Abhagharatiya 6:2 - Eriiraghano Eriihë

² Mubhe moratoorani gho ghusakerani obhorito bho merigho gheenyu. Niho mokohikeerani emeghiro ghe Kirisito.

Abhagharatiya 6:2 Referans Kwoze

Abharuumi 15:1

Mbe, itu bhano tuköngʼiiri mo‑bhokumi bhwito, ntokwëndëru ghoghumereri abhaghëndi bhiito bhano bhataamara bhaköngʼëri mo‑bhokumi bhoobho. Tobhasakëri mo‑bhutöbhu bhoobho, na totaköra amangʼana ghano ghaghotuchömëri itu bheene.

1 Abhatesaronike 5:14

Mbe, bhahiiri bhiito, ntokobhasasaama, mubhe morabhashaangʼi abhatöbhu na kobhaköngʼi bhano bhakuure omukörö. Wiiki mubhe morabhaköngʼëërëri bhano bhataamara bhaköngʼëri mo‑bhakumi na kobhaghumereri abhaato bhoose.

Yohana 13:34

Ibheere nekobhaha omoghiro omuhë, ‘Mosiighane. Kinya bhuno eni nebhasiighiri inyu, hangʼu hangʼu na niinyu mosiighane.’

1 Yohana 4:21

Mbe, Eryobha ndetoheere omoghiro kubha wowoose uno asiighiri Eryobha, nakwëndëru komosiigha mughëndi waache.

Yakobho 2:8

Mo‑Mandëkö Amatööbhiyu, ne emeghiro ghe bhutëmi bho Ryobha ngekobhugha, “Omosiighe omwatani waacho, kinya bhuno wisiighiri iye omwene.” Aribha moghuköra hangʼu, m‑bhoheene.

Yohana 15:12

Eriiraghereri reene niryo rino, mosiighane, kinya bhuno nebhasiighiri inyu.

1 Bheetero 2:24

Kirisito omwene ꞉niimokiri amasari ghiito mo‑mobhere waache ighoro e musarabha. ꞉Naaköriri hangʼu, kubha itu toku mo‑mangʼana gha amasari, amare tubhe abhahöru mo‑mangʼana gha bhuhëënë. Na gho ghutëmu kooche, inyu muhöruru.

Mataayo 8:17

Ghayo ꞉ngaaköruru kubha ehikeerane angʼana yiire esiikiiru no omurööti Isaaya kubha, “Omwene ꞉niimokiri obhutöbhu bhwito, na ghoghaghëgha amabhabharu ghiito.”

Abhagharatiya 6:5

gho kubha omooto woose nakwëndëru ghughëgha omorigho waache omwene.

1 Abhakorinto 9:21

Kwo bhano bhataanyi ne emeghiro ghe Musa, neere kinya omooto uno taanyi ne emeghiro ghiyo, kubha nebhatoori bhamokumi Kirisito. Iyo taanyi kubha nteenyi ne emeghiro ambërë e Ryobha, amare neenyi naghyo gho kubha neghukangatu ne emeghiro ghe Kirisito.

Abharuumi 8:2

Gho nchëra e ghughöötana na Kirisito Yesu, changuru che Körö Ahörëëru chino chekurëëta obhuhöru bho miishe ghyose, ncheghontoori koruusibhu koru mo‑kibhöhö ke masari, kubha netighe ghukangatu na changuru che masari no oroko.

Ruuka 11:46

Yesu akamugharokeri akabhugha, “Inyu abheeghi bha meghiro, horeera mokorighi! Bhano moghwitweki abhaato emerigho merito ghe meghiro. Inyu, motaakobhatoori ghoghighëgha koru gho kyara!

Yakobho 1:25

Amare omooto uno akumööhi bhoheene emeghiro ghino ghehikeriine na ghino ghekurëëtëra abhaato ghotighooroku koru mo‑mabhe, ino arahiita ghano oghwire na ghoghatereera, uyo niwe aghwitabheru gho ghuköra ghayo.

Yakobho 2:12

Mbe, mosiikërë na ghuköra, mubhe morahiita kubha Eryobha ndekobhatenera ekiina kwo meghiro, ghino ghekurëëtëra abhaato ghotighooroku koru mo‑mabhe.

2 Bheetero 2:21

Nengabheere ngʼoni ghokoobho aribha bhatangamënyiri inkongʼorimu emeghiro ghino ghekwërëkërëri kino Eryobha rekwënda, ghokera bhaghimënyë, bharamara bhaghetighe emeghiro emitööbhiyu ghino bhahaabhuru.

2 Bheetero 3:2

Nekwënda mohiite amangʼana ghano ꞉ghaaghamburu kare na abharööti abhatööbhiyu, no omoghiro o Mutëmi no Omotoori uno abhatomu bhaache ꞉bhaabharëëtiire.