Abhagharatiya 4:6 - Eriiraghano Eriihë

⁶ Eryobha ꞉ndeetomiri Akörö e Moona waache mo‑metema ghiito, gho kubha itu ntoonyi abhaana bha Ryobha. Akörö iyo niyo eghotuköra torebherekere Eryobha “Abha,” egheteemoro keeche “Taata.”

Abhagharatiya 4:6 Referans Kwoze

Abharuumi 5:5

Amiitëngʼërö ghayo ghataaghotora ghotosooki, gho kubha Eryobha ndehomiri obhosiighi bhooche mo‑metema ghiito, kohetera Akörö yaacheAhörëëru.

Abharuumi 8:9

Amare ibheere, inyu motaaghukangatu na simoka yaanyu e masari, amare moghukangatu na Akörö e Ryobha, gho kubha neghwikara moose yaanyu. Omooto wowoose uno ataanyi na Akörö e Kirisito, uyo taanyi omooto o Kirisito.

Abhabhiribhi 1:19

gho kubha nyeeche kubha mo‑ghoose ghano ghambwine, neghotooribhu, gho kubha moghunsabhera kwo Waryobha, wiiki Akörö Ahörëëru koru kwo Yesu Kirisito neghontoori.

Abhaebheeso 2:18

Gho ghayo, gho kohetera iwe, itu bhoose Abhayahuuti na abhaato bha matöngö ntoghotora komwishukerera Taata gho nchëra imu, gho kohetera Akörö Ahörëëru.

2 Abhakorinto 3:17

Mbe, Omutëmi niwe Akörö, hano enyi Akörö e Mutëmi haanyi no obhohuuru.

Abhaebheeso 4:30

Motiitumati Akörö Ahörëëru e Ryobha, gho kubha Akörö iyo n‑ekingʼöchö ke Ryobha ghokoonyu kubha inyu n‑abhaato bhaache moonyi, mbagha orosiko runo Eryobha rekuucha kobhatingori.

Yuuta 1:20

Amare inyu abhasiighani bhaane, muköngʼëri mo‑bhuhëënë bho bhokumi bhoonyu bhuno bhoonyi obhutööbhiyu chwee, na mubhe morasabha kwo bhotoro bho Körö Ahörëëru.

Yohana 16:7

“Nekobhabhoorera inyu obhuhëënë kubha, ngʼoni ghokoonyu eni neghi o‑Taata, neraanga ghuye, Omotoorereri wuure taaghotora kuucha ghokoonyu. Amare aribha neraghe, nekomotoma ghokoonyu.

Yohana 14:16

Mbe, na neeni nekomusabha Taata kubha abhahë Omotoorereri owonde, kubha ikare na niinyu emiishe ghyose.

Ruuka 11:13

Nangabha moonyi bha masari, mweche kobhaha abhaana bhaanyu ebheghiro ebhichömu. Mbe! Taanyi hëënë kubha, Taata waanyu uno anyi Mwishaaro naghuköra ghokera ghayo? Mahëënë nakobhaha Akörö Ahörëëru bhano bhakomusabha!”

2 Abhakorinto 1:22

na ghototoorera ekingʼöchö ghe kwërëki kubha itu n‑abhaato bhaache toonyi, gho ghotuha Akörö Ahörëëru mo‑metema ghiito, kubha ibhe ekimanyenkereri ghe kwërëki kubha, ghoose ghano returaghiire ndeghotuha.

Yohana 15:26

“Hano akuucha ghokoonyu Omotoorereri, uno nekomotoma ghokoonyu koru o‑Taata, niyo Akörö Ahörëëru e hëënë ino ekoru o‑Taata, neghungambëra obhuhëënë ighoro yaane.

Ruuka 11:2

Yesu akabhabhoorera akabhugha, “Hano mookubha morasabha Eryobha, mubhe morasabha hangʼu, ‘Taata [wiito uno onyi Mwishaaro], eriina reecho reghongibhu. Obhutëmi bhoocho bhuuche, [amiigha ghaacho ghahikeerane, hano mo‑se kinya iyo Mwishaaro.]

Yohana 3:34

Eryobha ꞉ndeemotomiri kubha asiikërë amangʼana ghaache, nikyo remoheere Akörö Ahörëëru etaanyi ne ekirëngërë.

1 Bheetero 1:11

Akörö e Kirisito neere moose yaabho, ꞉niiröötiri kubha Kirisito nakunyaakibhu, ne eramara koheta anyaako iyo, nakubhöna obhokumi obhokoro. Abharööti bhayo ꞉mbiiköngʼiri chwee ghwisuncha bhamënyë kubha, amangʼana ghayo ngaakubha nyingake, na nibhu ghakomubhöna.

Abhaebheeso 6:18

Mbe, mubhe morasabha eriibhagha ryose kwo masabhi gha manga ghoose, kurëngʼaana na kinya Akörö Ahörëëru ekobhakangata. Mubhe miisho gho ghiri e ngʼana iyo, na mwiköngʼi kobhasabhera abhatööbhiyu bhoose.

Obhohunyurëru 19:10

Niho neghagho kebhuuma ambërë e marayika uyo, kubha nemusëngërë. Amare akamboorera akabhugha, “Tigha! Eni woose n‑omutamishi mughëndi waacho neenyi. Nturëngʼiine na abhahiiri bhaacho abharööti, na abhande bhoose bhano bhakoruusi obhwibhateri ighoro e Yesu. Mbe, usëngërë Eryobha eryene chiri! Gho kubha, obhuhëënë bhuno Yesu ërëkiri, nibho bhoghughëri abhaato bhararuusi obhurööti.”

Abhaebheeso 1:13

Inyu bhoose abhaato bha matöngö, ꞉muughöötiine na Kirisito hano mooghwire angʼana e hëënë na koyekumi, niyo Angʼana Anchömu e bhotoori bhoonyu. Eryobha ryose gho kwërëki kubha inyu na abhaato bhaache moonyi, rekabhatoorera ekingʼöchö gho kobhaha Akörö Ahörëëru ino ꞉reeturaghiire.

1 Abhakorinto 15:45

Mo‑Mandëkö Amatööbhiyu yandëkuru kubha, “Omooto o mumbërë, Ataamu, natëëmuru akabha omooto omuhöru,” amare Ataamu o ntenero, n‑Kirisito, niwe Akörö ino ekobhaha abhaato obhuhöru.

Amaköri gha Bhatomu 16:7

Hano bhahikiri mo‑robhebhe ro ghusöha mo‑mukööwa o Miisiya, bhaghasaki ghusöha mo‑mukööwa o Bhitiniya amare Akörö Ahörëëru e Yesu tebhiishereriiri.

Yohana 7:39

Yesu naare arasiikërëra ighoro e Körö Ahörëëru, ino abhaato bhoose bhano bhakomokumi Yesu, mbakoyesongʼaana. Eriibhagha riyo, Eryobha ndeere rekeere ghotoma Akörö yaache ghokoobho, gho kubha Eryobha ndeere rekeere kwërëki haheero obhokumi obhokoro bho Yesu.

Maariko 14:36

Akabhugha kubha, “Taata, ghokoocho ghoose ngaakubha. ˆNeghaghusabha onduuseri eghisënchö kino ke nyaako. Taanyi kinya eni nekwënda, amare ukörë kinya iye okwënda.”

1 Abhatesaronike 4:8

Gho ghayo, omooto wowoose uno akwanga ameeghi ghano, taakomwanga omooto, amare nakoryanga Eryobha, rino rekobhaha inyu Akörö yaache Antööbhiyu.