya 2:20

Eriimanya reene riire re kare ndekuure haghirohamu na Kirisito mo‑musarabha. Ibheere muhöru neenyi, amare taanyi eni, gho kubha Kirisito niwe anyi omuhöru moose yaane. Obhuhöru bhuno neenyi nabho eriibhagha rino, nebhughöötë gho ghiri e ghokumi Omoona o Ryobha. Iwe nansiighiri na akaruusi obhuhöru bhooche ghokoone kubha antoori.

2 Abhakorinto 5:17

Omooto wowoose uno akubha aghöötiine na Kirisito, naakubha omooto omuhë, gha kare ngahetiri, ibheere ngabheere amahë!

Abheebhuraaniya 9:24

Kirisito taasöhiri Ahaghiro Ahatööbhiyu ha Hatööbhiyu hano habhëkuru na abhaato, ahaghiro hayo n‑eghetuubhaani ke ahaghiro ha hëënë hano haanyi Mwishaaro. Iwe ꞉naasöhiri Mwishaaro aheene, kwo riibhagha rino naghotusabhera ambërë e Ryobha.

Abheebhuraaniya 9:11

Kirisito ꞉niichiri kubha abhe Omuchaama Omokoro o mangʼana amachömu ghano ghakuucha. Iwe niwe aghuköra emeremo mo‑riibhuru erende ichömu wiiki ndehikeriine ghokera riire e rimbërë. Eriibhuru riyo retaabhëkuru na abhaato, niko kobhugha, eriibhuru rino retaanyi re mo‑se ino.

2 Abhakorinto 5:1

Emebhere ghiito n‑kinya ekebhuru ke riibhagha ighuhe mo‑se muno. Amare ntweche kubha, hano gheghusarëka, Eryobha ndeghotuha chanyumba chino cheenyi Mwishaaro emiishe ghyose, chino chetaakwabhëku na amabhökö gha bhaato.

Amaköri gha Bhatomu 17:24

“Eryobha riyo niryo Omutëëmi o rishaaro na ase, gho kubha niryo ꞉riitëëmiri ase, na bhyose bhino bheenyi‑mu. Retaakumanya mo‑masëngërö ghano ghabhëkuru kwo mabhökö gha bhaato.

Amaköri gha Bhatomu 7:48

“Koru hangʼu, Eryobha rino reenyi Omokoro o Bhyose, retaaghotora kumanya mo‑nyumba ino yabhëkuru na abhaato. Kinya bhuure omurööti abhughiri,

Ruuka 2:21

Omoona uyo, hano ahikiri chaasiko inyaanye, bhakamusaara, bhakamoroka Yesu. Niryo eriina rino marayika wuure, are amorokiri, eriibhagha nyina are akeere ghughëgha anda.

Maariko 14:58

“Itu ntomooghwire omooto uno arabhugha, ‘Eni nekuhaanyura Erisëngërö re Ryobha rino abhaato ꞉bhaabhëkiri. Wiiki, nekwabhëka erende gho chaasiko ishato hangʼu, naryo retaakwabhëku na abhaato.’ ”

Abharuumi 7:24

Horeera nekorighi eni! N‑niwe uno akonduusi koru mo‑simoka yaane e masari ino ekurëëta oroko?

Abhakorosaayi 3:5

Mbe, mute kurë amangʼana gha mo‑se ino ghano ghaanyi moose yaanyu, kinya obhutaari, no obhoghonchu, no omuraka, na amiihëëbhö amabhe, no oghwighomba ebheghiro. Obhwighombi bhonga hangʼu, n‑kinya ghusëngëra asanaamu taanyi Eryobha.