Abhagharatiya 4:15 - Eriiraghano Eriihë

¹⁵ Eriibhagha riire moore muchömiiru, ibheere neke ˆghekabhönëka? Neghosiikëra obhuhëënë kubha, eriibhagha riire mongatoriri ghoghiiha amiisho ghaanyu muuhë.

Abhagharatiya 4:15 Referans Kwoze

Abharuumi 5:2

Gho nchëra e komokumi Omutëmi Yesu, Eryobha ꞉ndeetoheere aghareeya yaache. Koru ibheere ntokwëndërëra ghosongʼaana aghareeya iyo. Ntoghuchömëru chwee, gho kubha ntoghwitëngʼëra kubha ntoghusanga haghirohamu ne Eryobha mo‑bhokumi bhooche obhokoro.

Abhakorosaayi 4:13

Nekomughambera kubha, naghuköra emeremo gho ghwiköngʼi gho ghiri yaanyu na mo‑bhaato bha meghya ghe Rawotikiya na Hiherabhoori.

1 Abhatesaronike 5:13

Mobhasooke chwee na kobhasiigha kurëngʼaana ne emeremo gheebho. Wiiki mubhe no omurëmbë ghate yaanyu.

1 Abhatesaronike 2:8

꞉Ntoobhasiighiri inyu chwee. Niho gho ghiri iyo, ꞉ntuuchömiiru teenyi gho kobhabhoorera Angʼana Anchömu e Ryobha okwene, amare wiiki na kwiruusi ghuköra ghoose ghano gharëngʼaaniire kobhasakeri, gho kubha mahëënë m‑bhasiighani bhiito moonyi.

Abhagharatiya 6:4

Omooto woose isunche atëëmö yaache omwene. Aribha omooto aghuköra amachömu, hayo naghotora kwihachera amangʼana amachömu ghano aköriri. Amare atirëngʼaani na amangʼana ghano omooto owonde aköriri,

Abhagharatiya 5:22

Amare aribha toghukangatu na Akörö Ahörëëru, ntookubha ne eriikorobhese re Körö Ahörëëru. Eriikorobhese riyo n‑obhosiighi, na ghuchömëru, no omurëmbë, no obhoghumereri, no obhuhöriicho, na ghughënëhi, no obhuhëënë,

Abhagharatiya 4:19

Abhaana bhaane, rino n‑eriibhagha erende wiiki ghokoone kooghu obhororo gho ghiri yaanyu, kinya bhuno obhosongo bhohaamure omukari uno anyi inda, eriibhagha re kwibhora. Nekwiyoghu hangʼu hangʼu, mbagha atëëmö e Kirisito erighibhu mo‑tëëmö yaanyu.

Abhagharatiya 3:14

Natotooriri, kubha orubhango runo ahaabhuru Abhurahamu, robhahikere abhaato bha matöngö kohetera Yesu Kirisito. Mbe, ibheere itu bhoose ntoghotora ghosongʼaana Akörö Ahörëëru ino Eryobha ꞉riiraghiri ghotuha gho nchëra e komokumi Yesu Kirisito.

2 Abhakorinto 8:3

Nekuhëënëhi kubha ꞉mbaaruusiri ebheghiro bhyaru, koru ghokera obhotoro bhoobho. Wiiki ꞉mbaaruusiri gho ghosiigha koobho abheene

Abharuumi 15:13

Eryobha niryo toghwitëngʼëra kubha ndeghuköra ghoose ghano ꞉reeturaghiri. Gho ghayo, nekobhasabhera kubha, rebhahë omurëmbë chwee na ghuchömëru kwaru hano mokwëndërëra korekumi. Hayo niho mookubha ne eriitëngʼërö ikoro, rino moonyi naryo gho changuru che Körö Ahörëëru.

Abharuumi 10:2

Nekobhabhoorera inyu, abhaato bhayo mbaghwiköngʼi koritabhara Eryobha, koru hangʼu bhateeche bhuno Eryobha rekwënda bharitabhare.

Abharuumi 9:3

gho ghiri e bhaato bha ritöngö reene. Aribha engabheere‑ho anchëra yoyoose, eni nengiisheriiri kwihiimu na kwangu na Kirisito, erabha gho ghuköra hangʼu nkongabhatooriri abhahiiri bhaane bhayo bhamokumi Kirisito.

Ruuka 8:13

“Chambusuru chino ꞉cheeghweriire mwitare, nchekwërëki abhaato bhano bhaghuchömëru kooghu angʼana e Ryobha, bhayekumi kwo riibhagha isuuhu. Hano bhaghusakibhu, bhayetigha, gho kubha mbatuubhiine no omote uno otaamara ohira emerya kurë.

Abhagharatiya 4:14

Nangabha kunyaakibhu kwo mobhere waane ꞉nguughëriri musakibhu, amare inyu motantaraahiri hamu konyanga. Amare kino ꞉muuköriri n‑konyiishereri kinya bhuno mongamwisheriiri marayika o Ryobha, hamu kinya Kirisito Yesu omwene.

Abhagharatiya 4:16

Kana, ibheere neekabha omobhisa waanyu gho kubha nekobhabhoorera inyu obhuhëënë?