Abhakorosaayi 1:13 - Eriiraghano Eriihë

¹³ Natotooriri koru mo‑bhutëmi bho kengʼuuri, aghatusaami na ghotusöhi mo‑bhutëmi bho Moona waache omosiighani.

Abhakorosaayi 1:13 Referans Kwoze

Amaköri gha Bhatomu 26:18

gho ghiri obhahunyure amiisho, mbagha bharu mo‑kengʼuuri bhiigharurere obhwero, na bharu mo‑bhukangati bho Rishambu, bhiigharurere Eryobha. Hangʼu niho bhakwabhëru amasari ghaabho, mbaakubha haghirohamu na abhande bhoose bhano bhamusuru gho nchëra e ghonkumi.’

Abhaebheeso 5:8

Ekeenyuma hayo, inyu moore mo‑kengʼuuri, amare ibheere, gho ghughöötana koonyu no Omutëmi Yesu mumanyiri mo‑bhwero. Mbe, ibheere, mumanye kinya abhaato bhano bhaanyi mo‑bhwero!

1 Bheetero 2:9

Amare inyu n‑orwibhoro orwahöru, na abhachaama bha ghitëmi, na abhaato abhatööbhiyu, na abhaato bha Ryobha eryene, kubha muraghani amaköri amakoro gha Ryobha. Iryo ndebhabherekiire koru mo‑kengʼuuri, moghi mo‑bhwero bhooche obhokoro bho koroghoori.

Abhaebheeso 6:12

Nekobhugha hangʼu gho kubha, eriihë riito retaanyi ghate yiito na abhaato. Amare ntokurööna ne emisambu ghino gheenyi no obhotoro, ghino gheghukangata ase ino e kengʼuuri, ghyose ghino ngighöötëriire mo‑se ino etaakorighibhu.

1 Abhatesaronike 2:12

kubha mubhe moratambana ghano Eryobha resiighiri. Eryobha niryo rekobhabherekera kubha, mubhe haase e bhukangati no obhokumi bhooche obhokoro.

Abhaebheeso 4:18

ngakundekiiru ne ekengʼuuri. Abhaato bhayo mbatooruru kurë no obhuhöru bho Ryobha gho ghiri e bhuraghaanu bhoobho no obhuköngʼu bho metema gheebho.

Abharuumi 14:17

Amangʼana amachömu mo‑bhaato bha bhutëmi bho Ryobha taanyi ighoro e kurë hamu kunyo, amare n‑ghuköra ghano Eryobha rekwënda, kubha no omurëmbë na kumanya gho ghuchömëru. Ghayo ghoose ngaakubha kwo bhotoorereri bho Körö Ahörëëru.

1 Yohana 3:14

Itu ntweche kubha ntoruure mo‑changuru che roko, na ghusöha mo‑bhuhöru bho miishe ghyose. Ntweche hangʼu gho kubha ntobhasiighiri abhaghëndi bhiito. Omooto wowoose uno ataghöötë obhosiighi naanyi mo‑roko.

2 Abhakorinto 4:4

Angʼana Anchömu timënyuru mo‑bhaato bhano gho kubha, Erishambu rino reenyi omutëmi o se ino, ndehunyiri obhongo bho bhano bhataakomokumi Yesu. ꞉Ndiiköriri hangʼu kubha bhakindu korighi obhwero bho Angʼana Anchömu e bhokumi obhokoro bho Kirisito, uno anyi eghetuubhaani ke Ryobha.

1 Yohana 3:8

Amare omooto wowoose uno akwëndërëra ghuköra amasari, n‑omooto o Rishambu. Ntweche ghayo gho kubha Erishambu ndyëndëriire ghuköra amasari korwera kare. Nikyo Omoona o Ryobha ꞉ichiri mo‑se, kubha aghisari emeremo ghe Rishambu.

Yohana 5:24

“Mahëënë ˆnekabhabhoorera, abhaato bhoose bhano bhaghoghooghu amangʼana ghaane na korekumi Eryobha rino rentomiri mbaanyi no obhuhöru bho miishe ghyose. Bhataaghoteneru ekiina kwo masari ghaabho, amare mbatëënyiri koru mo‑roko na ghusöha mo‑bhuhöru bho miishe ghyose.

1 Yohana 2:8

Wiiki omoghiro uno nekobhaandëkëra m‑muhë. Obhuhëënë bhooche mboroochiibhu mo‑tëëmö e Yesu Kirisito, na mo‑chatëëmö cheenyu, gho kubha ekengʼuuri ngekoheta, no obhwero bho bhuhëënë mbumariri kurëngaari.

2 Bheetero 1:11

Gho ghuköra hangʼu, moghughënëhu bhoheene mo‑bhutëmi bho miishe ghyose bho Mutëmi no Omotoori wiito Yesu Kirisito.

Ruuka 13:24

“Mwiköngʼi bhoose ghusöha gho kohetera ekehita egheghute. ˆNekabhabhoorera kubha, abhaato bhaaru mbaghusaki ghusöha, amare bhataaghotora.

Abheebhuraaniya 2:14

Mbe, gho kubha abhaana bhano mbaanyi ne emebhere na amasaahë, Yesu woose ꞉niichiri anyi no omobhere kinya emebhere gheebho. ꞉Naaköriri hangʼu kubha gho nchëra e roko rooche, achekinde changuru che Rishambu rino reenyi no obhotoro bho ghughëri abhaato bhabhe bharaku.

Yohana 17:24

“Oo Taata, nekwënda kubha bhano oheere bhabhe haghirohamu na neeni hano neekubha, kubha bhabhorighi obhokumi bhoone obhokoro bhuno oheere, gho kubha ꞉nuushamiri ghonsiigha koru ase ekeere ghutëëmu.

Ruuka 22:53

Chaasiko choose neere haghirohamu na niinyu Mwisëngërö, amare motangöötiri! Amare ibheere, rino niryo eriibhagha reenyu, re bhukangati bho Rishambu.”

Mataayo 3:17

Eriiraka rekarwera Mwishaaro rerabhugha, “Uno n‑Omoona waane omosiighani, neghuchömëru nawe.”

Mataayo 25:34

“Niho eni uno neenyi Omutëmi nekobhabhoorera abhaato bhaare bhaanyi okubhökö koone gho kwiro nebhughe, ‘Muuche, inyu bhano Taata waane abhitabhiiri. Musöhë mo‑bhutëmi bhuno Eryobha rebhasëëmiire korwera ghutëëmu gho se ino.

Abhaebheeso 1:6

Gho ghayo, toreghongi Eryobha gho ghareeya yaache ino retoheere kwo bhwaru gho kohetera Omoona waache omosiighani.

Mataayo 17:5

Hano Bheetero are akeere arasiikëra, mööhi, rekaacha erishaaro rerarëngaari na kobhakundekeri. Bhakamara bhakooghu eriiraka koru Mwishaaro riyo rerabhugha, “Uno n‑Omoona waane omosiighani, neghuchömëru nawe, momutëghëërërë!”

Yohana 3:35

Taata Waryobha namosiighiri Omoona waache, wiiki namoheere obhotoro ighoro e bheghiro bhyose.

2 Abhakorinto 11:14

Mo‑ghayo totaakoroghoora, gho kubha Erishambu eryene ndehiiköri kinya marayika o bhwero.

Abhaebheeso 5:5

Mumënyë kubha obhwighombi bho bheghiro m‑bhonga ghusëngëra emisambu taanyi Eryobha. Mumanye kwo bhuhëënë kubha bhano bhaghwighomba ebheghiro, na abhataari na abhaghonchu, bhataaghusöha koru bhataaghughabha ghyokyose mo‑bhutëmi bho Kirisito na bho Ryobha.