Abhagharatiya 6:16 - Eriiraghano Eriihë

¹⁶ Omurëmbë ne ebheghongi bhino bheekoru kwo Waryobha bhibhe na abhaato bhoose bhano bhakwënda obhuhëënë bhuyo, bhayo nibho abhaato bha Ryobha.

Abhagharatiya 6:16 Referans Kwoze

Abhagharatiya 3:29

Erabha inyu na abhaato bha Kirisito moonyi, mbe, m‑bha rwibhoro ro Abhurahamu moonyi, na mokubhöna aghabho ino Eryobha ꞉riiraghiri.

Abhabhiribhi 3:3

Mööhi itu niitu abhaato bhano tusaaruru hëënë ne Eryobha, taanyi ibho, gho kubha Akörö e Ryobha neghototoori ghusëngëra Eryobha. Itu ntokwihachera Kirisito Yesu na komwitëngʼëra. Itu totaaghwitëngʼëra amaköri ghiito gha mebhere kubhöna obhotoori.

Abharuumi 4:12

Hangʼu hangʼu, Abhurahamu aghaköru kubha ishe o bhaato bhano bhasaaruru, amare aribha bhararekumi Eryobha, mbaakubha bharamanya gho ghutambana eghetuubhaani ke Abhurahamu ishe waabho uno ꞉arekumiri Eryobha koru akeere ghusaaru.

Yohana 1:47

Hano Yesu amorooche Natanaheri araacha ghokooche, akabhugha, “Mööhi, omooto uyo n‑Omwisiraeri o hëënë, uno ataanyi ni isörö moose yaache.”

Abhabhiribhi 3:16

Ibheere egheghiro eghekoro n‑kubha, ntokwëndëru ghoghatambana ghaare Eryobha rimariri ghotwërëki.

Abhagharatiya 5:25

Akörö Ahörëëru netoheere eriimanya eriihë, mbe, tutambane obhukangati bhooche.

Abhagharatiya 5:16

Mbe, kino nekobhabhoorera n‑kubha, eriimanya reenyu rikangatu na Akörö Ahörëëru. Moraköra hangʼu, motaaghutambana wiiki amiigha ghaanyu amabhe.

Yohana 16:33

Nebhughiri ghayo ghoose kubha mubhe no omurëmbë mo‑metema gheenyu, gho kubha moonyi moose yaane. Mo‑se muno mokubhöna anyaako yaaru, amare mwitoore omukörö gho kubha eni neyekindiri ase.”

Yohana 14:27

Hano neghutanura, nekobhatighera omurëmbë, omurëmbë waane nekobhaha. Omurëmbë uno taanyi kinya uno okoru mo‑se. Motiitumata mo‑metema gheenyu, wiiki motatiina ghyokyose.

Abhabhiribhi 4:7

Mbe, omurëmbë o Ryobha uno okoheta amiihëëbhö ghoose gha bhaato, noghochonga emetema na amangʼiini ghaanyu gho kubha inyu n‑abhaato bha Kirisito Yesu moonyi.

Abhagharatiya 1:3

Ntököbhëëndëra aghareeya no omurëmbë koru kwo Waryobha Taata wiito, na kwo Mutëmi wiito Yesu Kirisito ghibhe haghirohamu na niinyu.

Abharuumi 1:7

ˆNekabhaandëkëra inyu abhakumi bhoose bhano moonyi iyo Ruumi. Eryobha ndebhasiighiri chwee, na ꞉ndeebhabherekiire kubha mubhe abhaato bhaache abhatööbhiyu. Nëköbhëëndëra aghareeya no omurëmbë koru kwo Waryobha Taata wiito, na kwo Mutëmi wiito Yesu Kirisito, ghibhe haghirohamu na niinyu.

Abhaebheeso 6:23

Nëköbhëëndëra inyu abhahiiri bhaane omurëmbë, no obhosiighi haghirohamu no obhokumi koru o‑Taata Waryobha na kwo Mutëmi wiito Yesu Kirisito.

1 Bheetero 1:3

Aghongibhu Waryobha, Taata o Mutëmi wiito Yesu Kirisito. Kurëngʼaana na changori cheeche chaaru, natwibhwire mara e kabhere gho nchëra e komoryoki Yesu Kirisito koru mo‑bhaku. Gho ghayo, ntobhwine eriitëngʼërö re bhuhöru.

Yuuta 1:2

Eryobha rëbhëëngërëërëri ebheghongi, no omurëmbë no obhosiighi.