Abhagharatiya 5:1 - Eriiraghano Eriihë

¹ Kirisito natotooriri koru mo‑bhusësë kubha tubhe huuru inkongʼorimu. Gho ghayo, mwimeerere muköngʼiiri, motiishereri ghugharuka wiiki mo‑bhusësë bho meghiro.

Abhagharatiya 5:1 Referans Kwoze

2 Abhakorinto 3:17

Mbe, Omutëmi niwe Akörö, hano enyi Akörö e Mutëmi haanyi no obhohuuru.

Abhagharatiya 5:13

Abhahiiri bhaane, Eryobha ndebhabherekiire kubha mubhe no obhohuuru. Amare motahökëri obhohuuru bhoonyu kinya omweya o ghutambana amiigha ghaanyu amabhe, amare musakerani kwo bhosiighi.

1 Bheetero 2:16

Mumanye kwo bhohuuru, amare motahökëri obhohuuru bhuyo ghuköra amabhe. Mumanye kinya abhatamishi bha Ryobha bhakwëndëru kumanya.

Abharuumi 6:14

Amasari ghataakobhakangata wiiki, gho kubha motaaghukangatu no obhotoro bho meghiro, amare moghukangatu na aghareeya e Ryobha.

Abharuumi 8:2

Gho nchëra e ghughöötana na Kirisito Yesu, changuru che Körö Ahörëëru chino chekurëëta obhuhöru bho miishe ghyose, ncheghontoori koruusibhu koru mo‑kibhöhö ke masari, kubha netighe ghukangatu na changuru che masari no oroko.

Abhagharatiya 4:9

Amare ibheere, moryeche Eryobha, na ryose ndebheeche chwee. Ibheere ngwake mokwënda ghugharuka ghusëngëra chaakörö chino cheghukangata ase ino? Chaakörö chiyo chetaanyi no obhotoro hamu ekebhune ghyokyose. Ghasi mokwënda kubha abhasësë bha chaakörö chiyo wiiki?

Abheebhuraaniya 10:23

Twiköngʼi chwee ghoghaghööta ghano toghoghakumi na ghoghitëngʼëra totighe kohombahoomba, gho kubha Eryobha n‑ihëënë mo‑ghano riraghiri.

Abhagharatiya 2:4

Angʼana iyo e ghusaaru ꞉neebhooruru na abhaato bhano ꞉bhiiköri kubha m‑bhaghëndi bhiito, amare ꞉mbiisöhiri kwo bhongʼiiningʼiini ghwisuncha obhohuuru bhwito bhuno toonyi nabho gho ghughöötana na Kirisito Yesu. Ekebhune keebho nkeere ghotuköra tubhe abhasësë bha meghiro ghe Musa.

Abhagharatiya 4:31

Gho ghayo, abhahiiri bhaane, itu taanyi abhaana bha mubhaghati toonyi, amare itu n‑abhaana bha mukari o mahëënë.

Obhohunyurëru 3:3

Mohiite ghano mweghuru na ghano mooghwire, moghatambane bhoheene ghayo na motuukuune. Moraanga ghutënga, nekuucha kinya bhuure omwibhi ahaacha, koru motaakumënya eriibhagha rino nekuucha.

2 Bheetero 2:19

Ibho mbakuragha abhaato kubha mbakubhöna obhohuuru, amare abheene nibho abhasësë bha bhobhe bhuno bhokobhasari. Nehaabha hangʼu gho kubha omooto woose nahaabha omusësë o ghyokyose kino kemokindiri.

1 Abhakorinto 16:13

Mutëngë, muköngʼëri mo‑bhokumi, wiiki mubhe abhasubhesubhe na mubhe na changuru.

Abharuumi 7:6

Ntoore tubhöhuru ne emeghiro, amare ibheere ntokuure haghirohamu na Kirisito, gho ghayo emeghiro ghiyo ghetaaghotubhöha wiiki. Ibheere totaakorihökëri Eryobha gho kohetera anchëra e kare e ghughööta emeghiro ghino ghyandëkuru, amare gho nchëra ahë e ghukangatu na Akörö Ahörëëru.

Abharuumi 6:18

Nekoriitabheri Eryobha, gho kubha ndebharuusiri koru mo‑kibhöhö ke masari kubha motabha abhasësë bha masari. Ndebhaköriri kubha abhasësë bhaache, kubha mubhe moraköra amangʼana ghano ghaanyi gha bhuhëënë.

Amaköri gha Bhatomu 15:10

Mbe, ngwake moghusaki Eryobha gho kobhaghëghi Abhakirisito bhayo omorigho uno, na niitu abheene noghotutama? Koru na bhasookoro bhiito bhoose, ꞉noobhatamiri!

1 Abhakorinto 7:22

Nebhughiri kubha riyo retakunyaaki, gho kubha omooto uno are omusësë eriibhagha abherekiiru no Omutëmi, uyo naanyi huuru kwo Mutëmi. Nawe uno are huuru eriibhagha abherekiiru, uyo n‑omusësë o Kirisito.

Yuuta 1:3

Abhasiighani bhaane, ꞉niighombiri chwee kobhaandëkëra ighoro e bhotoori bhuno toghusanga itu bhoose. Amare nerooche kubha nekwëndëru nebhaandëkërë anyaarubha ino, nebhasasaame kubha, mwiköngʼi ghochonga obhuhëënë bho bhokumi bhuno Eryobha rebhaheere abhaato bhaache abhatööbhiyu mara rimu hangʼu kwo riibhagha ryose.

Abhabhiribhi 1:27

Angʼana e hëënë n‑kubha, atëëmö yaanyu irëngʼaane na Angʼana Anchömu e Kirisito. Hano nekuucha kobharighi hamu nenganga kuucha, nibhe nerooghu kubha mokwëndërëra kwimeerera muköngʼiiri na kubha no obhumu, wiiki haghirohamu moonyi gho kunyaakera obhuhëënë bho Angʼana Anchömu bhuno toghokumi.

Abhaebheeso 6:14

Mbe, mwisëëmi kwo riihë riyo. Obhuhëënë bhubhe kinya oruköbha mo‑bheribhichi bheenyu, amaköri ghaanyu ghano Eryobha rekwënda ghabhe kinya angubha e ghokengera mo‑ghekubha,

Obhohunyurëru 2:25

Amare moghaghöötërërë bhoheene amachömu ghayo moonyi nagho mbagha hano nekuucha.

Abheebhuraaniya 4:14

Mbe, ntoonyi nawe Omuchaama Omokoro, Yesu, Omoona o Ryobha uno aghiire na ghusöha Mwishaaro. Gho ghiri iyo, ntughöötërërë ghano toghokumi.

Abheebhuraaniya 3:14

Gho ghayo ntoghughöötana na Kirisito, erabha tokwëndërëra komwitëngʼëra mbagha antenero e bhuhöru bhwito, kinya bhuno ꞉tuusëëmiri ghokumi.

Abheebhuraaniya 3:6

Amare Kirisito m‑muhëënë kinya Omoona uno akwimeererera abhaato bha mo‑nyumba e Ryobha. Na niitu n‑anyumba iyo, aribha tokwëndërëra ghwiköngʼi na kubha bhasubhesubhe na kwihachera mo‑ghaare toghwitëngʼëra.

2 Abhatesaronike 2:15

Ibheere abhahiiri bhiito, mwimeerere muköngʼëri na ghughööta ameeghi ghano mobhwine kohetera mo‑mangʼana ghiito ghano ꞉toobharaghaniiri, hamu koru mo‑nyaarubha yiito ino ꞉toobhaandëkiire.

1 Abhatesaronike 3:8

Ibheere tokahëëchëra, gho kubha inyu mwimeeriire muköngʼiiri mo‑Mutëmi Yesu.

Abhagharatiya 4:26

Amare Saara nakwimeerera Yerusareemu e Mwishaaro, uno onyi omoghya huuru, nawe niwe yiima wiito.

Abhagharatiya 3:25

Amare ibheere, obhokumi ighoro e Yesu Kirisito mbumariri kohika, gho ghayo, totaanyi wiiki haase e meghiro, ghino gheere gheraturëra.

1 Abhakorinto 15:58

Mbe, abhahiiri bhaane abhasiighani, muköngʼëri mo‑bhokumi bhuyo, motaku omukörö. Mwëndërërë ghuköra emeremo ghe Mutëmi gho ghwiköngʼi chaasiko choose, gho kubha mweche kubha emeremo ghino moghuköra gho ghiri e Mutëmi, ghetaanyi ghe bhoowa.

Mataayo 23:4

Ibho mbahaabhöha emeghiro ghyose kinya emerigho merito na kobhaghëghi abhaato mo‑mabhegha, amare ibho bhataakwënda ghughöröröki koru ekyara ghe kubhökö koobho kubha bhaghighëghë.

Abharuumi 7:3

Gho ghayo, arakwiru no omosubhe owonde eriibhagha riyo omosubhe waache akeere anyi muhöru, naakubha arataara. Amare erabha omosubhe waache akuure, emeghiro ghiyo ghetaakomubhöha wiiki, naghotora ghokwiru no omosubhe owonde, hayo taakubha omutaari.

Abharuumi 8:15

Eryobha retabhaheere Akörö Ahörëëru kubha mubhe abhasësë na kobhaköra moretiine wiiki, amare ndebhaheere Akörö Ahörëëru kubha mubhe abhaana bhaache. Gho Körö ntokorebherekera Eryobha “Abha,” egheteemoro keeche “Taata.”

2 Abhakorinto 11:20

Moghoghumereri koru omooto uno akobhatoora mo‑bhusësë, na kobhiibhera na kobhahöka ebheghiro bheenyu, wiiki uno akobhataraaha na kobhatëma mo‑bhosho.

Ruuka 5:38

Adivaayi ahë nekwëndëru ghotooru mo‑maghöchi amahë.