Abhagharatiya 5:10 - Eriiraghano Eriihë

¹⁰ Nyeeche kubha inyu mughöötiine no Omutëmi Yesu, gho ghayo, neghwitëngʼëra kubha, motaaghwishereri kongʼiinu. Amare omooto wowoose uno akobhangʼiina, koru nangabha we, nakuröönu.

Abhagharatiya 5:10 Referans Kwoze

Abhagharatiya 5:12

Neghwighomba kubha abhaato bhano bhakobhabhurugha kwo mangʼana gha ghusaaru, nengabheere bhoheene bhiiture abheene!

Abhabhiribhi 3:15

Gho ghayo, itu bhoose bhano tuköngʼiiri kimu kimu mo‑bhokumi ntokwëndëru ghwisherererani kwo mangʼana ghano. Aribha mokwihëëbha obhonde kwo ngʼana yoyoose yiire, Eryobha niryo rekobhahunyurera moghamënyë kinya ghaanyi.

Abhagharatiya 1:7

Obhuhëënë n‑kubha teenyi‑ho Angʼana Anchömu ayende. Amare mbaanyi‑ho abhaato bhano bhakobhabhurugha na mbakwënda ghugharura Angʼana Anchömu ighoro e Kirisito.

2 Abhakorinto 2:3

Kiyo nikyo ꞉ghiighëriri nekaandëka mo‑nyaarubha yiire kubha nteekuucha bhowaanyu, motaacha ghunkörëra amacheeche, inyu niinyu mokwëndëru ghunköra eni nichömëru. Neenyi no obhuhëënë kubha eni nerachömëru, na niinyu bhoose moghuchömëru.

1 Timotewo 1:20

Ghate e bhaato bhayo naanyi‑mu Himenaayo, na Arekisanta. Abhaato bhayo nereheere Erishambu kubha bhabhönë ameeghi, bhatighe koretoka Eryobha.

Abhagharatiya 6:17

Mbe, korwera ibheere omooto wowoose ataanyaaki wiiki, gho kubha eni neenyi na amamööha mo‑mobhere waane gho ghiri e komuhökëri Yesu.

Abhagharatiya 4:17

Abhaato bhaare abhande, mbaghwiköngʼi kobhanyaakera, amare taanyi kwo mënda machömu. Mbakwënda kobhaahukani na neeni, kubha inyu mwiköngʼi kobhanyaakera ibho.

Abhagharatiya 3:1

Inyu Abhagharatiya abharaghaanu! N‑niwe abharoghiri? Yesu Kirisito ꞉naaghamburu haheero ambërë yaanyu kubha namamburu.

Abhagharatiya 2:6

Amare abhakangati bhaare bha riikanisa bhano bhaghosooku chwee na abhaato, bhataare na angʼana yoyoose ahë e komboorera. M‑mahëënë mbasookuru chwee, amare ghokoone eni ghayo ghataanyi ne ekebhune ghyokyose gho kubha Eryobha retaanyi no obhwingʼaheri.

Abhagharatiya 2:4

Angʼana iyo e ghusaaru ꞉neebhooruru na abhaato bhano ꞉bhiiköri kubha m‑bhaghëndi bhiito, amare ꞉mbiisöhiri kwo bhongʼiiningʼiini ghwisuncha obhohuuru bhwito bhuno toonyi nabho gho ghughöötana na Kirisito Yesu. Ekebhune keebho nkeere ghotuköra tubhe abhasësë bha meghiro ghe Musa.

2 Abhakorinto 10:6

Hano mookubha momosookiri inkongʼorimu, itu ntookubha tumariri ghwisëëma ghutëma anchagho amangʼana ghoose ghano ghataanyi gha sooko.

1 Abhakorinto 5:5

Momoruusi omooto uyo ghate yaanyu, na komotigha mo‑bhukangati bho Rishambu, kubha asughara yaache e masari esireekereru, nawe omwene ache atooribhu orosiko ruure ro ghugharuka kwo Mutëmi Yesu.

Amaköri gha Bhatomu 15:24

Ntooghwire kubha abhaato abhamu koru bhowiito mbabhabhooriire amangʼana gha kobhanyaaki, mbagha bhaghaghëri emetema gheenyu gheekabha na ahaho. Amare bhayo bhaköriri ghayo, taanyi itu ꞉toobhatomiri.

Bhiremooni 1:21

Nekwandëka ghano, gho kubha nyeeche kubha noghoghiishereri, wiiki noghuköra ghokera ghano nisabhiri.

2 Abhatesaronike 3:4

Nawe Omutëmi natoheere amiitëngʼërö makoro ighoro yaanyu, kubha moghuköra na mokwëndërëra ghoghaköra ghano tokobharaghereri.

Abhagharatiya 4:20

Neghwighomba kubha nengabheere haghirohamu na niinyu eriibhagha rino, hamwabhe nengasiikiire na niinyu kwo bhuhörëëru. Neenyi na ahaho chwee gho ghiri yaanyu!

Abhagharatiya 4:11

Neenyi na ahaho ighoro yaanyu kubha, hamwabhe emeremo ghino ꞉niiköriri gho ghiri yaanyu, ngehetiri bhoowa.

2 Abhakorinto 13:10

ˆNekabhaandëkëra amangʼana ghano eriibhagha nekeere kuucha, kubha hano nekuucha bhowaanyu, netagharighi ghano ghaghotora ghunköra nibhe muhaari ighoro e bhotoro bhuno aheere Omutëmi. Neghosiikëra hangʼu, gho kubha obhotoro bhuno, m‑bho kobhaköngʼi inyu mo‑bhokumi, taanyi bho kobharumeeri.

2 Abhakorinto 10:2

ˆNekabhasasaama kubha, hano nekuucha iyo bhowaanyu, motanköra kubha muhaari. Neghosiikëra hangʼu, gho kubha nyeeche neghotora kubha muhaari kwo bhaato bhoose bhano bhaghwituuri kubha itu n‑gha mo‑se ino toghutabhara.

2 Abhakorinto 8:22

Ntomotomiri omohiiri wiito owonde abhe haghirohamu na bha Tiito. Omohiiri uyo ntomorooche mara kaaru gho chanchëra haghare haghare kubha naanyi na amiigha gha ghuköra emeremo, ni ibheere naanyi na amiigha makoro ghokera ekimbërë, gho kubha naanyi ne eriitëngʼërö ikoro chwee ghokoonyu.

2 Abhakorinto 7:16

Neghuchömëru chwee gho ghiri yaanyu, gho kubha ibheere neghotora kobhiitëngʼëra inkongʼorimu.

2 Abhakorinto 5:16

Gho ghayo, korwera ibheere totaakurëngi omooto wowoose kinya bhuno abhaato bhano bhataakomokumi Kirisito bhahaarëngi. Koru Kirisito totaakomurëngi wiiki gho nchëra iyo, nangabha eriibhagha nyarebhe ꞉ntuuköriri hangʼu.

2 Abhakorinto 2:6

Anchagho ino omooto uyo abhwine koru mo‑bhaaru bhano bhaanyi ghate yaanyu, nemwishiri.

2 Abhakorinto 1:15

Eni neere no obhuhëënë bho mangʼana ghayo, na nikyo neere nërëënda kuucha bhowaanyu hayo ekimbërë, kubha mubhönë orubhango ro ghutaareru na neeni mara kabhere.

Abhagharatiya 5:7

Ekimbërë, moore moraköra bhoheene! Ibheere n‑niwe abharëkiri motaghööta ameeghi gha bhuhëënë?