Abhakorosaayi 1:6 - Eriiraghano Eriihë

⁶ Angʼana Anchömu ino ꞉ehikiri bhowaanyu, nisanchiri mo‑se ingima. Nekobhagharura abhaato kinya ꞉ebhagharwire inyu korwera orosiko runo ꞉mooghwire na kumënya aghareeya e Ryobha no obhuhëënë bho ghareeya yaache kebhuno enyi.

Abhakorosaayi 1:6 Referans Kwoze

Yohana 15:16

Inyu motanyahwire eni, amare n‑eni nebhahwire inyu. Nebhahwire kubha, musöngë amakorobhese ghano ghataaghosira naabha. Moraköra hangʼu, ghyokyose kino morasabha kohetera eriina reene, Taata nakobhaha.

Abhabhiribhi 1:11

Eriimanya reenyu ndeghwichora amangʼana gha hëënë ghano ghakubhönëka gho nchëra e Yesu Kirisito. Ghayo ghoose gharekumi na koreghongi Eryobha.

1 Bheetero 5:12

ˆNekabhaandëkëra anyaarubha ino inguhe, kwo bhotoorereri bho Sirwano. Eni nyeeche bhoheene kubha, n‑omokumi omuhëënë. Kino nekwënda, n‑kobhatoora omukörö na kobhahëënëhëri kubha amangʼana ghano mahëënë n‑aghareeya e Ryobha. Kurëngʼaana na aghareeya iyo, mwimeerere muköngʼiiri!

Abhakorosaayi 1:23

Amare mokwëndëru kwëndërëra koyekumi Angʼana Anchömu, mubhe muköngʼiiri na kubha na changuru. Motiishereri ghotigha eriitëngʼërö rino ꞉moobhwine hano mooghwire Ngʼana Anchömu. Angʼana Anchömu iyo eni Bhawuro nibheere omutamishi waache, wiiki ꞉niiraghiinu mo‑bhaato bhoose bha hano mo‑se.

Abharuumi 16:26

na kohetera mo‑Mandëkö Amatööbhiyu gha abharööti, angʼana iyo nimënyuru kwo bhaato bha amatöngö ghoose mo‑se. Eryobha re miishe ghyose niryo rihatëkiri angʼana iyo iraghanibhu mo‑bhaato bhoose, kubha bhayo bhoose bhatore komokumi na komosooka Omutëmi Yesu.

Abharuumi 1:13

Abhahiiri bhaane, nekwënda mumënyë kubha, mara kaaru neere nërëënda kuucha bhowaanyu, amare mbagha ibheere nihööchëriiru. Nekwënda niiche bhowaanyu, kubha nerute abhaato bha bhowaanyu hayo bhatambane Omutëmi Yesu, kinya bhuno ꞉niiköriri kwo bhaato abhande bha matöngö.

Yohana 4:23

Eriibhagha ndekuucha, wiiki ˆrekahika, abhaato bhano bhakwënda korisëngëra Eryobha kwo bhuhëënë, mbakomusëngëra Taata mo‑körö no obhuhëënë. Taata Waryobha nakwënda abhaato bhano bhakomusëngëra gho nchëra iyo.

Maariko 16:15

Niho akabhabhoorera akabhugha, “Mughëndë mo‑se yoose, muraghani Angʼana Anchömu kwo bhaato bhoose.

Maariko 4:8

Amare, echende cheeghagho mwiröbhë ichömu, chekamëra, cheghakora na kobhyara. Imu ekabhyara miröngö etato, na ayende miröngö esaasabhe, na ayende eriighana rimu!”

Mataayo 24:14

Wiiki Angʼana Anchömu e bhutëmi bho Mwishaaro nekuraghanibhu mo‑matöngö ghoose kubha abhaato bhoose bhayimënyë. Kwo riibhagha riyo, niho antenero e se ekuucha.

2 Abhatesaronike 2:13

Mbe, itu ntokwëndëru koriitabheri Eryobha eriibhagha ryose gho ghiri yaanyu bhahiiri bhiito, inyu bhano mosiighiru no Omutëmi Yesu. Ntokwëndëru ghuköra hangʼu, gho kubha, nabhaahwire inyu korwera simoka, kubha mubhönë obhotoori. Obhotoori bhuyo mobhobhwine gho nchëra e Körö Ahörëëru ino ekobhamusa, na gho ghokumi obhuhëënë.

1 Abhatesaronike 2:13

Gho ghayo, itu ntokoriitabheri Eryobha totaaghotigha naabha, gho kubha hano mutëghëëriire angʼana yaache koru ghokwito, motayiisheriiri kinya angʼana e mooto. Amare kinya angʼana e Ryobha, na hëënë hangʼu keenyi. Angʼana iyo niyo eghuköra emeremo moose e metema gheenyu, inyu bhano momokumiri.

1 Abhatesaronike 1:5

Ntweche hangʼu gho kubha, hano toore toraraghani Angʼana Anchömu bhowaanyu, totaraghiini kwo mangʼana agheene hangʼu. Amare nturaghiini gho changuru na gho Körö Ahörëëru na kwo bhuhëënë. Inyu mweche bhoheene bhuno toore haghirohamu na niinyu, kubha tobhatoorereri.

Abhakorosaayi 1:10

Niho moghotora kumanya kebhuno Omutëmi Yesu akwënda, na komotegheri mo‑mangʼana ghoose. Eriimanya reenyu ndekomotegheri kwo meremo gheenyu emichömu, wiiki moghwiköngʼi korimënya Eryobha.

Abhabhiribhi 4:17

Nteekobhugha hangʼu gho kubha nekwënda kubhöna ebheghiro koru ghokoonyu, tiyaanyi. Amare nesiighiri nerighi orubhango runo Eryobha rekobhaha kurëngʼaana no obhwero bho chaakörö cheenyu.

Abhaebheeso 5:9

Ghano ghakwërëki kubha mumanyiri mo‑bhwero n‑ghuköra amangʼana amachömu, na ghano Eryobha rekwënda, na gha bhuhëënë.

Abhaebheeso 4:23

na muköru bhuhë mo‑metema na mo‑miihëëbhö ghaanyu.

Abhaebheeso 4:21

Aribha hangʼu keenyi, inyu mooghwire amangʼana ghaache na kweghibhu, kinya obhuhëënë bhoonyi ighoro e Yesu.

2 Abhakorinto 10:14

Totaakwihacha koheta ekirëngërë ke meremo ghiito kinya bhuno tongaköriri aribha totangahikiri bhowaanyu. Amare n‑itu toore a bhambërë kobharëëtëra Angʼana Anchömu ighoro e Kirisito.

2 Abhakorinto 6:1

Ibheere, gho kubha ntokuhöki emeremo haghirohamu ne Eryobha, ntokobhasasaama kubha aghareeya e Ryobha ino mosongʼaaniri, motayetigha ebhore bhoowa.

Abharuumi 15:19

꞉Mbaaruturu koresooka, gho kubha kohetera ghokoone mbarooche changuru che Kirisito mo‑bhyërëkërëri ne ebhiraghe. ꞉Neetoriri ghoghaköra gho changuru che Körö e Ryobha. Gho ghayo, ꞉niinaariri ahaghiro hoose kuraghani Angʼana Anchömu ighoro e Kirisito, korwera mo‑moghya o Yerusareemu mbagha mo‑mukööwa o Iririiko.

Amaköri gha Bhatomu 26:18

gho ghiri obhahunyure amiisho, mbagha bharu mo‑kengʼuuri bhiigharurere obhwero, na bharu mo‑bhukangati bho Rishambu, bhiigharurere Eryobha. Hangʼu niho bhakwabhëru amasari ghaabho, mbaakubha haghirohamu na abhande bhoose bhano bhamusuru gho nchëra e ghonkumi.’

Amaköri gha Bhatomu 16:14

Umu o bhakari bhayo ꞉bhaare bharatutëghëërëra, naare aruure mo‑moghya o Tiyatira, eriina reeche Riitiya. Riitiya uyo naare omosorocha o maghööti amachömu gha sambaraawe, wiiki naare araresooka Eryobha. Hano Bhawuro abhamënyiri Angʼana Anchömu iyo, Omutëmi aghiighora omotema o Riitiya mbagha aghakumi.

Amaköri gha Bhatomu 12:24

Angʼana e Ryobha ëkëëndërëra ghusancha mo‑bhaato, na abhaato bhaaru bhaghakumi.

Amaköri gha Bhatomu 11:18

Hano Abhayahuuti bhayo bhooghwire ghayo, bhataare na re ghugharokeri. Bhakaritöghösi Eryobha bhakabhugha, “Kana, Eryobha ndebhaheere abhaato bha matöngö aghande omweya o ghotuukuunera amasari ghaabho, kubha bhabhönë obhuhöru bho miishe ghyose!”

Mataayo 28:19

Mbe, mughëndë kwo bhaato bha matöngö ghoose na kobhaköra kubha abhaanabheegha bhaane. Mobhakörë bhabhe abhaanabheegha bhaane gho kobhabhatiisa, kwo riina re Taata, na re Moona na re Akörö Ahörëëru.

Abhaebheeso 3:2

Neenyi no obhuhëënë mumariri kooghu kubha, Eryobha ndeheere emeremo ghe kuraghani aghareeya yaache ghokoonyu.

Abharuumi 15:28

Hano neekubha nimariri emeremo ghiyo ghe kobhaha abhakumi bha Yerusareemu obhotoorereri bhuyo, neghusëëma orughëndö roone ro ghuye Hisibhaaniya, na nekohetera bhowaanyu.

Yohana 17:19

ˆNeghiitoora ghokuhökëri iye gho ghiri yaabho, kubha nabho bhatooru ghokoocho mo‑bhuhëënë.