Abhakorosaayi 1:20 - Eriiraghano Eriihë

²⁰ Wiiki gho nchëra e Kirisito, Eryobha rekabhighöötani ebheghiro bhyose na ryo, ebheghiro bhino bheenyi mo‑se, hamu bhino bheenyi mwishaaro. ꞉Naaköriri hangʼu gho ghotoora omurëmbë kohetera amasaahë gha Kirisito ghano ꞉ghiitëkiri mo‑musarabha.

Abhakorosaayi 1:20 Referans Kwoze

Abhaebheeso 1:10

Amangʼana ghano ndeghoghahikeerani kwo riibhagha reeche, ndekobhetoora ebheghiro bhyose bhe Mwishaaro na bhe mo‑se mo‑bhukangati bho Kirisito.

Abheebhuraaniya 2:17

Gho ghiri iyo, ꞉niichiri anyi kinya bhuno abhahiiri bhaache toonyi mo‑ghoose, kubha abhe Omuchaama Omokoro uno anyi o bheghongi no omuhëënë mo‑meremo gheeche ambërë e Ryobha. Gho nchëra iyo ꞉niiruusiri amaruusi gha ghutëmëërani abhaato ne Eryobha, kubha Eryobha rebhaabhërë abhaato amasari ghaabho.

Abharuumi 5:1

Mbe, Eryobha ndetubhariri kubha m‑bha hëënë toonyi ambërë yaache, kurëngʼaana no obhokumi bhwito. Gho ghayo, ntoonyi no omurëmbë ne Eryobha gho kohetera Omutëmi wiito Yesu Kirisito.

Abhabhiribhi 2:10

kubha gho sooko e riina re Yesu, ebheghiro bhyose bhino ꞉bhiitëëmuru, bhebhune ebheru ghokooche, bhibhe bhe Mwishaaro, na bhe mo‑se na bhe nyaari.

Amaköri gha Bhatomu 10:30

Korineeriyo akamobhoorera, “Chaasiko ishato chino chehetiri, neere mo‑ka yaane nerarisabha Eryobha, eriibhagha kinya rino re chaasa kende che mwishe. Hayo hayo nekarighi omooto imeeriire ambërë yaane abheekiri amaghööti gha kurëngaari.

Ruuka 2:14

“Eryobha re Mwishaaro reghongibhu! No omurëmbë ubhe mo‑se yoose, kwo bhaato bhano Eryobha resiighiri!”

Mataayo 1:21

Nakwibhora omoona o ghesiite, niiye omoroke eriina reeche Yesu, gho kubha niwe akobhatoori abhaato bhaache koru mo‑masari ghaabho.”

Abhakorosaayi 1:16

Gho kubha gho kohetera ghokooche, ebheghiro bhyose ꞉mbiitëëmuru, bhino bheenyi mwishaaro, na bhino bheenyi mo‑se, bhino bhekorighibhu, na bhino bhetaakorighibhu, erabha bhano bhaanyi n‑obhotoro, hamu abhatëmi, na abhakoro, hamu bha changuru. Bhyose ꞉mbiitëëmuru gho kohetera iwe, na gho ghiri yaache.