Abhakorosaayi 1:5 - Eriiraghano Eriihë

⁵ Obhokumi no obhosiighi bhoonyu, mbookoru mo‑riitëngʼërö reenyu kubha moghosongʼaana orubhango runo Eryobha retotooriire Mwishaaro. ꞉Mooghwire amangʼana gha riitëngʼërö riyo ekimbërë eriibhagha ꞉muuraghaniiru angʼana e hëënë e Ngʼana Anchömu.

Abhakorosaayi 1:5 Referans Kwoze

Abhaebheeso 1:13

Inyu bhoose abhaato bha matöngö, ꞉muughöötiine na Kirisito hano mooghwire angʼana e hëënë na koyekumi, niyo Angʼana Anchömu e bhotoori bhoonyu. Eryobha ryose gho kwërëki kubha inyu na abhaato bhaache moonyi, rekabhatoorera ekingʼöchö gho kobhaha Akörö Ahörëëru ino ꞉reeturaghiire.

2 Timotewo 4:8

Ibheere neghughanya okwene kuhaabhu atuho e bhuhëënë. Omutëmi Yesu, omoteni o kiina uno anyi obhuhëënë, nakuuha atuho orosiko ruure ro ghugharuka kooche. Atuho iyo nteekuhaabhu eni mwene, amare na abhande bhoose bhano bhaghwitëngʼëra kwo miigha ghugharuka kooche.

Tiito 1:2

na mbokobhaha amiitëngʼërö gha bhuhöru bho miishe ghyose. Eryobha ꞉ndiiraghiri obhuhöru bhuyo, koru rekeere ghutëëma ase, na retaaghosiikëra obhuröngö.

Abhakorosaayi 1:27

Bhayo nibho Eryobha ꞉reesiighiri kobhahunyurera ekebhisere kiyo ghe koroghoori kino riköriri gho ghiri e bhaato bha matöngö. Angʼana iyo e kebhisere n‑kubha, Kirisito naanyi moose yaanyu, wiiki niwe akobhaha amiitëngʼërö kubha moghusanga obhokumi obhokoro bho Ryobha.

1 Bheetero 2:2

Kinya bhuno ebhengʼwerere bhehiighomba amabhëërë gha bhaanyina, na niinyu bhuure bhuure mwighombe amabhëërë gha hëënë gha Körö e Ryobha, kubha muköngʼë na ghotooribhu.

Abhakorosaayi 1:23

Amare mokwëndëru kwëndërëra koyekumi Angʼana Anchömu, mubhe muköngʼiiri na kubha na changuru. Motiishereri ghotigha eriitëngʼërö rino ꞉moobhwine hano mooghwire Ngʼana Anchömu. Angʼana Anchömu iyo eni Bhawuro nibheere omutamishi waache, wiiki ꞉niiraghiinu mo‑bhaato bhoose bha hano mo‑se.

1 Abhakorinto 15:19

Erabha amiitëngʼërö ghiito gho Kirisito n‑kwo riimanya rino eryene, hayo niho tookubha abhaato bha korigheru changori ghokera abhaato bhoose.

Abheebhuraaniya 7:19

꞉Ndeegheruusiri gho kubha emeghiro ghiyo ghetaare no obhotoro bho kohikeerani egheghiro ghyokyose, amare ibheere Eryobha ndetoheere amiitëngʼërö aghande ghano ghaanyi no obhwëra bhokoro, gho kohetera ghayo, ntoghotora koriishukerera.

1 Abhatesaronike 2:13

Gho ghayo, itu ntokoriitabheri Eryobha totaaghotigha naabha, gho kubha hano mutëghëëriire angʼana yaache koru ghokwito, motayiisheriiri kinya angʼana e mooto. Amare kinya angʼana e Ryobha, na hëënë hangʼu keenyi. Angʼana iyo niyo eghuköra emeremo moose e metema gheenyu, inyu bhano momokumiri.

1 Yohana 3:3

Omooto wowoose uno aghwitëngʼëra kubha naghotuubhaana na Kirisito, iyeri abhe mutööbhiyu, kinya bhuno Kirisito omwene anyi mutööbhiyu.

Abhagharatiya 5:5

Amare itu, kino toghwitëngʼëra kwo bhotoro bho Körö Ahörëëru n‑kubha, Eryobha ndeghotubhara kubha abhaato abhahëënë, gho kubha ntokomokumi Yesu.

2 Abhakorinto 5:19

Niko kobhugha, gho kohetera gho Kirisito, Eryobha ꞉ndiitëmëëriini abhaato na ryo, na retabhabhariire abhaato obhobhe bhoobho. Wiiki Eryobha ndetoheere emeremo ghe kobhabhoorera abhaato amangʼana gha bhoghwani bhuyo.

Amaköri gha Bhatomu 23:6

Hano Bhawuro amënyiri kubha ghate yaabho mbaanyi‑mu Amasatukaayo, na Mabharisaayo, aghatiiri amaraka ghaache mo‑riibharacha riyo, akabhugha, “Inyu abhahiiri bhaane, eni n‑Omubharisaayo neenyi, omoona o Mubharisaayo! Ghano ghaghughëri neteneru ekiina ne emeghiro, n‑gho kubha neghwitëngʼëra kubha, abhaku mbakoryoka.”

1 Bheetero 3:15

Mubhe mwisëëmiri eriibhagha ryose ghugharokeri wowoose uno akobhabhoori kino moghwitëngʼëra. Mukörë hangʼu kwo bhuhörëëru na asooko,

1 Abhakorinto 13:13

Mbe, ibheere, ebheghiro bhino bhitato bhetaaghosira, obhokumi, na amiitëngʼërö no obhosiighi. Na mo‑bhino, egheghiro eghekoro ghokera bhyose n‑obhosiighi.

Amaköri gha Bhatomu 24:15

Eni netooriri amiitëngʼërö kwo Waryobha, na bhoose mbaanyi ne riitëngʼërö riyo, kubha Eryobha ndekoryoki abhaku bhoose abhahëënë na abhaköri bha mabhe.

1 Timotewo 1:15

Angʼana e hëënë ino ekwëndëru abhaato bhayiishereri n‑kubha, “Kirisito Yesu ꞉niichiri mo‑se, kubha atoori abhaato bha masari.” Ghate e bhaato bha masari, eni niköriri amasari ghokera bhoose.

2 Abhatesaronike 2:16

Taata wiito Waryobha natosiighiri, na gho ghareeya yaache aghatughambisani emiishe ghyose na ghotuha amiitëngʼërö amachömu. Iwe ntokomusabha, haghirohamu no Omutëmi wiito Yesu Kirisito kubha,

Abhakorosaayi 3:16

Angʼana e Kirisito yiikare kwo bhwaru moose yaanyu. Mwegherani, na ghutöngërana mo‑mangʼiini ghoose. Moryembere Eryobha gho Sabhuri, na kwo myembo, na gho chatensi che mo‑metema. Hano mookubha moraryembera, mubhe morariitabheri mo‑metema gheenyu.

Abharuumi 10:8

Amare Amandëkö Amatööbhiyu ngakobhugha, “Angʼana e Ryobha neenyi haghuhe na niiye, neenyi mo‑monu waacho na mo‑motema waacho.” Ibheere, angʼana iyo niyo ino tokuraghani ighoro e komokumi Yesu Kirisito.

Amaköri gha Bhatomu 10:36

Iwe ꞉naatomiri amangʼana ghaache kwo Abhiisiraeri arabharaghaneri Angʼana Anchömu e murëmbë gho nchëra e Yesu Kirisito. Yesu uyo niwe Omutëmi o bhaato bhoose.

Ruuka 12:33

Mbe, moghori ebheghiro bheenyu, mobhahë abhahabhe. Mwitoorere amaghöchi ghano ghataaghokunguha, mubhe na agharinga ino etaaghosuuha Mwishaaro, hano omwibhi ataakohika, koru ebhebhongi bhetaakobhongi.

Amaköri gha Bhatomu 13:26

“Abhahiiri bhaane, inyu abhaato bha rwibhoro ro Abhurahamu, na niinyu abhaato bha matöngö aghande bhano mokoryoghwera Eryobha, itu niitu totomuuru angʼana iyo anchömu e bhotoori.

2 Abhakorinto 6:7

wiiki gho nchëra e kuraghani amangʼana gha mahëënë. Ntohaaköra ghayo ghoose gho changuru che Ryobha. Obhuhëënë nibho ebhiröönërö bhiito, eribhaara re kwiro na re kumosi.

Abhagharatiya 2:5

Amare totiishereriini nabho koru hasuuhu. Ntuköriri hangʼu kubha tochonge obhuhëënë bho Ngʼana Anchömu bhusaaghe na niinyu chaasiko choose.

Abhagharatiya 2:14

Mbe, hano nerooche kubha bhataaghuköra kinya obhuhëënë bho Angʼana Anchömu bhoonyi, nekamobhoorera Bheetero haheero kubha, “Iye n‑Omuyahuuti, amare nohaaköra kinya abhaato bha matöngö bhaghuköra. Ngwake ibheere okuhaamereri abhaato bha matöngö ghutambana chaasughara che Bhayahuuti?”

Abhaebheeso 4:21

Aribha hangʼu keenyi, inyu mooghwire amangʼana ghaache na kweghibhu, kinya obhuhëënë bhoonyi ighoro e Yesu.

2 Bheetero 1:12

Gho ghayo, nekwëndërëra kobhahiiti amangʼana ghayo kimu, nangabha mumariri ghoghamënya na muköngʼiiri mo‑bhuhëënë bhuno mweghiri.