Abhakorosaayi 1:4 - Eriiraghano Eriihë

⁴ Ntoghuköra hangʼu gho kubha ntooghwire kebhuno momokumiri Kirisito Yesu, na kinya obhosiighi bhoonyu bhoonyi kwo bhaato bhaache.

Abhakorosaayi 1:4 Referans Kwoze

Abhaebheeso 1:15

Nekoriitabheri Eryobha gho ghiri e mangʼana ghoose ghano ꞉reetuköriire. Korwera hano nyoghwire kebhuno momokumiri Omutëmi Yesu, na kinya obhosiighi bhoonyu bhoonyi kwo bhaato bhaache,

2 Abhatesaronike 1:3

Abhahiiri bhiito, nekwëndëru koriitabheri Eryobha eriibhagha ryose gho ghiri yaanyu, gho kubha obhokumi bhoonyu mbokwiyëëngëra chwee, wiiki ghosiighana koonyu ngokwiyëëngëra.

1 Abhatesaronike 1:3

Hano tookubha torabhasabhera o‑Taata wiito Waryobha, ntokohiita emeremo ghino muköriri kwo bhokumi. Ntokohiita ghwiköngʼi koonyu kuno ghokorwera mo‑bhosiighi bhoonyu, na kebhuno mwimeeriire mo‑bhokumi na kwo miitëngʼërö ghaanyu gha ghugharuka kwo Mutëmi wiito Yesu Kirisito.

Abheebhuraaniya 6:10

Mbe, gho kubha Eryobha n‑ihëënë, retaaghotora ghogheebhu amaköri amachömu ghano muköriri. Wiiki retaaghotora kwebhu obhosiighi bhuure mwërëkiri ghokooche gho nchëra e kobhatoori abhakumi abhaghëndi bhaanyu korwera hano musëëmiri mbagha ibheere.

1 Yohana 4:16

Ibheere, itu ntweche na ghokumi kubha Eryobha ndetosiighiri. Eryobha n‑obhosiighi. Wowoose uno anyi no obhosiighi, niwe anyi no obhumu ne Eryobha, Eryobha ryose ndeenyi no obhumu nawe.

Bhiremooni 1:5

gho kubha nekooghu kubha nokwëndërëra komokumi Omutëmi Yesu na kobhasiigha abhatööbhiyu bhoose.

1 Yohana 3:14

Itu ntweche kubha ntoruure mo‑changuru che roko, na ghusöha mo‑bhuhöru bho miishe ghyose. Ntweche hangʼu gho kubha ntobhasiighiri abhaghëndi bhiito. Omooto wowoose uno ataghöötë obhosiighi naanyi mo‑roko.

Abhagharatiya 5:6

Mbe, aribha tughöötiine na Kirisito Yesu, ghusaaru hamu kwanga ghusaaru ghotaanyi ne ekebhune ghyokyose. Egheghiro ke bhwëra n‑obhokumi bhwito bhuno bhohaaköra emeremo kwo bhosiighi.

1 Yohana 3:23

Omoghiro waache niwe uno, kubha tomokumi Omoona waache, Yesu Kirisito, na ghosiighana, kinya bhuno ꞉aturagheriiri.

1 Abhatesaronike 3:6

Ibheere Timotewo hano ichiri koru bhowaanyu, aghatobhoorera amangʼana amachömu gha bhokumi no obhosiighi bhoonyu. Aghatobhoorera kubha ˆmoghotohiita chwee gho chaasiko choose, wiiki mubheere na amiigha gha ghotorighi, kinya bhuure itu tubheere na amiigha gha kobharighi.

Abhakorosaayi 1:9

Gho ghiri iyo ntokobhasabhera chaasiko choose korwera riibhagha rino tooghwire amangʼana ghaanyu. Ntoghusabha kubha Eryobha rebhahë obhumënyi bhoose gho ghaare iryo rekwënda, na amangʼiini ghoose no obhumënyi koru mo‑Körö Ahörëëru.

2 Abhakorinto 7:7

Nteekobhugha kubha ꞉ntuughambisiinu gho kuucha gho Tiito okwene, amare na kinya bhuno momughambisiini iwe omwene. ꞉Naatobhooriire kinya bhuno moonyi na amiigha gha kondighi, na kebhuno ꞉mwitumatiri na kunyaaka gho ghiri yaane. Ghayo ngaghëriri nichömëru chwee.

Abhagharatiya 3:26

Ibheere inyu bhoose n‑abhaana bha Ryobha moonyi gho nchëra e ghokumi koonyu, gho kubha mughöötiine na Kirisito Yesu.

Abhagharatiya 3:28

Gho ghayo, bhotaanyi‑ho obhwahukani ghate e Muyahuuti no omooto o matöngö, hamu omusësë no omooto huuru, hamu omosubhe no omukari. Bhoose murëngʼiine, gho kubha mughöötiine na Kirisito Yesu.

Abhaebheeso 6:18

Mbe, mubhe morasabha eriibhagha ryose kwo masabhi gha manga ghoose, kurëngʼaana na kinya Akörö Ahörëëru ekobhakangata. Mubhe miisho gho ghiri e ngʼana iyo, na mwiköngʼi kobhasabhera abhatööbhiyu bhoose.