Abhakorosaayi 1:12 - Eriiraghano Eriihë

¹² mubhe moramwitabheri Taata gho kubha nabhasakiiri ghusanga aghabho e bhaato bhaache mo‑bhutëmi bho mirëngaari.

Abhakorosaayi 1:12 Referans Kwoze

Amaköri gha Bhatomu 20:32

“Ibheere nekabhatighera Eryobha ribhe niryo rekobhachonga. Mubhe morachongu na angʼana yaache ino enyi na aghareeya. Aghareeya yaache neghotora kobhaköngʼi, mbagha mubhönë aghabho ino bhatooriiru abhaato bhaache bhoose.

Abhaebheeso 1:11

Eryobha ndehaaköra ghoose kurëngʼaana na amënda ghaache. Iryo ndetwahwire itu Abhayahuuti korwera kare, kubha tubhe abhaato bhaache gho nchëra e ghughöötana kwito na Kirisito.

Abhaebheeso 1:18

Kurëngʼaana na kubha Eryobha ndebhatooriri korimënya, neghusabha rebhatoori kumënya eriitëngʼërö rino ꞉moosongʼaaniri eriibhagha rino rebhabherekiire. Wiiki motore kumënya obhwame bho ghabho yaache kwo bhatööbhiyu,

Amaköri gha Bhatomu 26:18

gho ghiri obhahunyure amiisho, mbagha bharu mo‑kengʼuuri bhiigharurere obhwero, na bharu mo‑bhukangati bho Rishambu, bhiigharurere Eryobha. Hangʼu niho bhakwabhëru amasari ghaabho, mbaakubha haghirohamu na abhande bhoose bhano bhamusuru gho nchëra e ghonkumi.’

Abhaebheeso 3:6

Ekebhisere ekyene nikyo kino, gho nchëra e ghokumi Angʼana Anchömu abhaato bha matöngö mbakubhöna aghabho haghirohamu na Abhayahuuti. Wiiki abhaato bhayo n‑kinya omobhere umu na Abhayahuuti, na mbaghusanga haghirohamu eriiraghano riire riire rino Eryobha ꞉riiköriri gho nchëra e Kirisito Yesu.

2 Abhakorinto 5:5

Eryobha niryo retusëëmiri kwo mangʼana ghayo na ndetoheere Akörö yaache, kubha ibhe ekimanyenkereri ghe kwërëki kubha ghayo ngaghuköru.

Abharuumi 8:17

Mbe, aribha itu n‑abhaana bha Ryobha toonyi, ntubheere abhaghabhi bhaache. Ntoghosongʼaana aghabho yiito haghirohamu na Kirisito. Amare kino ghekwëndëru ghokwito ibheere n‑kubha, tusange anyaako haghirohamu na Kirisito, kubha na niitu tusange haghirohamu nawe mo‑bhokumi bhooche obhokoro.

Abheebhuraaniya 3:14

Gho ghayo ntoghughöötana na Kirisito, erabha tokwëndërëra komwitëngʼëra mbagha antenero e bhuhöru bhwito, kinya bhuno ꞉tuusëëmiri ghokumi.

Yohana 14:6

Yesu akamugharokeri akabhugha, “Eni n‑anchëra, no obhuhëënë, no obhuhöru. Taanyi‑ho uno aghotora kuucha o‑Taata aribha atahetiire ghokoone.

Obhohunyurëru 21:23

Omoghya uyo toonyi na amënda gha bhwero bho ryobha hamu omwëri, gho kubha obhokumi obhokoro bho Waryobha mbokowurëngareri, no Omoona o Ngʼöndu niwe oromore rooche.

Abheebhuraaniya 12:23

Inyu mohikiri mo‑riikanisa re bhiibhoru a bhambërë bha Ryobha, bhano amariina ghaabho ghaandëkuru Mwishaaro. Mohikiri ambërë e Ryobha rino reenyi omoteni o kiina o bhaato bhoose na ambërë e bhaato abhahöriicho bhano bhakuure bhano Eryobha rebhahikeriini.

Abhakorosaayi 2:2

Kino nekwënda n‑kubha, motooru omukörö na ghutëmëëranibhu mo‑bhosiighi. Nekwënda mubhönë obhumënyi bhoose bhuno bhokobhaha obhuhëënë. Hayo mokumënya ekebhisere ke Ryobha, nikyo Kirisito omwene.

Abhaebheeso 5:20

Wiiki, eriibhagha ryose mubhe moramwitabheri Taata Waryobha, gho ghiri e bhaato bhoose, gho kohetera eriina re Mutëmi wiito Yesu Kirisito.

1 Abhakorinto 8:6

Amare ghokwito, ndeenyi‑ho Eryobha rimu hangʼu, niryo Taata, niryo ꞉riitëëmiri ebheghiro bhyose, itu ntokumanya gho ghiri yaache. Wiiki naanyi‑ho Omutëmi umu hangʼu, niwe Yesu Kirisito, ne ebheghiro bhyose ꞉mbiitëëmuru gho kohetera ghokooche, wiiki itu ntoonyi abhahöru kurëngʼaana nawe.

Abharuumi 15:27

Nibho abheene ꞉bhiisheriiri ghuköra hangʼu. Amare m‑mahëënë kubha mbaanyi na asiire e kobhatoori, gho kubha abhaato bha matöngö bhano bhakumiri mbasangiri haghirohamu na Abhayahuuti mo‑rubhango ro ghotooribhu runo rohaahetera kwo Bhayahuuti. Gho ghayo, bhayo mbakwëndëru bhabhatoori Abhayahuuti kwo bheghiro bheebho.

Yakobho 3:9

Kwo roreme ntokomoghongi Taata Omutëmi wiito, na kwo roreme ruyo ruyo ntokwihiima abhaato bhano bhabhomburu ne Eryobha gho ghisösö keeche.

Abheebhuraaniya 3:1

Gho ghayo, inyu abhakumi abhaghëndi bhaane, bhano Eryobha rebherekiire kubha abhaato bhaache, mwituuri ighoro e Yesu, uno anyi Omotomu o Ryobha wiiki n‑Omuchaama Omokoro uno tokomokumi.

Abhakorosaayi 3:17

Gho ghoose ghano moghosiikëra, hamu ghuköra, mukörë kwo riina re Mutëmi Yesu, na komwitabheri Taata Waryobha kohetera ghokooche.

Abhakorosaayi 3:15

Omurëmbë o Kirisito ukangate mo‑metema gheenyu. Inyu mubheere omobhere umu, gho ghayo, mumanye kwo murëmbë. Wiiki mubhe morariitabheri Eryobha.

Abhaebheeso 5:4

Motasiikëra amangʼana gha chaasoni, na amangʼana gha ghighëëghë hamu kuhakaana, ghayo ghataakwëndëru ghokoonyu. Amare amangʼana ghano ghakwëndëru, n‑gha koriitabheri Eryobha.

Abhaebheeso 4:6

Ntoonyi ne Eryobha rimu hangʼu, na n‑Taata o bhoose, niryo reenyi ighoro e bhoose, na ndeghuköra emeremo mo‑bhoose na ndeghwikara mo‑bhoose.

1 Abhakorinto 9:23

Neghuköra ghayo ghoose gho ghiri e Ngʼana Anchömu kubha nisange na abhande mo‑rubhango rooche.

Abharuumi 11:17

Ibheere, ebhisaghe ebhimu mbenunguru, na niinyu bhano moonyi kinya ebhisaghe bhe miseyituuni ghi ibhara moghaghöötanibhu moghasanga haghirohamu ne ebhisaghe bhe museyituuni uno otaanyi wi ibhara. Ebhisaghe bhyose mbekubhöna ebhiinyakurë koru mo‑merya ghe museyituuni o kare.

Abharuumi 9:23

꞉Ndiiköriri hangʼu, kubha ribhönë kwërëki obhokumi bhooche obhokoro gho ghiri e bhaato bhano ꞉riisëëmiri bhasongʼaane changori cheeche. ꞉Ndiisëëmiri korwera kare kobharëëta ghokooche bhabhe nawe mo‑bhokumi bhooche obhokoro.

Yohana 20:17

Yesu akamobhoorera akabhugha, “Otangööta. Nekeere ntiimara neghi Mwishaaro o‑Taata. Mbe, nooghi obhabhoorere abhahiiri bhaane, kubha ˆneeghaye Mwishaaro o‑Taata waane, nawe n‑Taata waanyu, kwo Ryobha reene naryo n‑Eryobha reenyu.”

Yohana 4:23

Eriibhagha ndekuucha, wiiki ˆrekahika, abhaato bhano bhakwënda korisëngëra Eryobha kwo bhuhëënë, mbakomusëngëra Taata mo‑körö no obhuhëënë. Taata Waryobha nakwënda abhaato bhano bhakomusëngëra gho nchëra iyo.

Mataayo 25:34

“Niho eni uno neenyi Omutëmi nekobhabhoorera abhaato bhaare bhaanyi okubhökö koone gho kwiro nebhughe, ‘Muuche, inyu bhano Taata waane abhitabhiiri. Musöhë mo‑bhutëmi bhuno Eryobha rebhasëëmiire korwera ghutëëmu gho se ino.

Obhohunyurëru 22:14

Ngʼoni abhaato bhano bhakohura chandachana cheebho, kubha bhiisherereru ghusöha omoghya uyo omuhë kohetera ekehita keeche na kurë amakorobhese gha mote o kobhaha abhaato obhuhöru.

Obhohunyurëru 22:5

Mo‑moghya uyo, hataakubha no obhotiko wiiki. Abhaato bhataakubha bharëënda obhwero bho romore hamu bho mu, gho kubha Omutëmi Waryobha naakubha obhwero bhoobho. Nabho abhaato bhayo mbaghukangata emiishe ne emiishe.

1 Yohana 1:3

Ntokobharaghaneri angʼana ighoro e Yesu, uno ꞉toomorooche na komooghu, kubha mubhe no bhumu na niitu mo‑bhokumi. Obhumu bhuno tughöötë n‑haghirohamu na Taata Waryobha, no Omoona waache Yesu Kirisito.

1 Bheetero 5:1

Ibheere neghosiikëra na niinyu abhagharuka bha riikanisa. Eni n‑omugharuka mughëndi waanyu neenyi, na nerooche kwo miisho ghaane bhuno Kirisito anyaakiru. Wiiki, eni neghusanga na niinyu mo‑bhokumi obhokoro bhuno ˆbhoghatingʼi korighibhu. Gho ghayo ˆnekabhasasaama inyu,

Tiito 2:14

꞉Niiruusiri gho ghiri yiito, kubha atotoori koru mo‑mabhe ghoose. ꞉Nëëndiri ghotomusa, kubha hëënë tubhe abhaato bhaache, bhano bhiiruusiri ghuköra amachömu.

2 Abhakorinto 11:14

Mo‑ghayo totaakoroghoora, gho kubha Erishambu eryene ndehiiköri kinya marayika o bhwero.

Abhaebheeso 2:18

Gho ghayo, gho kohetera iwe, itu bhoose Abhayahuuti na abhaato bha matöngö ntoghotora komwishukerera Taata gho nchëra imu, gho kohetera Akörö Ahörëëru.

Abhaebheeso 5:8

Ekeenyuma hayo, inyu moore mo‑kengʼuuri, amare ibheere, gho ghughöötana koonyu no Omutëmi Yesu mumanyiri mo‑bhwero. Mbe, ibheere, mumanye kinya abhaato bhano bhaanyi mo‑bhwero!

Abhaebheeso 5:11

Motabha moraghöötana na abhaato bhano bhaghuköra amangʼana amabhe gha mo‑kengʼuuri. Amare mubhe moraghatoora haheero.