Abhagharatiya 5:22 - Eriiraghano Eriihë

²² Amare aribha toghukangatu na Akörö Ahörëëru, ntookubha ne eriikorobhese re Körö Ahörëëru. Eriikorobhese riyo n‑obhosiighi, na ghuchömëru, no omurëmbë, no obhoghumereri, no obhuhöriicho, na ghughënëhi, no obhuhëënë,

Abhagharatiya 5:22 Referans Kwoze

Yohana 15:5

“Eni n‑omusabhiibhu, na niinyu n‑ebhihaghe. Omooto uno aghwikara moose yaane, na neeni moose yaache, uyo naakubha arasönga amakorobhese maaru, gho kubha aribha taanyi eni motaaghotora ghuköra ngʼana yoyoose.

Yohana 15:2

Eghisaghe ghyokyose moose yaane kino ghetaaghusönga amakorobhese, Taata nahaakenunga. Amare eghisaghe ghyokyose kino ghetaaghusönga amakorobhese, Taata nahaaghiköngöörëra kubha kyëngërë ghusönga.

Abhaebheeso 5:9

Ghano ghakwërëki kubha mumanyiri mo‑bhwero n‑ghuköra amangʼana amachömu, na ghano Eryobha rekwënda, na gha bhuhëënë.

Yohana 15:16

Inyu motanyahwire eni, amare n‑eni nebhahwire inyu. Nebhahwire kubha, musöngë amakorobhese ghano ghataaghosira naabha. Moraköra hangʼu, ghyokyose kino morasabha kohetera eriina reene, Taata nakobhaha.

Abharuumi 7:4

Abhahiiri bhaane, amangʼana ghayo nibhu ghaanyi na ghokoonyu. Koru inyu motaakubhöhu wiiki ne emeghiro ghe Musa, gho kubha mokuure haghirohamu na Kirisito mo‑musarabha. Ibheere inyu n‑abhaato bhaache moonyi, uno ꞉aryokiibhu koru mo‑bhaku, kubha eriimanya riito ribhe na amakorobhese amachömu gho ghiri e Ryobha.

1 Bheetero 1:22

Inyu mumanyiri kurëngʼaana na ameeghi gha hëënë ighoro e Yesu. Gho ghayo, emetema gheenyu ngyeghuru ni ibheere moghotora ghosiigha abhaghëndi bhaanyu kwo bhuhëënë. Mbe, mosiighane kwo mukörö mwero,

Mataayo 12:33

“Omote omuchömu nohaasönga amakorobhese amachömu, no omote omobhe nohaasönga amakorobhese amabhe. Noghotora kumënya omote kebhuno onyi kwo makorobhese ghano oghusönga.

1 Abhakorinto 13:13

Mbe, ibheere, ebheghiro bhino bhitato bhetaaghosira, obhokumi, na amiitëngʼërö no obhosiighi. Na mo‑bhino, egheghiro eghekoro ghokera bhyose n‑obhosiighi.

Abhabhiribhi 1:11

Eriimanya reenyu ndeghwichora amangʼana gha hëënë ghano ghakubhönëka gho nchëra e Yesu Kirisito. Ghayo ghoose gharekumi na koreghongi Eryobha.

Abhakorosaayi 1:10

Niho moghotora kumanya kebhuno Omutëmi Yesu akwënda, na komotegheri mo‑mangʼana ghoose. Eriimanya reenyu ndekomotegheri kwo meremo gheenyu emichömu, wiiki moghwiköngʼi korimënya Eryobha.

Abhagharatiya 5:13

Abhahiiri bhaane, Eryobha ndebhabherekiire kubha mubhe no obhohuuru. Amare motahökëri obhohuuru bhoonyu kinya omweya o ghutambana amiigha ghaanyu amabhe, amare musakerani kwo bhosiighi.

Abhaebheeso 4:23

na muköru bhuhë mo‑metema na mo‑miihëëbhö ghaanyu.

Abharuumi 6:22

Ibheere Eryobha ndebharuusiri koru mo‑kibhöhö ke masari, kubha motabha abhasësë bha masari wiiki. Amare ndebhaköriri kubha abhasësë bhaache, na kurëngʼaana na ghayo mobhwine obhwëra. Obhwëra bhuyo n‑korihökëri Eryobha gho körö imu na antenero yaache n‑ghosongʼaana obhuhöru bho miishe ghyose.

1 Bheetero 1:8

Inyu momosiighiri, nangabha motaamara komorighi. Wiiki nangabha motaakomorighi ibheere, amare mokomokumi. Gho ghayo, muchömiiru chwee mo‑bhokumi, oghuchömëru kuyo nkoonyi no obhokumi obhokoro bhuno bhotaaghotora koru ghughambu,

1 Timotewo 4:12

Omooto wowoose ataghutaraaha gho kubha iye okeere omobhureni, amare wiköngʼi kubha ekyërëkërëri ghichömu mo‑bhakumi gho ghughamba koocho, na atëëmö yaacho, no obhosiighi bhoocho, no obhokumi bhoocho no obhughöröröku bhoocho.

Abharuumi 15:3

Koru Kirisito woose, taaköriri amangʼana ghano ghakomotegheri iwe omwene chiri. Amare ꞉naaköriri kinya bhuno Amandëkö Amatööbhiyu ghakobhugha kubha, “Amatoki ghano bhaghoghotoka iye Waryobha, ngambwine eni, omwahöru waacho.”

1 Bheetero 5:12

ˆNekabhaandëkëra anyaarubha ino inguhe, kwo bhotoorereri bho Sirwano. Eni nyeeche bhoheene kubha, n‑omokumi omuhëënë. Kino nekwënda, n‑kobhatoora omukörö na kobhahëënëhëri kubha amangʼana ghano mahëënë n‑aghareeya e Ryobha. Kurëngʼaana na aghareeya iyo, mwimeerere muköngʼiiri!

Abharuumi 15:14

Abhahiiri bhaane, eni omwene neenyi no obhuhëënë kubha inyu n‑abhaato abhahöriicho chwee, na moonyi no obhumënyi bhoose, wiiki moonyi no obhotoro bho korwachana inyu bheene kwo bheene.

Ruuka 13:9

Ibheere aribha orasönga amakorobhese omooka uno okuucha, n‑kumangi! Oraanga ghusönga, towonunge.’”

1 Timotewo 3:11

Abhakari bhaabho nabho, bhabhe bhano bhaanyi na atëëmö inchömu, bhatabha abhitaamereri bha bhaato, bhabhe ne ekirëngërë, wiiki bhabhe abhahëënë mo‑mangʼana ghoose.

2 Abhatesaronike 3:2

Motusabhere kubha Eryobha retotoori mo‑bhaato abhabhe na abhatiriighanu, gho kubha taanyi bhoose bhano bhaghokumi angʼana iyo.

Abharuumi 8:5

Abhaato bhano bhaghukangatu na simoka yaabho e masari, obhongo bhoobho mbosiighiri ghuköra amasari. Amare bhano bhaghukangatu na Akörö Ahörëëru, obhongo bhoobho mbosiighiri ghuköra amaköri ghano ghakoyetegheri Akörö Ahörëëru.

Abharuumi 14:17

Amangʼana amachömu mo‑bhaato bha bhutëmi bho Ryobha taanyi ighoro e kurë hamu kunyo, amare n‑ghuköra ghano Eryobha rekwënda, kubha no omurëmbë na kumanya gho ghuchömëru. Ghayo ghoose ngaakubha kwo bhotoorereri bho Körö Ahörëëru.

Abharuumi 15:30

Mbe, abhahiiri bhaane, kurëngʼaana na ghughöötana kwito no Omutëmi wiito Yesu Kirisito, na kurëngʼaana no obhosiighi bhuno Akörö Ahörëëru etoheere, ˆnekabhasasaama kwo motema waane woose kubha, mwiköngʼi ghughöötana na neeni gho ghunsabhera kwo Waryobha.