Abhakorosaayi 2:10 - Eriiraghano Eriihë

¹⁰ Inyu muhaabhuru bhyose gho ghughöötana na Kirisito, iwe niwe Omutëmi omokoro uno anyi no obhotoro bhoose mo‑se ino etaakorighibhu.

Abhakorosaayi 2:10 Referans Kwoze

Abhaebheeso 3:19

Hëënë mokohikera kumënya obhosiighi bho Kirisito bhuno bhoghokera amangʼiini ghoose gha bhaato, mwichoribhu mbagha mohikere obhohikeerani bhuno bhookoru kwo Waryobha.

1 Bheetero 3:22

Iwe naghiire Mwishaaro, ni ibheere niikeere okubhökö gho kwiro kwo Waryobha, ahaghiro ha sooko chwee. Naghukangata bhamarayika, ne ebhetyenyi bhyose bhe bhotoro, na bhe changuru.

Abheebhuraaniya 5:9

Kurëngʼaana na ghayo, Eryobha rekamohikeerani na kurëngʼaanera kubha simoka e bhotoori bho miishe ghyose gho ghiri e bhaato bhoose bhano bhakomosooka.

Yohana 1:16

Kurëngʼaana no obhohikeerani bhooche, Eryobha ndetoheere itu bhoose aghareeya, ndyëngërëriiri mo‑ghareeya ino ꞉riishamiri ghotuha.

Abhakorosaayi 3:11

Gho ghayo, bhotaanyi‑ho bhwahukani bho Muyahuuti hamu omooto o matöngö, uno asaaruru, hamu uno atasaaruru, uno aghutaraahu na uno atasömiri, omusësë hamu uno ataanyi omusësë. Amare Kirisito niwe akohikeerani ghoose, wiiki naanyi moose e bhoose.

Mataayo 28:18

Yesu akaacha ghokoobho, aghasiikëra nabho, akabhabhoorera akabhugha, “Eryobha ndeheere obhotoro bhoose bho Mwishaaro na mo‑se.

1 Abhakorinto 15:24

Hayo niho antenero e bhyose ekohikeerana. Eriibhagha riyo Kirisito naghosireekereri abhakangati bhoose, na bhano bhaanyi no obhotoro na bha changuru bhoose, aramara nakomuha Waryobha Taata obhutëmi.

Abhaebheeso 3:10

Nebhatoorere haheero kubha, gho nchëra e riikanisa, abhakangati na bhano bhaanyi no obhotoro mo‑se ino etaakorighibhu, bhamënyë amangʼiini gha Ryobha ghano ghaanyi gha manga maaru.

Abhakorosaayi 2:15

Gho nchëra e musarabha, Eryobha rekahöka emisambu obhutëmi no obhotoro bhoobho, reghakinda gho chandiryato, reghaghesooki haheero.