Abhagharatiya 6:9 - Eriiraghano Eriihë

⁹ Gho ghayo, totatamu ghuköra amaköri amachömu! Aribha toraghumereri ghuköra amachömu, ntoghughësa bhoheene eriibhagha re mughësö rerahika.

Abhagharatiya 6:9 Referans Kwoze

1 Abhakorinto 15:58

Mbe, abhahiiri bhaane abhasiighani, muköngʼëri mo‑bhokumi bhuyo, motaku omukörö. Mwëndërërë ghuköra emeremo ghe Mutëmi gho ghwiköngʼi chaasiko choose, gho kubha mweche kubha emeremo ghino moghuköra gho ghiri e Mutëmi, ghetaanyi ghe bhoowa.

2 Abhatesaronike 3:13

Amare inyu abhahiiri bhiito, motaku omukörö ghuköra amachömu.

Abheebhuraaniya 12:3

Mwihëëbhë kinya bhuno Yesu aghumeriiri ghaare ꞉ghaamobhwine ghano abhaköri bha masari ꞉bhaare bharamoshangʼaani. Mbe, gho ghayo, mwitoore omukörö kubha motaacha ghutamu korekumi Eryobha.

1 Bheetero 2:15

Eryobha ndekwënda, mubhe moraköra amangʼana amachömu, kubha mobhakiri abharaghaanu bhano bhateeche amangʼana ghaache.

Yakobho 5:7

Mbe, abhahiiri bhaane, mubhe moraghumereri mbagha rehike eriibhagha rino Omutëmi akuucha. Mumööhi omoremi kebhuno ahaaghanya emimërö gheeche gheruusi omunöghö omuchömu, iwe nahaaghanya gho ghoghumereri ambura a yimbërë na a yenyuma.

1 Bheetero 3:17

Ngʼoni kunyaaka gho ghiri e ghuköra amachömu, aribha nigho amënda gha Ryobha, ghokera kunyaaka gho ghuköra amabhe.

2 Abhakorinto 4:16

Gho ghayo, totaaghoku omukörö, nangabha emebhere ghiito gho nche ngeghusarëka, amare moose yiito Eryobha ndeghotuköra kubha abhahë chaasiko choose.

Obhohunyurëru 2:3

Wiiki, nyeeche munyaakiru chwee gho ghiri e riina reene, amare moghumeriiri na koru ibheere motaamara mutamu.

1 Bheetero 4:19

Gho ghayo, bhano bhakunyaaka gho ghuköra ghano Eryobha rekwënda, bhamënyë kubha Eryobha n‑Itëëmi na n‑ihëënë. Gho ghayo, bhiitoore mo‑mabhökö ghaache, bhëëndërërë ghuköra amachömu.

Ruuka 18:1

Yesu akabhabhoorera abhaanabheegha bhaache eghetuubhaani kino, köbhëërëki kubha mbakwëndëru korisabha Eryobha chaasiko choose na bhataku omukörö.

Mataayo 10:22

Abhaato bhaaru mbakobharëgha inyu, gho kubha moghuntambana eni. Amare, wuure aghoghumereri mbagha antenero, uyo niwe aghotooribhu.

2 Abhakorinto 4:1

Ibheere, gho kubha Eryobha gho changori cheeche ndetoheere emeremo ghino, totaaghoku omukörö.

Mataayo 24:13

Amare wuure aghoghumereri mbagha mo‑ntenero, uyo niwe naghotooribhu.

Obhohunyurëru 2:7

Uno anyi na amatu atëghëërërë amangʼana ghano Akörö Ahörëëru eghoghabhoorera amakanisa. Omooto wowoose uno aghokinda amasaki, nekomwisherereri kurë amakorobhese gha mote o kobhaha abhaato obhuhöru. Omote uyo noonyi Mwishaaro mo‑kinyaweera ke Ryobha.’”

Abharuumi 2:7

Ndekobhaha obhuhöru bho miishe ghyose abhaato bhano bhaghwiköngʼi ghuköra amachömu, gho kubha mbaghutabhara aghongo, na asooko no obhuhöru bhuno bhotaanyi na antenero.

Obhohunyurëru 2:17

Uno anyi na amatu atëghëërërë amangʼana ghano Akörö Ahörëëru eghoghabhoorera amakanisa. Omooto wowoose uno aghokinda amasaki, nekomuha eribhaara re bhiinyakurë bhe mana ino ere ebhisuru. Wiiki nekomuha eriibhohe eryero, ighoro e riibhohe riyo ndeekubha ryandëkuru eriina eriihë. Taanyi‑ho omooto uno akumanya eriina riyo nanyinga iwe uno ahaabhuru eriibhohe riyo.’”

Abheebhuraaniya 3:6

Amare Kirisito m‑muhëënë kinya Omoona uno akwimeererera abhaato bha mo‑nyumba e Ryobha. Na niitu n‑anyumba iyo, aribha tokwëndërëra ghwiköngʼi na kubha bhasubhesubhe na kwihachera mo‑ghaare toghwitëngʼëra.

Abheebhuraaniya 3:14

Gho ghayo ntoghughöötana na Kirisito, erabha tokwëndërëra komwitëngʼëra mbagha antenero e bhuhöru bhwito, kinya bhuno ꞉tuusëëmiri ghokumi.

Abhaebheeso 3:13

Gho ghayo, nekobhasabha motaku omukörö kwo nyaako ino ekumböna gho ghiri yaanyu, gho kubha anyaako iyo nekobharëëtëra obhwëra.

Abheebhuraaniya 12:5

Kana, mwebhuru amangʼana ghano Eryobha ꞉reebhabhooriire gho kobhatoora omukörö inyu bhano moonyi abhaana bhaache? Eryobha ꞉ndeebhughiri kubha, “Iye omoona waane, otabha orachëëra ghano Omutëmi Waryobha waacho, aghoghutöngëra. Wiiki otaku omukörö hano akubha arakurööna.

2 Abhakorinto 9:6

Mohiite amangʼana ghano kubha, “Omooto uno akwemi bhirëngʼaaneru, nahaaghësa bhirëngʼaaneru, na uno akwemi bhyaru, nahaaghësa bhyaru.”

Mataayo 9:19

Niho Yesu aghatanura haghirohamu na abhaanabheegha bhaache, bhakamutambana omukangati uyo.

Mataayo 25:17

Hangʼu hangʼu, omusësë uno ahaabhuru chataranta ibhere, aghaye nacho mo‑bhosorocha na kubhöna obhwëra bho chende ibhere.

Maariko 3:3

Yesu akamobhoorera omooto uno are akuure okubhökö akabhugha, “Nuuche, wimeerere ghateghate hano.”