Abhakorosaayi 1:10 - Eriiraghano Eriihë

¹⁰ Niho moghotora kumanya kebhuno Omutëmi Yesu akwënda, na komotegheri mo‑mangʼana ghoose. Eriimanya reenyu ndekomotegheri kwo meremo gheenyu emichömu, wiiki moghwiköngʼi korimënya Eryobha.

Abhakorosaayi 1:10 Referans Kwoze

Abhaebheeso 4:1

Mbe, eni uno nibhöhuru gho ghiri e komuhökëri Omutëmi, nekobhasasaama mubhe na asughara ino ekurëngʼaana na amberekerera yaanyu ino Eryobha ꞉reebhabherekeriire.

Abheebhuraaniya 13:21

Eryobha rebhakörë mohikeerane kwo mangʼana amachömu ghoose, mukörë ghano ghaanyi amiigha ghaache. Wiiki abhahë obhotoro bho ghuköra ghano ghakomuchömëri gho ghughöötana na Yesu Kirisito. Iwe aghongibhu emiishe ne emiishe. Hawubhaabha.

1 Yohana 3:22

Wiiki ghyokyose kino tokorisabha ndeghotuha, gho kubha ntoghoghesooka emeghiro gheeche na ghuköra ghano ghakorichömëri.

Yohana 15:16

Inyu motanyahwire eni, amare n‑eni nebhahwire inyu. Nebhahwire kubha, musöngë amakorobhese ghano ghataaghosira naabha. Moraköra hangʼu, ghyokyose kino morasabha kohetera eriina reene, Taata nakobhaha.

1 Abhatesaronike 4:1

Ibheere bhahiiri bhiito, mweghiri koru ghokwito bhuno mokwëndëru kumanya, gho ghiri e korichömëri Eryobha. Na mahëënë eriimanya reenyu hangʼu reenyi. Ibheere, ntokobhasabha na ntokobhasasaama kwo bhukangati bho Mutëmi Yesu kubha, mubhe moraköra hangʼu na ghokera hayo.

Abheebhuraaniya 13:16

Mwëndërërë kobhatoori abhaghëndi na ghusanga nabho ebheghiro bhino moonyi nabhyo, gho kubha ghuköra hangʼu, nigho amaruusi ghano ghaghuchömëri Eryobha.

Yohana 15:8

Abhaanabheegha bhaane bha hëënë mbahaasönga amakorobhese maaru. Gho ghiri iyo abhaato mbakumënya kinya Taata anyi mokoro.

Tiito 3:14

Abhakumi bhaghëndi bhiito nabho, bheeghe ghuköra amachömu, kubha bhabhatoori bhano bhaanyi na amënda gha hëënë. Bharaköra hangʼu, eriimanya reebho ndeekubha no obhwëra.

2 Bheetero 3:18

Amare mwëndërërë ghokora mo‑ghareeya na gho komumënya Omutëmi no Omotoori wiito Yesu Kirisito. Aghongibhu, ibheere ne emiishe ghyose! Hawubhaabha.

2 Bheetero 1:8

Aribha chatëëmö chiyo cheriyëngëra ghokoonyu, nchekobhaköra momumënyë Omutëmi wiito Yesu Kirisito, kubha motabha kinya emete ghino ghetaaghusönga amakorobhese.

Abhakorosaayi 2:6

Mbe, gho ghayo, kinya bhuure momwisheriiri Kirisito Yesu kubha Omutëmi, mwëndërërë kumanya gho ghughöötana nawe.

1 Abhatesaronike 2:12

kubha mubhe moratambana ghano Eryobha resiighiri. Eryobha niryo rekobhabherekera kubha, mubhe haase e bhukangati no obhokumi bhooche obhokoro.

Abhakorosaayi 4:5

Mubhe na amangʼiini mo‑bhoghwani bhoonyu na abhaato bhano bhataamara bhamokumi Yesu, wiiki muhökëri eriibhagha reenyu bhoheene.

Abhaebheeso 5:15

Gho ghayo, mubhe bhangʼiini mo‑riimanya reenyu. Motamanya kinya abhaghëëghë, amare mumanye kinya abhaato abhangʼiini.

Abhaebheeso 2:10

Itu ne emeremo ghe mabhökö gha Ryobha toonyi. ꞉Ndeetobhombiri bhuhë gho ghotughöötani na Kirisito Yesu kubha tukörë amaköri amachömu, ghano ꞉reetusëëmiire tubhe toraköra.

2 Abhakorinto 2:14

Amare ntokoriitabheri Eryobha gho kubha ndeghotukangata eriibhagha ryose mo‑murööbhö o ghuchaghanera obhokindi bho Kirisito ighoro e bhabhisa bhaache. Wiiki Eryobha ndeghotuköra itu ghusanchi obhumënyi bho ngʼana ighoro e Kirisito chambaara choose, nibheere kinya bhuno ekeneeso eghichömu kehaasancha ahaghiro hoose.

Abharuumi 6:4

Hano tubhatiisuru, ntoore kinya tokuure na koryeku haghirohamu nawe, kubha kinya Kirisito aryokiri koru mo‑bhaku gho changuru inkoro che Waryobha Taata, hangʼu hangʼu, koru itu ntoghotora kumanya eriimanya eriihë.

Abhaebheeso 5:10

Mwiköngʼi kumanya na ghuköra amangʼana ghano ghakomotegheri Omutëmi.

Abhaebheeso 5:2

Mumanye eriimanya re bhosiighi, kinya bhuure Kirisito ꞉atosiighiri itu, akiiruusi aghaku gho ghiri yiito, akabha kinya eriruusi re keneeso ghichömu kino ghekoretegheri Eryobha.

Abhabhiribhi 1:27

Angʼana e hëënë n‑kubha, atëëmö yaanyu irëngʼaane na Angʼana Anchömu e Kirisito. Hano nekuucha kobharighi hamu nenganga kuucha, nibhe nerooghu kubha mokwëndërëra kwimeerera muköngʼiiri na kubha no obhumu, wiiki haghirohamu moonyi gho kunyaakera obhuhëënë bho Angʼana Anchömu bhuno toghokumi.

Abhabhiribhi 1:11

Eriimanya reenyu ndeghwichora amangʼana gha hëënë ghano ghakubhönëka gho nchëra e Yesu Kirisito. Ghayo ghoose gharekumi na koreghongi Eryobha.

1 Yohana 5:20

Wiiki ntweche kubha Omoona o Ryobha namariri kuucha, natoheere obhongʼiini, kubha torimënyë Eryobha re hëënë. Ntoonyi no obhumu ne Eryobha re hëënë, gho nchëra e kubha no obhumu no Omoona waache Yesu Kirisito. Rino niryo Eryobha re hëënë, no obhuhöru bho emiishe ghyose.

Tiito 3:1

Ubhe orabhahiiti abhaato kubha, bhabhasooke na kobhoghwera abhakangati na bhano bhaanyi no obhotoro. Bhabhe bhiisëëmiri ghuköra angʼana yoyoose anchömu.

Abhakorosaayi 3:20

Inyu abhaana, mubhe morabhasooka abhiibhori bhaanyu mo‑ghoose, gho kubha, gho ghuköra hangʼu ngokomotegheri Omutëmi Yesu.

Abhaebheeso 4:13

Emeremo ghiyo ngekwëndërëra mbagha itu bhoose tohikere kubha bhamu mo‑bhokumi na komumënya bhoheene Omoona o Ryobha, tubhe abhaato bhano tuköngʼiri gho kohikera ekirëngërë ke bhohikeerani bho Kirisito.

Abheebhuraaniya 11:5

Obhokumi ꞉mbuuköriri Henooki aghaghëghu koru hano mo‑se, atakuure. Bhataamorooche wiiki gho kubha Eryobha ꞉ndeemwimokiri ghuye Mwishaaro. Koru Amandëkö Amatööbhiyu ngakwibhateri kubha, hano are akeere ghughëghu, naare ararichömëri Eryobha.

2 Timotewo 2:4

Taanyi‑ho omoshirikare omuhöriicho uno aghotigha kuhöki emeremo ghe bhoshirikare, asöhë mo‑meremo ghino ghetaanyi ghe bhoshirikare. Taaghwisöhi mo‑ghiyo, gho kubha nakwënda ghuchömëri omokoro waache.

Abhakorosaayi 2:19

Uyo niyahwire na Kirisito uno aghukangata eriikanisa, niryo omobhere waache. Koru ghokooche omobhere woose noghuchaama na ghughöötanibhu haghirohamu kwo ebhyemo ne emeghiha. Omobhere woose noghokora bhoheene kinya Eryobha rekwënda.

Abhabhiribhi 4:18

Ibheere, ebheghiro bhyose bhiire montomaniiri gho kohetera Ebhabhurotiito, nebhebhwine. Mbiishiri kumara amënda ghaane ghoose, wiiki mbeghokera koru bhino neere kwënda. Obhotoorereri bhuyo mbobheere kinya eriruusi re keneeso ghichömu, amaruusi ghano ghaghwisherereru na ghakoretegheri Eryobha.

Abhaebheeso 1:17

Nekwëndërëra korisabha Eryobha re Mutëmi wiito Yesu Kirisito, Taata o bhokumi obhokoro, abhahë inyu Akörö yaache kubha mubhe na amangʼiini no obhohunyurëru, motore korimënya bhoheene.

2 Abhakorinto 9:8

Eryobha ndeghotora kobhiitabheri ghokera bhuno mokwënda, kubha eriibhagha ryose mubhe ne ebheghiro bhyose bhino mokwënda, na mubhe abhaato bha ghuköra amachömu maaru gha kobhatoori abhande.

Yohana 17:3

Obhuhöru bho miishe ghyose nibho bhuno, abhaato bhakumënyë iye mwene uno onyi Eryobha re hëënë, wiiki bhamënyë eni Yesu Kirisito, uno ontomiri.

2 Abhakorinto 4:6

Eryobha rino ꞉reebhughiri kubha, “Obhwero bhurëngaari mo‑kengʼuuri,” niryo riyo rirëngaariri mo‑metema ghiito, na ghotuköra tumënyë obhokumi bhooche obhokoro bhuno bhokurëngaari mo‑bhosho bho Yesu Kirisito.

Abharuumi 4:12

Hangʼu hangʼu, Abhurahamu aghaköru kubha ishe o bhaato bhano bhasaaruru, amare aribha bhararekumi Eryobha, mbaakubha bharamanya gho ghutambana eghetuubhaani ke Abhurahamu ishe waabho uno ꞉arekumiri Eryobha koru akeere ghusaaru.

Abharuumi 1:13

Abhahiiri bhaane, nekwënda mumënyë kubha, mara kaaru neere nërëënda kuucha bhowaanyu, amare mbagha ibheere nihööchëriiru. Nekwënda niiche bhowaanyu, kubha nerute abhaato bha bhowaanyu hayo bhatambane Omutëmi Yesu, kinya bhuno ꞉niiköriri kwo bhaato abhande bha matöngö.

2 Abhakorinto 5:9

Mbe, tubhe mo‑mebhere ghino, hamu totabha mo‑mebhere ghino, ekebhune kiito n‑komuchömëri Omutëmi.

3 Yohana 1:6

Abhaato bhayo mbabhabhooriire abhaato bha riikanisa re hano ighoro e bhosiighi bhoocho. Neghoghusasaama, wëndërërë kobhatoori kinya bhuure eghuchömëri Eryobha, kubha bhëëndërërë no orughëndö roobho.