Abhakorosaayi 1:28 - Eriiraghano Eriihë

²⁸ Iwe Kirisito niwe tokuraghani amangʼana ghaache, ntokobhashaangʼi na kobheeghi abhaato bhoose kwo mangʼiini ghoose, kubha tobharëëtë bhoose ambërë e Ryobha bhaköngʼiri gho ghughöötana koobho na Kirisito.

Abhakorosaayi 1:28 Referans Kwoze

Abhaebheeso 5:27

꞉Nëëndiri ibhönërë eriikanisa eritööbhiyu, rino retaanyi ne eriisari koru obhoghonchu bhobhoose.

Mataayo 5:48

Mbe, mubhe bhaghöröröku kinya bhuure Taata waanyu uno anyi Mwishaaro anyi mughöröröku.

Abhakorosaayi 3:16

Angʼana e Kirisito yiikare kwo bhwaru moose yaanyu. Mwegherani, na ghutöngërana mo‑mangʼiini ghoose. Moryembere Eryobha gho Sabhuri, na kwo myembo, na gho chatensi che mo‑metema. Hano mookubha moraryembera, mubhe morariitabheri mo‑metema gheenyu.

1 Abhakorinto 2:6

Amare itu, ntoghosiikëra amangʼana gha mangʼiini mo‑bhaato bhano bhaköngʼiri mo‑bhokumi, amare amangʼiini ghayo ghataanyi gha se ino, wiiki ghataanyi gha bhakangati bha se ino bhano bhaakoru‑ho.

Abhakorosaayi 1:22

gho nchëra e mobhere o Kirisito, gho ghoku kooche. ꞉Naaköriri hangʼu kubha abharëëtë ambërë yaache moonyi bhatööbhiyu, motaanyi na angʼana koru eriisörö.

2 Abhakorinto 11:2

Eni nekobharigheri eriihari. Eriihari riyo ndeekoru kwo Waryobha, gho kubha moonyi kinya omuukë uno ataamara amisi no omosubhe, uno nemwishereriiri ghokwiru no omosubhe umu hangʼu, omosubhe uyo n‑Kirisito.

2 Abhakorinto 4:5

Itu totaakuraghani amangʼana ghiito, amare ntokuraghani kubha Kirisito Yesu niwe Omutëmi, na niitu n‑abhatamishi bhaanyu toonyi gho ghiri yaache.

Amaköri gha Bhatomu 20:31

Gho ghayo, mubhe amiisho! Mubhe morahiita kubha, ꞉niimariri emeeka etato, obhotiko no omwishe nerabhashaangʼi omooto woose, gho changishori.

Amaköri gha Bhatomu 8:35

Hayo hayo Bhiiribho aghasëëma gho kohetera Amandëkö ghayo ghayo, komobhoorera Ngʼana Anchömu ighoro e Yesu.

Abheebhuraaniya 10:14

Gho nchëra e Yesu kwiruusi mara rimu hangʼu, nabhamusiri na kobhaköra kubha abhaato bhaache emiishe ghyose.

1 Timotewo 3:2

Mbe, asikoofu uyo, abhe omooto uno ataanyi ni isörö. Abhe no omukari umu hangʼu, na abhe ne ekirëngërë, wiiki abhe uno anyi na amangʼiini. Abhe omooto uno aghosooku, na abhe omooto uno asiighiri ghughënëhi abhaato, na uno eche kweghi abhaato angʼana e Ryobha.

Abhakorosaayi 2:10

Inyu muhaabhuru bhyose gho ghughöötana na Kirisito, iwe niwe Omutëmi omokoro uno anyi no obhotoro bhoose mo‑se ino etaakorighibhu.

1 Abhakorinto 12:8

Akörö nekomuha omooto umu angʼana e mangʼiini, no owonde nekomuha angʼana e bhumënyi. Akörö iyo iyo nekoruusi ebhihaano kinya ekwënda.

Abhaebheeso 3:8

Eni m‑mosuuhu neenyi ghokera abhatööbhiyu bhoose bha Ryobha, amare Eryobha ndinsakiiri aghareeya kubha nebharaghaneri abhaato bha matöngö obhwame bho rubhango ro Kirisito runo rotaanyi ne ekirëngërë.

2 Abhakorinto 10:14

Totaakwihacha koheta ekirëngërë ke meremo ghiito kinya bhuno tongaköriri aribha totangahikiri bhowaanyu. Amare n‑itu toore a bhambërë kobharëëtëra Angʼana Anchömu ighoro e Kirisito.

1 Abhakorinto 15:12

Ibheere, aribha ekuraghanibhu kubha Kirisito naryokiri koru mo‑bhaku, ibheere ngwake abhande ghate yaanyu bhakobhugha kubha abhaku bhataakoryoka?

1 Abhakorinto 1:30

Eryobha niryo rekobhaghöötani inyu na Kirisito Yesu. Iryo ndiköriri Kirisito abhe amangʼiini ghiito. Niko kobhugha kubha gho nchëra e Yesu ntobheere bha hëënë ambërë e Ryobha, na ntobheere abhatööbhiyu, wiiki ntoghotingoribhu.

Ruuka 21:15

Eni mwene, nekobhaha amangʼiini na amangʼana ghano moghosiikëra, koru abhabhisa bhaanyu bhataaghotora ghoghaanga hamu kobhakinda.

1 Abhakorinto 2:15

Omooto uno aghukangatu na Akörö e Ryobha naghoghiisuncha ghoose, amare iwe, omooto wowoose taaghotora komwisuncha.

1 Abhakorinto 1:23

Amare itu, ntokuraghani angʼana ighoro e Kirisito uno amamburu mo‑musarabha. Angʼana iyo nekobhakarari Abhayahuuti, na kwo bhaato bha matöngö no obhughëëghë.

Abharuumi 16:25

Ibheere, ntokoreghongi Eryobha! Iryo ndeghotora kobhaköra mubhe moriiköngʼi mo‑bhokumi bhoonyu, kohetera mo‑Ngʼana Anchömu ighoro e Yesu Kirisito ino neere neraraghani ghokoonyu. Angʼana iyo neere ebhisuru korwera kare, amare ibheere, nehunyuuru,

Amaköri gha Bhatomu 17:3

arabhëërëki kimu kimu kubha, Kirisito ꞉nëëndiiru anyaakibhu na ghwitu, aramara aryoke koru mo‑bhaku. Bhawuro akabhabhoorera kubha, “Kirisito uyo, niwe Yesu uno nebharaghaniiri amangʼana ghaache.”

Amaköri gha Bhatomu 10:36

Iwe ꞉naatomiri amangʼana ghaache kwo Abhiisiraeri arabharaghaneri Angʼana Anchömu e murëmbë gho nchëra e Yesu Kirisito. Yesu uyo niwe Omutëmi o bhaato bhoose.

Amaköri gha Bhatomu 9:20

Mo‑chaasiko chiyo chiyo, aghasëëma ghuye mo‑masinaghooghi na kuraghani kubha Yesu niwe Omoona o Ryobha.

Amaköri gha Bhatomu 8:5

Bhiiribho iwe aghaye mo‑moghya o Samaariya, aghasëëma kuraghaneri abhaato ighoro e Kirisito.

Amaköri gha Bhatomu 5:42

Bhataatighiri kweghi abhaato na kobharaghaneri Angʼana Anchömu kubha Yesu niwe Kirisito. Chaasiko choose ꞉mbëëndëriire kweghi Mwisëngërö, na mo‑chanyumba che bhaato.

Amaköri gha Bhatomu 3:20

na ndekomotoma Kirisito ghokoonyu. Iwe niwe Kirisito Yesu Omotoori uno Eryobha remwahwire gho ghiri yaanyu korwera simoka.

Maariko 6:34

Hano Yesu ahikiri ase ayoomu, akarighi erikinda ikoro re bhaato. Akabhaghwera ebheghongi, gho kubha mbaare kinya changʼöndu chino chetaanyi no omoriishi. Aghasëëma kobheeghi amangʼana maaru.

Mataayo 28:20

Wiiki mobheeghi ghoghaghööta ghoose ghano nebherekeriiri inyu. Mööhi! Neekubha haghirohamu na niinyu eriibhagha ryose mbagha mo‑ntenero e se.”

Mataayo 3:7

Amare hano Yohana arooche Amabharisaayo na Amasatukaayo bhakamutambana kwo bhwaru kubha abhabhatiise, akabhabhoorera akabhugha, “Inyu orwibhoro ro nchöka! N‑niwe abhabhooriire kubha, gho kubhatiisu moghwisacha obhororo bho Ryobha bhuno bhokuucha?

2 Bheetero 3:15

Mumënyë kubha Omutëmi nakobhaghumereri kubha mubhönë omweya o ghotooribhu. Hangʼu nibhu omohiiri wiito Bhawuro omosiighani ꞉abhaandëkiire gho kuhökëri mangʼiini ghano Eryobha ꞉reemoheere.

Abheebhuraaniya 13:21

Eryobha rebhakörë mohikeerane kwo mangʼana amachömu ghoose, mukörë ghano ghaanyi amiigha ghaache. Wiiki abhahë obhotoro bho ghuköra ghano ghakomuchömëri gho ghughöötana na Yesu Kirisito. Iwe aghongibhu emiishe ne emiishe. Hawubhaabha.

1 Timotewo 3:16

Amangʼana gha bhuhëënë ghano Eryobha rehunywire n‑gha koroghoori, nagho nigho ghano: Kirisito niyëërëkiini mo‑mobhere, na Akörö Ahörëëru ekamuhëënëhi kubha, mughöröröku, akarighibhu na bhamarayika, akaraghanibhu mo‑matöngö ghoose, aghakumibhu na abhaato bha mo‑se, aghaghëghu ghuye ighoro mo‑bhokumi bhooche obhokoro.

1 Abhatesaronike 4:6

Gho ghayo, omooto wowoose atamutaaseri mughëndi waache, koru komongʼiina. Kinya bhuure ꞉toobhashaangʼiri na kobhabhoorera kubha, bhano bhoose bhaghuköra ghayo, Omutëmi nakobharööna.

1 Abhakorinto 4:14

Nteekobhaandëkëra amangʼana ghano kobhasooki, amare nekwënda kobhashaangʼi kinya abhaana bhaane abhasiighani.

Amaköri gha Bhatomu 13:38

“Gho ghayo, bhahiiri bhaane, mutëghëërërë! Ntokobharaghaneri kubha, gho kohetera Yesu abhaato mbakwabhëru amasari ghaabho.

Amaköri gha Bhatomu 11:20

Amare mo‑moghya uyo o Antiyokiya, mo‑bhaato bhano ꞉bhaangʼösiire iyo, ꞉mbaaruure mo‑se e Kiibhuro na mo‑moghya o Kireene. Ibho bhakeeghi Angʼana Anchömu e Mutëmi Yesu koru kwo bhaato bha matöngö.

Amaköri gha Bhatomu 17:18

Niho abhaato abhamu bha sooko bha tiini e Kiyebhikuriyo, haghirohamu na bha tiini e Kisitoyiko bhaghasëëma kuhakaana na Bhawuro. Abhamu ghate yaabho bhakabhugha, “M‑mangʼana ke ghano omwikombikombi uno akwënda ghosiikëra?” Abhande bhakabhugha, “Nekwërëki kubha naghosiikërëra emisambu ghe se ayende.” Kino ꞉ghiighëriri bhakabhugha hangʼu, n‑gho kubha Bhawuro naare araraghani ighoro e Yesu, na koryokibhu kwo bhaku.

Abhakorosaayi 2:3

Moose yaache neebhisuru agharinga yoose e mangʼiini no obhumënyi.

Abhakorosaayi 4:12

Ebhaabhura, omutamishi o Yesu Kirisito, no omooto o bhowaanyu, nakobhakëëri. Eriibhagha ryaru naghwiköngʼi kobhasabhera inyu kubha muköngʼëri, na muköngʼë mo‑chaakörö na kubha bhasubhesubhe gho ghoose ghano Eryobha rekwënda.