Abhakorosaayi 1:24 - Eriiraghano Eriihë

²⁴ Ibheere neghuchömëru kwo nyaako ino nekubhöna gho ghiri yaanyu. Mo‑mobhere waane neghusanga anyaako ino Kirisito ꞉abhwine gho ghiri e mobhere waache, niryo eriikanisa.

Abhakorosaayi 1:24 Referans Kwoze

Abharuumi 5:3

Koru nangabha anyaako yoyoose yiire eghotubhöna, itu ntokwëndërëra ghuchömëru, gho kubha ntweche kubha anyaako nehaarëëta obhoghumereri.

2 Timotewo 1:8

Mbe, otarighi chaasoni ghughambera angʼana ighoro e Mutëmi wiito Yesu Kirisito, hamu korighi chaasoni gho kubha eni neenyi mo‑kibhöhö gho ghiri yaache. Amare, oghumereri mo‑nyaako haghirohamu na neeni, gho ghiri e Ngʼana Anchömu, kurëngʼaana na changuru chino okuhaabhu ne Eryobha.

Abhabhiribhi 3:10

Nekwënda nemumënyë Kirisito chwee na kubha na changuru ghe chino are nacho Kirisito eriibhagha re koryoka kooche. Nekwënda kubhöna anyaako kinya iwe ꞉anyaakiibhu, wiiki nekwënda neku kinya akuure.

2 Abhakorinto 7:4

Neenyi no obhosubhesubhe chwee hano neghosiikëra na niinyu, wiiki nekwihacha chwee gho ghiri yaanyu. Mungambisiini chwee na muköriri nibhe na ghuchömëru kwaru, nangabha tokunyaaka mo‑maaru.

Abhaebheeso 3:13

Gho ghayo, nekobhasabha motaku omukörö kwo nyaako ino ekumböna gho ghiri yaanyu, gho kubha anyaako iyo nekobharëëtëra obhwëra.

Yakobho 1:2

Abhahiiri bhaane, muchömëru hano mookubha morabhöna amasaki haghare haghare,

Abhakorosaayi 1:18

Iwe niwe omutu o mobhere, niryo eriikanisa. Iwe n‑simoka e mangʼana ghoose, gho kubha niwe o mumbërë koryoka koru mo‑bhaku, kubha abhe no omweya o mumbërë, mo‑bheghiro bhyose.

Amaköri gha Bhatomu 5:41

Abhatomu bhayo bhakahoroka mo‑riibharacha riyo bharasiighasiigha, kinya Eryobha rebhaheere asooko e ghutaraahu gho ghiri e riina re Yesu.

Abhaebheeso 3:1

Kurëngʼaana na amangʼana ghayo, eni Bhawuro nekobhasabhera. Eni nibhöhuru gho ghiri emeremo ghino Kirisito Yesu aheere nebharaghaneri inyu abhaato bha matöngö.

Abhaebheeso 1:23

Eriikanisa n‑omobhere o Kirisito, iryo n‑obhohikeerani bho Kirisito uno akohikeerani ebheghiro bhyose.

Abharuumi 8:17

Mbe, aribha itu n‑abhaana bha Ryobha toonyi, ntubheere abhaghabhi bhaache. Ntoghosongʼaana aghabho yiito haghirohamu na Kirisito. Amare kino ghekwëndëru ghokwito ibheere n‑kubha, tusange anyaako haghirohamu na Kirisito, kubha na niitu tusange haghirohamu nawe mo‑bhokumi bhooche obhokoro.

1 Abhakorinto 12:27

Mbe, inyu bhoose n‑omobhere o Kirisito moonyi, no omooto woose ghate yaanyu n‑ekyemo ke mobhere uyo.

2 Abhakorinto 6:10

Wiiki ntokorighibhu kinya ntwitumatiri, amare eriibhagha ryose ntoghuchömëru. Ntokorighibhu kubha m‑bhahabhe toonyi, amare abhaaru ntobhaamihiri. Ntokorighibhu kubha totaanyi na ghyokyose, amare ntoonyi ne ebheghiro bhyose.

2 Abhakorinto 12:15

Neghuchömëru koruusi ebheghiro bheene na kwiruusi eni mwene kobhatoori inyu. Amare ibheere nekorighibhu kubha, hano nekwëngëra kobhasiigha, niho inyu moghosuuhi obhosiighi bhoonyu ghokoone.

Maariko 10:39

Bhakamugharokeri bhakabhugha, “Ntoghotora.” Yesu akabhabhoorera akabhugha, “Mahëënë eghisënchö ke nyaako kino nekonywera eni moghokenywera, no obhubhatiiso bho roko bhuno nekubhatiisu eni mokubhatiisu.