Abhagharatiya 6:13 - Eriiraghano Eriihë

¹³ Bhano bhasaaruru, koru ibho bhataaghughööta emeghiro ghyose. Egheghiro kino bhakwënda n‑kubha inyu musaaru, kubha bhiihachere oghusaaru koonyu.

Abhagharatiya 6:13 Referans Kwoze

Abhabhiribhi 3:3

Mööhi itu niitu abhaato bhano tusaaruru hëënë ne Eryobha, taanyi ibho, gho kubha Akörö e Ryobha neghototoori ghusëngëra Eryobha. Itu ntokwihachera Kirisito Yesu na komwitëngʼëra. Itu totaaghwitëngʼëra amaköri ghiito gha mebhere kubhöna obhotoori.

1 Abhakorinto 5:6

Obhwihachi bhoonyu bhotaanyi no obhwëra. Moteeche kubha eriisari rino n‑kinya ekimëra ghesuuhu kino kehaatöti anyongo yoose e bhotu?

2 Bheetero 2:19

Ibho mbakuragha abhaato kubha mbakubhöna obhohuuru, amare abheene nibho abhasësë bha bhobhe bhuno bhokobhasari. Nehaabha hangʼu gho kubha omooto woose nahaabha omusësë o ghyokyose kino kemokindiri.

2 Abhakorinto 11:18

Bhaaru mbakwihacha gho ghiri e mangʼana ghano bhaköriri, mbe, na neeni tigha niihache.

Mataayo 23:15

“Horeera mokorighi inyu abheeghi bha meghiro na niinyu Amabharisaayo, inyu chaghughuuti, gho kubha mokwinaara chwee mo‑se ayoomu na ghutëënya anyancha kubha momukörë omooto o matöngö kubha Omuyahuuti. Amare moramara komugharura omooto uyo, mokomuköra kubha o mwiribha re mororo mara kabhere ghokera inyu.

Mataayo 23:3

Gho ghayo, moghaghöötërërë na ghoghakörëra emeremo ghoose ghano bhakobhabhoorera. Amare motabha moratambana amaköri ghaabho, gho kubha ibho bhataaghoghaköra na ghoghatambana ghoose ghano bhakweghi.

1 Abhakorinto 3:21

Ibheere omooto wowoose atiihacha gho kubha iwe n‑omughëndi o omooto nyarebhe, gho kubha itu bhoose Eryobha ndetotooriri kobhatoori inyu,

Mataayo 23:23

“Horeera mokorighi inyu abheeghi bha meghiro na niinyu Amabharisaayo, inyu chaghughuuti, gho kubha mokoruusi eribhaara ri ikomi kwo Ryobha ebheghiro bhe riighori isuuhu kinya chaahëkë che chaanyi, ebhinchaari no obhukaanu. Amare, moghotigha amangʼana gha hëënë gha meghiro, kinya ghuköra ghano ghakwëndëru ne Eryobha, na kubha ne ebheghongi, na kubha no obhuhëënë kwo Ryobha, na kwo bhaato abhande. Amare mokwëndëru moghakörë ghoose amakoro na amasuuhu haghirohamu.

Ruuka 5:38

Adivaayi ahë nekwëndëru ghotooru mo‑maghöchi amahë.