Abhagharatiya 5:25 - Eriiraghano Eriihë

²⁵ Akörö Ahörëëru netoheere eriimanya eriihë, mbe, tutambane obhukangati bhooche.

Abhagharatiya 5:25 Referans Kwoze

Abhagharatiya 5:16

Mbe, kino nekobhabhoorera n‑kubha, eriimanya reenyu rikangatu na Akörö Ahörëëru. Moraköra hangʼu, motaaghutambana wiiki amiigha ghaanyu amabhe.

Yohana 6:63

Akörö e Ryobha niyo ekobhaha abhaato obhuhöru. Omooto taaghotora ghuköra ghyokyose gho changuru cheeche omwene. Amangʼana ghano nebhabhooriire n‑gha Akörö e Ryobha, nagho ngakoruusi obhuhöru.

Abharuumi 8:2

Gho nchëra e ghughöötana na Kirisito Yesu, changuru che Körö Ahörëëru chino chekurëëta obhuhöru bho miishe ghyose, ncheghontoori koruusibhu koru mo‑kibhöhö ke masari, kubha netighe ghukangatu na changuru che masari no oroko.

2 Abhakorinto 3:6

Iryo niryo ꞉reetoheere obhotoro bho kubha abhatamishi bha Riiraghano Eriihë rino reekoru mo‑Körö Ahörëëru. Eriiraghano riyo taanyi emeghiro ghino ghyandëkuru, gho kubha emeghiro ghino ghyandëkuru ngeghuköra abhaköri bha masari bhateneru ekiina ghe ghwitu, amare Akörö Ahörëëru nekurëëta obhuhöru.

1 Bheetero 4:6

Nikyo gheghughëri abhaato bhano kwi ibheere bhakuure, ꞉mbaabhooriiru Angʼana Anchömu hano bhaare abhahöru, kubha koru nangabha bhateniiru ekiina mo‑riimanya reebho kinya abhande, bhamanye kwo bhotoro bho Körö Ahörëëru, kinya Eryobha reenyi ihöru.

Abharuumi 8:10

Ibheere, Kirisito naghwikara moose yaanyu. Gho ghayo, koru aribha emebhere gheenyu gheeghoku kurëngʼaana na amasari, Akörö Ahörëëru nekobhaha obhuhöru, gho kubha Eryobha ndebhabhariire kubha abhaato bhano bhaanyi no obhuhëënë ambërë yaache.

1 Abhakorinto 15:45

Mo‑Mandëkö Amatööbhiyu yandëkuru kubha, “Omooto o mumbërë, Ataamu, natëëmuru akabha omooto omuhöru,” amare Ataamu o ntenero, n‑Kirisito, niwe Akörö ino ekobhaha abhaato obhuhöru.

Obhohunyurëru 11:11

Hano chaasiko chiyo ishato ne eriiteneka chehetiri, Eryobha rekabhahuuteri omwika o bhuhöru, bhaakabha abhahöru, bhakiimeerera. Bhoose bhano ꞉bhaabharooche, bhaghatiina chwee.

Abhabhiribhi 3:3

Mööhi itu niitu abhaato bhano tusaaruru hëënë ne Eryobha, taanyi ibho, gho kubha Akörö e Ryobha neghototoori ghusëngëra Eryobha. Itu ntokwihachera Kirisito Yesu na komwitëngʼëra. Itu totaaghwitëngʼëra amaköri ghiito gha mebhere kubhöna obhotoori.