Abhagharatiya 4:8 - Eriiraghano Eriihë

⁸ Inyu hayo ekeenyuma motarimënyiri Eryobha. Eriibhagha riyo, moore abhasësë bha misambu ghino ghetaanyi Eryobha.

Abhagharatiya 4:8 Referans Kwoze

1 Abhakorinto 8:4

Ibheere ighoro e kurë ebhiinyakurë bhino bheruusiibhu amaruusi mo‑chasanaamu, ntweche kubha chasanaamu chino cheghusëngëru, taanyi egheghiro mo‑se muno. Wiiki ntweche kubha ndeenyi‑ho Eryobha rimu hangʼu.

2 Abhatesaronike 1:8

Yesu niwe akobharööna bhoose bhano bhakoryanga Eryobha na bhano bhataaghosooka Angʼana yaache Anchömu.

1 Abhatesaronike 4:5

Motabha na ghwighomba kobhe kinya abhaato bhano bhataryeche Eryobha.

1 Abhatesaronike 1:9

Hohoose hano tooghuye, abhaato mbaghosiikëra kebhuno ꞉mootughënëhiri eriibhagha ꞉twiichiri bhowaanyu. Mbaghosiikëra kebhuno ꞉mootighiri chasanaamu cheenyu na ghwigharurera Eryobha gho korihökëri rino reenyi ihöru na re mahëënë,

1 Bheetero 4:3

Kare, moore moraköra amangʼana gha bhaato bhano bhataryeche Eryobha. ꞉Muutambiine amiigha ghaanyu amabhe gha bhutaari. ꞉Muumanyiri kinya abharëëbhi na ghosiigha chanyangi che mo‑se. ꞉Muusëngiire chasanaamu, chino Eryobha ryangiri. ꞉Muuköriri amangʼana ghayo kwo riibhagha irë chwee.

1 Abhakorinto 1:21

Neghosiikëra hangʼu, gho kubha, Eryobha kwo mangʼiini ghaache, ꞉ndiihatëkiri kubha abhaato bhataaghotora korimënya gho nchëra e mangʼiini ghaabho abheene. Amare Eryobha ndesiighiri kobhatoori bhano bhakorekumi gho nchëra e ngʼana ino tokuraghani. Angʼana iyo, abhaato bhano bhataryeche Eryobha, mbakoyerighi kubha n‑e ghighëëghë.

Abhaebheeso 4:18

ngakundekiiru ne ekengʼuuri. Abhaato bhayo mbatooruru kurë no obhuhöru bho Ryobha gho ghiri e bhuraghaanu bhoobho no obhuköngʼu bho metema gheebho.

1 Abhakorinto 12:2

Mweche kubha eriibhagha moore mokeere korimënya Eryobha, mongʼiinuru na moghakangatu ghusëngëra chasanaamu chino chetaare cheratora ghosiikëra!

1 Yohana 3:1

Mbe, morighi kebhuno Taata Waryobha atosiighiri chwee, kubha itu tobherekeru abhaana bhaache! Mahëënë hangʼu toonyi. Abhaato bhano bhataakoresooka Eryobha bhateeche kubha itu n‑abhaana bha Ryobha toonyi, gho kubha bhataryeche iryo.

Abharuumi 1:28

Mbe, gho kubha abhaato mbaangiri korimënya Eryobha, ryose ndebhatighiri bhabhe bharatambana amiihëëbhö ghaabho ghano ghakobharumeeri. Ibheere mbaghuköra amangʼana ghano ghataakurëngʼaanera ghuköru.

Amaköri gha Bhatomu 17:23

Hano neere neraheta mo‑moghya uno, ꞉neerooche ebheghiro bhino moore morasëngëra. Nekarighi koru ahaghiro ha koruuseri amaruusi hano haandëkiri amangʼana ghano, ‘kwo ryobha rino retamënyëkiine.’ Eryobha rino moore morasëngëra ino motaryeche, niryo riyo eni nekobhamënyi inyu.

Amaköri gha Bhatomu 14:12

Bhakamuha Bharinaabha eriina re musambu waabho omokoro Sewu. Bhawuro, bhakamuha eriina re musambu waabho owonde Heerime, gho kubha Bhawuro niwe are omosiikëri.

Yohana 1:10

Mbe, Angʼana neere‑ho mo‑se muno. Amare abhaato bha mo‑se bhatayimënyiri, koru nangabha Eryobha ꞉riitëëmiri ase gho kohetera ghokooche.

Abharuumi 1:23

Mbatighiri korisëngëra Eryobha Eritööbhiyu rino reenyi‑ho emiishe ghyose, bhaghikareerera ghusëngëra chasanaamu che misambu chino chetuubhiine na abhaato bhano bhaaghoku, hamu chatyenyi, hamu ebhinyönyi hamu ebhetyenyi bhino bhekwingʼuurera chanda.

Abhagharatiya 4:3

Hangʼu hangʼu na niitu eriibhagha rino Kirisito are akeere kuucha, ntoore kinya abhaana, ntoore abhasësë bha chaakörö chino cheghukangata ase ino.