Abhakorosaayi 2:1 - Eriiraghano Eriihë

¹ Mbe, nekwënda mumënyë kinya nekwinyaaki ighoro yaanyu na gho ghiri e bhakumi bhaare bhaanyi Rawotikiya, na kwo bhande bhoose bhano bhakeere kondighi eni.

Abhakorosaayi 2:1 Referans Kwoze

Abhakorosaayi 1:29

Kwo riyo neghwiköngʼi na ghuköra emeremo gho kuhökëri changuru inkoro chino Kirisito aheere.

Abhabhiribhi 1:30

Eriihë reenyu n‑diire riire neere nerarööna naryo, kinya morooche. Wiiki koru ibheere mokooghu kubha nekwëndërëra kurööna.

Obhohunyurëru 1:11

Eriiraka riyo rekabhugha, “Andëka mo‑ghitabhu amangʼana ghoose ghano okorighi. Oramara otome eghitabhu kiyo mo‑makanisa ghano ghaanyi mo‑meghya mohungate. Emeghya ghiyo nighyo ghino, Ebheeso, na Simurina, na Bherighamo, na Tiyatira, na Sariti, na Bhirateribhiya, na Rawotikiya.”

Abhakorosaayi 1:24

Ibheere neghuchömëru kwo nyaako ino nekubhöna gho ghiri yaanyu. Mo‑mobhere waane neghusanga anyaako ino Kirisito ꞉abhwine gho ghiri e mobhere waache, niryo eriikanisa.

Amaköri gha Bhatomu 20:38

Kino ꞉ghiighëriri bhabhe na amacheeche, n‑ighoro e ngʼana ino abhughiri kubha bhataakomorighi wiiki. Bhakamuhërëëkërëra mbagha bhakamohiki mo‑ryato.

1 Bheetero 1:8

Inyu momosiighiri, nangabha motaamara komorighi. Wiiki nangabha motaakomorighi ibheere, amare mokomokumi. Gho ghayo, muchömiiru chwee mo‑bhokumi, oghuchömëru kuyo nkoonyi no obhokumi obhokoro bhuno bhotaaghotora koru ghughambu,

Abhakorosaayi 2:5

Ibheere gho kubha eni nteenyi haghirohamu na niinyu kwo mobhere, amare gho körö, neenyi haghirohamu na niinyu. Eni neghuchömëru kooghu kinya mokwëndërëra mo‑bhumu bhoonyu na ghuköngʼëri obhokumi bhoonyu gho Kirisito.

Abhagharatiya 4:19

Abhaana bhaane, rino n‑eriibhagha erende wiiki ghokoone kooghu obhororo gho ghiri yaanyu, kinya bhuno obhosongo bhohaamure omukari uno anyi inda, eriibhagha re kwibhora. Nekwiyoghu hangʼu hangʼu, mbagha atëëmö e Kirisito erighibhu mo‑tëëmö yaanyu.

Amaköri gha Bhatomu 20:25

“Inyu bhoose, mweche neere neraheta ghate yaanyu neraraghani ighoro e bhutëmi bho Ryobha. Amare ibheere, nyeeche kubha, taanyi‑ho koru umu ghate yaanyu uno aghotora kondighi wiiki.

Ruuka 22:44

Eriibhagha riyo Yesu naare mo‑bhororo bhwaru chwee, bhokamuköra iköngʼi ghusabha Eryobha. Hano are arasabha Eryobha, akaru ebhigheri bhetuubhiine na amasaahë, bheekabha bheratoonya haase.]

Abheebhuraaniya 5:7

Eriibhagha Yesu are mo‑se ino, ꞉naasabhiri, na ghusasaama na korera chwee ambërë e Ryobha rino reenyi na changuru che komotoori koru mo‑roko. Eryobha ndyoghwire amasabhi ghaache gho ghiri e kwinyööhi kooche.

1 Abhatesaronike 2:2

Wiiki mweche kubha hano toore tokeere kohika bhowaanyu, ntunyaakibhuru na ghotoku mo‑moghya o Bhiribhi. Nangabha bhowaanyu ꞉haare haköngʼu chwee, Eryobha reghatuha changuru che kobharaghaneri Angʼana Anchömu ighoro e Yesu kwo bhosubhesubhe.