Abhagharatiya 4:17 - Eriiraghano Eriihë

¹⁷ Abhaato bhaare abhande, mbaghwiköngʼi kobhanyaakera, amare taanyi kwo mënda machömu. Mbakwënda kobhaahukani na neeni, kubha inyu mwiköngʼi kobhanyaakera ibho.

Abhagharatiya 4:17 Referans Kwoze

Abharuumi 16:18

Abhaato kinya bhayo bhataakomuhökëri Kirisito, Omutëmi wiito, amare mbaghukörëra chanda cheebho abheene. Mbaghosiikëra amangʼana amachömu gha ghotegheri, amare bharangʼiina abhakumi bhano bhakeere bhataamara bhaköngʼëri mo‑bhokumi.

2 Bheetero 2:3

Kwo miigha ghaabho amabhe gha kubhöna obhwëra koru ghokoonyu, mbaakubha bharabhabhoorera amaghano gha bhuröngö. Amare korwera kare, Eryobha ndiisëëmiri kobhatenera ekiina na retaamara ryebhu kobhasireekereri!

1 Abhakorinto 4:8

Ibheere mokwirighi mumariri kubhöna ebheghiro bhyose bhino mokwënda! Mumariri kwamiha! Mubheere abhatëmi, nangabha itu totaanyi abhatëmi! Ngʼoni aribha mongabheere abhatëmi bha hëënë, kubha itu tukangate haghirohamu na niinyu!

Abharuumi 10:2

Nekobhabhoorera inyu, abhaato bhayo mbaghwiköngʼi koritabhara Eryobha, koru hangʼu bhateeche bhuno Eryobha rekwënda bharitabhare.

Mataayo 23:15

“Horeera mokorighi inyu abheeghi bha meghiro na niinyu Amabharisaayo, inyu chaghughuuti, gho kubha mokwinaara chwee mo‑se ayoomu na ghutëënya anyancha kubha momukörë omooto o matöngö kubha Omuyahuuti. Amare moramara komugharura omooto uyo, mokomuköra kubha o mwiribha re mororo mara kabhere ghokera inyu.

2 Bheetero 2:18

Mbaghosiikëra amangʼana gha bhwihachi na ghano ghataanyi ne ekebhune, na gho ghutambana amiigha ghaabho amabhe gha mobhere mbahaatëgha abhaato bhano bhakumiri kwo riibhagha ighuhe, na ghutaana na abhaato bhano bhikareriire obhobhiihi.

Abhabhiribhi 2:21

Abhande bhoose mbaghotereera amangʼana ghaabho agheene, bhataaghotereera ghuköra ghano Kirisito Yesu akwënda.

2 Abhakorinto 11:3

Amare ibheere neghotiina kubha, kinya bhuure Haawa angʼiinuru na anchöka yiire angʼiini, na niinyu motaacha kongʼiinu, motighe komosiigha Kirisito kwo bhughöröröku no obhwero.

1 Abhakorinto 11:2

Nekobhaghongi gho kubha mohiitiri mo‑mangʼana ghoose, na ghughööta ameeghi ghano ꞉neebhaheere.

1 Abhakorinto 4:18

Ibheere abhande ghate yaanyu mbakwihacha, gho kubha mbaghwituuri kubha, nteekuucha wiiki iyo bhowaanyu.

Abhagharatiya 4:16

Kana, ibheere neekabha omobhisa waanyu gho kubha nekobhabhoorera inyu obhuhëënë?

Abhagharatiya 4:18

N‑angʼana inchömu ghwiköngʼi, amare ibhe gho ghuköra amaköri amachömu. Mukörë hangʼu eriibhagha ryose, koru kwo riibhagha rino netaanyi haghirohamu na niinyu.