Abhakorosaayi 1:27 - Eriiraghano Eriihë

²⁷ Bhayo nibho Eryobha ꞉reesiighiri kobhahunyurera ekebhisere kiyo ghe koroghoori kino riköriri gho ghiri e bhaato bha matöngö. Angʼana iyo e kebhisere n‑kubha, Kirisito naanyi moose yaanyu, wiiki niwe akobhaha amiitëngʼërö kubha moghusanga obhokumi obhokoro bho Ryobha.

Abhakorosaayi 1:27 Referans Kwoze

Yohana 14:20

Eriibhagha riyo, inyu mokumënya kubha eni neenyi moose e Taata, na niinyu moonyi moose yaane, na neeni neenyi moose yaanyu.

Abharuumi 8:10

Ibheere, Kirisito naghwikara moose yaanyu. Gho ghayo, koru aribha emebhere gheenyu gheeghoku kurëngʼaana na amasari, Akörö Ahörëëru nekobhaha obhuhöru, gho kubha Eryobha ndebhabhariire kubha abhaato bhano bhaanyi no obhuhëënë ambërë yaache.

1 Yohana 4:4

Amare abhaana bhaane abhasiighani, inyu n‑abhaato bha Ryobha moonyi na mobhakindiri abhaato bhayo bha bhuröngö. Motoriri kobhakinda gho kubha, Akörö e Ryobha neenyi moose yaanyu. Iyo neenyi no obhotoro ghokera akörö e Rishambu, ino eghukangata abhaato bhano bhataakorekumi Eryobha.

Abhagharatiya 2:20

Eriimanya reene riire re kare ndekuure haghirohamu na Kirisito mo‑musarabha. Ibheere muhöru neenyi, amare taanyi eni, gho kubha Kirisito niwe anyi omuhöru moose yaane. Obhuhöru bhuno neenyi nabho eriibhagha rino, nebhughöötë gho ghiri e ghokumi Omoona o Ryobha. Iwe nansiighiri na akaruusi obhuhöru bhooche ghokoone kubha antoori.

1 Abhakorinto 3:16

Kana, moteeche kubha inyu n‑Erisëngërö re Ryobha moonyi, na kubha Akörö e Ryobha neghwikara moose yaanyu?

Obhohunyurëru 3:20

Mööhi! Eni niimeeriire mo‑ghisëku neghuköngööta eghisëku. Omooto arooghu eriiraka reene na konyiighorera orwighe, neghusöha mo‑nyumba yaache niraaghërë haghirohamu nawe.

Yohana 14:17

Akörö iyo nekobhahunyurera abhaato obhuhëënë. Abhaato bhano bhakwanga Eryobha bhataaghotora ghosongʼaana Akörö iyo, gho kubha bhataakoyerighi, wiiki bhatayeeche. Amare inyu moyeeche Akörö iyo gho kubha neghwikara haghirohamu na niinyu, wiiki neekubha moose yaanyu.

Abhagharatiya 4:19

Abhaana bhaane, rino n‑eriibhagha erende wiiki ghokoone kooghu obhororo gho ghiri yaanyu, kinya bhuno obhosongo bhohaamure omukari uno anyi inda, eriibhagha re kwibhora. Nekwiyoghu hangʼu hangʼu, mbagha atëëmö e Kirisito erighibhu mo‑tëëmö yaanyu.

2 Abhakorinto 4:6

Eryobha rino ꞉reebhughiri kubha, “Obhwero bhurëngaari mo‑kengʼuuri,” niryo riyo rirëngaariri mo‑metema ghiito, na ghotuköra tumënyë obhokumi bhooche obhokoro bhuno bhokurëngaari mo‑bhosho bho Yesu Kirisito.

1 Timotewo 1:1

Anyaarubha ino neyandëkiri eni Bhawuro. Eni netomuru kubha omotomu o Kirisito Yesu gho kuhatëku ne Eryobha Omotoori wiito na Kirisito Yesu uno anyi eriitëngʼërö riito.

Abhakorosaayi 2:3

Moose yaache neebhisuru agharinga yoose e mangʼiini no obhumënyi.

Yohana 14:23

Yesu akamugharokeri akabhugha, “Omooto wowoose uno ansiighiri, naghughööta angʼana yaane. Taata waane nakomosiigha, wiiki eni na Taata ntookuucha ghokooche na ghwikara haghirohamu nawe.

2 Abhakorinto 6:16

Erisëngërö re Ryobha ndeghotora kubha no obhumu na chasanaamu che misambu? Itu n‑Erisëngërö re Ryobha rino reenyi ihöru! N‑kinya bhuno Eryobha eryene ꞉reebhughiri kubha, “Neghwikara ghokoobho na ghughënda haghirohamu nabho. Neekubha Eryobha reebho, nabho mbaakubha abhaato bhaane.”

Abhakorosaayi 3:11

Gho ghayo, bhotaanyi‑ho bhwahukani bho Muyahuuti hamu omooto o matöngö, uno asaaruru, hamu uno atasaaruru, uno aghutaraahu na uno atasömiri, omusësë hamu uno ataanyi omusësë. Amare Kirisito niwe akohikeerani ghoose, wiiki naanyi moose e bhoose.

Yohana 17:26

Eni nebheeghiri kebhuno iye onyi, wiiki nekwëndërëra ghuköra hangʼu, kubha bhasiighane kinya bhuno onsiighiri eni, wiiki nibhe moose yaabho.”

Abhaebheeso 2:22

Gho ghughöötana nawe, inyu bhoose mokwabhëku mubhe obhwikari bho Ryobha, gho nchëra e Körö yaache.

Yohana 6:56

Omooto wowoose uno akurë omobhere waane na kunyo amasaahë ghaane naakubha arëëndërëra ghwikara moose yaane na neeni neghwikara moose yaache.

Abhaebheeso 1:7

Eryobha ndetotingwiri gho nchëra e masaahë gha Yesu Kirisito, niko kobhugha ndetwabhiire amasari ghiito ghoose, kurëngʼaana no obhwaru bho ghareeya yaache.

Abhabhiribhi 4:19

Mbe, Eryobha reene, ndekobhaha amënda ghaanyu ghoose kurëngʼaana no obhwame bhooche obhokoro. Ndeghuköra hangʼu gho nchëra e Kirisito Yesu.

Abharuumi 9:23

꞉Ndiiköriri hangʼu, kubha ribhönë kwërëki obhokumi bhooche obhokoro gho ghiri e bhaato bhano ꞉riisëëmiri bhasongʼaane changori cheeche. ꞉Ndiisëëmiri korwera kare kobharëëta ghokooche bhabhe nawe mo‑bhokumi bhooche obhokoro.

Abharuumi 5:2

Gho nchëra e komokumi Omutëmi Yesu, Eryobha ꞉ndeetoheere aghareeya yaache. Koru ibheere ntokwëndërëra ghosongʼaana aghareeya iyo. Ntoghuchömëru chwee, gho kubha ntoghwitëngʼëra kubha ntoghusanga haghirohamu ne Eryobha mo‑bhokumi bhooche obhokoro.

Abhakorosaayi 1:5

Obhokumi no obhosiighi bhoonyu, mbookoru mo‑riitëngʼërö reenyu kubha moghosongʼaana orubhango runo Eryobha retotooriire Mwishaaro. ꞉Mooghwire amangʼana gha riitëngʼërö riyo ekimbërë eriibhagha ꞉muuraghaniiru angʼana e hëënë e Ngʼana Anchömu.

2 Abhakorinto 4:17

Neghosiikëra hangʼu, gho kubha anyaako yiito n‑ihoho na n‑e riibhagha ighuhe hangʼu. Wiiki, neghotusëëmëra obhokumi obhokoro bho miishe ghyose. Obhokumi obhokoro bhuyo m‑bhokoro chwee, mboghotuköra korighi anyaako ino, n‑egheghiro ghesuuhu hangʼu.

Ruuka 17:21

Abhaato bhataaghotora kobhugha, ‘Mumööhi! Kabhuno bhoonyi hano!’ Hamu, ‘Mumööhi! Mboonyi haare!’ Mutëghëërërë, obhutëmi bho Ryobha mboonyi ghate yiito hano.”

Mataayo 13:11

Akabhagharokeri akabhugha, “Eryobha ndebhahunyuriire inyu kumënya ghano ghaanyi mo‑kebhisere ighoro e bhutëmi bho Mwishaaro, amare ibho bhakeere kumënya ghayo,

2 Abhakorinto 2:14

Amare ntokoriitabheri Eryobha gho kubha ndeghotukangata eriibhagha ryose mo‑murööbhö o ghuchaghanera obhokindi bho Kirisito ighoro e bhabhisa bhaache. Wiiki Eryobha ndeghotuköra itu ghusanchi obhumënyi bho ngʼana ighoro e Kirisito chambaara choose, nibheere kinya bhuno ekeneeso eghichömu kehaasancha ahaghiro hoose.

Abharuumi 11:33

Oo! N‑niwe uno aghotora kumënya kebhuno bhoonyi obhwame na amangʼiini no obhumënyi bho Ryobha? Mboghokera obhumënyi bhwito! Taanyi‑ho omooto uno aghotora ghwisuncha ghotena ekiina keeche, hamu kumënya chanchëra cheeche.

Abharuumi 2:4

Eryobha n‑ihöriicho chwee, ndeghokorigheri ebheghongi bhyaru, na ndeghoghoghumereri chwee. Amare iye ibheere, nokwënda ghutaraaha ghayo ghoose? Tweche kubha ndeghokwërëki obhuhöriicho bhooche, kubha otore ghotuukuunera amasari ghaacho?

Abheebhuraaniya 6:19

Ntoonyi ne eriitëngʼërö mo‑metema ghiito, rino reenyi kinya ananga, ino ehaaghöötërëra ameeri etahiru no obhukama. Amiitëngʼërö ghayo ꞉ngaasöhiri Ahatööbhiyu ha Hatööbhiyu iyo Mwishaaro gho kohetera hano omwando ore oteniini.