Abhagharatiya 4:4 - Eriiraghano Eriihë

⁴ Amare eriibhagha rino rirënguru hano rehikiri, Eryobha rekamotoma Omoona waache mo‑se ino. Omoona waache akiibhoru no omukari kinya itu, akamanya haase e meghiro ghe Musa.

Abhagharatiya 4:4 Referans Kwoze

Abharuumi 1:3

Angʼana Anchömu iyo n‑angʼana ighoro e Moona waache. Omoona uyo, ꞉niibhwiru kinya omooto mo‑rwibhoro ro mutëmi Tawuti,

Yohana 1:14

Angʼana iyo ekabha omooto, aghiikara ghateghate yiito. Itu bhoose tokabhorighi obhokumi bhooche obhokoro, obhokumi bhooche obhokoro iwe uno anyi Omoona omwene chiri o Taata, niichwire aghareeya no obhuhëënë.

Maariko 1:15

Eriibhagha are araraghani, naare arabhugha, “Eriibhagha rino rirööturu, ˆrekahika. Wiiki, obhutëmi bho Ryobha ˆbhoghatingʼi. Mbe, motuukuunere amasari ghaanyu, na koyekumi Angʼana Anchömu iyo.”

Yohana 3:16

Mbe, gho kubha Eryobha ꞉ndeebhasiighiri abhaato bhoose bha mo‑se ino, koru rekamoruusi Omoona waache omwene chiri, kubha omooto wowoose uno akomokumi atarumëëra, amare abhe no obhuhöru bho miishe ghyose.

Mataayo 1:23

“Mööhi! Omuukë uno ataamara amënya omosubhe naghughëgha anda, nawe nakwibhora omoona o ghesiite! Nabho mbakomoroka eriina reeche Emanweri.” Egheteemoro keeche, “Eryobha ndeenyi haghirohamu na niitu.”

1 Yohana 4:14

Itu ntorooche na ntokobhabhoorera obhuhëënë kubha, Taata Waryobha ꞉naamotomiri Omoona waache mo‑se ino, kubha abhe Omotoori o bhaato bhoose.

Abhaebheeso 1:10

Amangʼana ghano ndeghoghahikeerani kwo riibhagha reeche, ndekobhetoora ebheghiro bhyose bhe Mwishaaro na bhe mo‑se mo‑bhukangati bho Kirisito.

Ruuka 2:7

Akiibhora omoona o kebhureni omutange waache, akamokundekeri changibho. Akamuraari mwitore, gho kubha, bhataabhwine omweya mo‑chanyumba che bhaghëni.

Abharuumi 8:3

Emeghiro ghe Musa ghetaare na changuru che ghototoora huuru, gho ghiri e simoka yiito e masari. Amare emeghiro ghiyo kino ghetaatoriri ghuköra, Eryobha ꞉ndiiköriri. ꞉Ndeetomiri Omoona waache omwene chiri, ache ghokwito mo‑se ino, anyi omooto kinya itu bhano toonyi na amasari, kubha abhe eriruusi gho ghiri e masari ghiito. Gho nchëra iyo, rekamutëma anchagho gho ghiri e masari gha bhaato.

Ruuka 1:35

Akamugharokeri akabhugha, “Akörö Ahörëëru neghoghwikera, no obhotoro bho Ryobha Omokoro o Bhyose, mbookubha ighoro yaacho ghe kiriiri. Omoona uyo okwibhora, naakubha omwahöru, naakubha arabherekeru Omoona o Ryobha.

Yohana 6:38

Eni niichiri koru Mwishaaro kubha nibhe neraköra amiigha gha Taata uno antomiri. Ntiichiri ghuköra amiigha ghaane.

Abheebhuraaniya 2:14

Mbe, gho kubha abhaana bhano mbaanyi ne emebhere na amasaahë, Yesu woose ꞉niichiri anyi no omobhere kinya emebhere gheebho. ꞉Naaköriri hangʼu kubha gho nchëra e roko rooche, achekinde changuru che Rishambu rino reenyi no obhotoro bho ghughëri abhaato bhabhe bharaku.

Yohana 10:36

Kana, ngwake mokobhugha eni neghwiköri Eryobha hano nekobhugha, ‘Eni n‑Omoona o Ryobha?’ Taata niwe anyahwire na ghontoma mo‑se.

1 Timotewo 3:16

Amangʼana gha bhuhëënë ghano Eryobha rehunywire n‑gha koroghoori, nagho nigho ghano: Kirisito niyëërëkiini mo‑mobhere, na Akörö Ahörëëru ekamuhëënëhi kubha, mughöröröku, akarighibhu na bhamarayika, akaraghanibhu mo‑matöngö ghoose, aghakumibhu na abhaato bha mo‑se, aghaghëghu ghuye ighoro mo‑bhokumi bhooche obhokoro.

Abharuumi 15:8

Mohiite kubha, Kirisito ꞉niichiri kobhahökëri Abhayahuuti, abhëërëki kubha, Eryobha n‑de bhuhëënë, ꞉ndiiköriri gho nchëra e Kirisito ghoose ghano ꞉riiraghiri bhasookoro bhiito.

Amaköri gha Bhatomu 1:7

Akabhagharokeri akabhugha, “Emiishe na amabhagha gha mangʼana ghayo, inyu motaakwëndëru ghoghamënya, gho kubha n‑Taata omwene kwo bhotoro bhooche niwe eche nyingake ghakorwera.

Ruuka 1:31

Tëghëërëra! Ibheere noghughëgha anda, na wiibhore omoona o ghesubhe, no omoroke eriina reeche Yesu.

Mataayo 3:15

Yesu akamugharokeri akabhugha, “Nwishereri ibhe hangʼu kwi ibheere, gho kubha ntokwëndëru ghuköra ghaare ghoose Eryobha rekwënda.” Mbe, Yohana aghiishereri, akamubhatiisa.

1 Yohana 4:2

Anchëra e kumënya kubha omooto uno naghukangatu na Akörö e Ryobha niyo ino, wowoose uno aghokumi kubha Yesu Kirisito ꞉niichiri mo‑se akabha no omobhere kinya omooto, uyo niwe aghukangatu na Akörö e Ryobha.

Abheebhuraaniya 9:10

Amangʼana ghayo, ngaare ighoro e bhiinyakurë, ne ebhinywebhu na kwimusa emebhere. Ghoose ghayo ngaghosira eriibhagha rino Eryobha reghugharura ebheghiro kubha bhihë.

Abhakorosaayi 2:14

Eryobha ndetorehiire asiire e masari, nderehiri inkongʼorimu gho nchëra e Yesu ghotokwera mo‑musarabha.

Abharuumi 9:5

Abhiisiraeri bhayo ꞉mbiibhwiru na bhasookoro bhaabho, Abhurahamu, na Isaka na Yakobho. Gho kohetera omobhere, koru Kirisito n‑Omwisiraeri. Kirisito, uno anyi Eryobha, Omokoro o bhyose, aghongibhu emiishe ghyose! Hawubhaabha.

Yohana 8:42

Yesu akabhagharokeri akabhugha, “Aribha Eryobha rengabheere Taata waanyu, mbe, mongabheere moransiigha, gho kubha neeni neruure kwo Waryobha ni ibheere hano neenyi. Eni ntiichiri gho changuru cheene, amare n‑Eryobha niryo rentomiri.

Mataayo 5:17

“Motiituuri kubha niichiri gho ghiri e ghusari emeghiro, hamu ghano ꞉ghaasiikiiru na abharööti. Mööhi, ntiichiri gho ghiri e ghusari, amare niichiri gho ghiri e ghosiikëra obhuhëënë bhooche.

Abharuumi 5:6

Mbe, hano itu toore tokeere totaanyi ni inguru, Kirisito ꞉niichiri. Hano eriibhagha rehikiri, aghaku gho ghiri yiito abhabhe.

1 Timotewo 2:6

Iwe ꞉naaruusiri eriimanya reeche omwene, kubha abhatingori abhaato bhoose. Bhuno nibho obhwibhateri bhuno Kirisito atoheere kwo riibhagha rino Eryobha retooriri.

Ruuka 20:44

“Aribha Tawuti omwene nakomobherekera Kirisito arabhugha Omutëmi waache, ibheere, Kirisito nibhu aghotora abhe omoona waache wiiki?”