Abhagharatiya 3:2 - Eriiraghano Eriihë

² Nekwënda kwegha angʼana imu koru ghokoonyu. Kana, mosongʼaaniri Akörö Ahörëëru gho ghughööta emeghiro, ghasi gho ghokumi ghaare mooghwire ighoro e Yesu?

Abhagharatiya 3:2 Referans Kwoze

Abhagharatiya 3:14

Natotooriri, kubha orubhango runo ahaabhuru Abhurahamu, robhahikere abhaato bha matöngö kohetera Yesu Kirisito. Mbe, ibheere itu bhoose ntoghotora ghosongʼaana Akörö Ahörëëru ino Eryobha ꞉riiraghiri ghotuha gho nchëra e komokumi Yesu Kirisito.

Amaköri gha Bhatomu 15:8

Eryobha niryo ryeche ghoose ghano ghaanyi mo‑metema ghe bhaato, ndyërëkiri kubha abhaato bha matöngö bhoose ndebhiisheriiri, gho kubha bhoose mbahaabhuru Akörö Ahörëëru, bhuure bhuure kinya itu Abhayahuuti tuhaabhuru.

Abhagharatiya 3:5

Kana, Eryobha ndebhaheere Akörö yaache na ghuköra ebheroghooro ghateghate yaanyu gho ghoghosooka emeghiro, ghasi gho kubha ꞉mookumiri Angʼana Anchömu ighoro e Yesu?

Abheebhuraaniya 2:4

Eryobha ryose ndeere rerahëënëhi obhotoori bhuyo gho kobhaha abhaato bhayo obhotoro bho ghuköra ebhyërëkërëri ne ebhiraghe ne ebheroghooro bhe manga maaru. Wiiki ꞉ndeebhahööhiri abhakumi ebhihaano bhe Körö Ahörëëru kurëngʼaana na amënda ghaache.

Amaköri gha Bhatomu 8:15

Hano bhahikiri, bhakabhasabhera abhaato bhayo kubha bhabhönë Akörö Ahörëëru,

Amaköri gha Bhatomu 2:38

Bheetero akabhabhoorera akabhugha, “Omooto woose atuukuunere amasari ghaache, na abhatiisu kwo riina re Yesu Kirisito, kubha amwabhërë na kuhaabhu Akörö Ahörëëru.

Abheebhuraaniya 6:4

Mbe, mbaanyi‑ho abhaato bhano ꞉bhaatoriri kumënya obhuhëënë koru kwo Waryobha, bhakabhöna atuho e Mwishaaro, na kubha haghirohamu na bhaato bhano bhasongʼaaniri Akörö Ahörëëru.

Abharuumi 1:17

Angʼana Anchömu iyo nekwërëki haheero kinya bhuno Eryobha rekubharera abhaato kubha abhahëënë ambërë yaache. Abhaato mbakubhareru kubha abhahëënë ambërë e Ryobha gho nchëra e ghokumi okwene. N‑kinya bhuno Amandëkö Amatööbhiyu ghakobhugha kubha, “Uno anyi omuhëënë, nakumanya kwo bhokumi.”

1 Bheetero 1:12

Eryobha ndebhahunyuriire abharööti bhayo kubha, amangʼana ghano ꞉bhaare bhararööta, ghataare ghaghaabho abheene, amare n‑gho ghiri yaanyu. Amangʼana ghano ꞉bhaabhughiri, nigho muraghaniiru na abhaato bhano bhabharëëtiire Angʼana Anchömu ighoro e Yesu Kirisito kwo bhotoro bho Akörö Ahörëëru ino etomuru koru Mwishaaro. Amangʼana ghayo, koru bhamarayika mbaghwighomba chwee ghoghamënya.

2 Abhakorinto 11:4

Neghosiikëra hangʼu gho kubha inyu m‑bhango moonyi ghosongʼaana omooto uno akuucha kuraghani amangʼana ighoro e Yesu ghano ghaanyi mahaghare na ghaare itu tobharaghaniiri. Wiiki, moghosongʼaana akörö na angʼana ayende kwo bhwango, ino motaasongʼaaniri koru ghokwito.

1 Abhakorinto 9:21

Kwo bhano bhataanyi ne emeghiro ghe Musa, neere kinya omooto uno taanyi ne emeghiro ghiyo, kubha nebhatoori bhamokumi Kirisito. Iyo taanyi kubha nteenyi ne emeghiro ambërë e Ryobha, amare neenyi naghyo gho kubha neghukangatu ne emeghiro ghe Kirisito.

Abhagharatiya 3:3

Kana, ngwake ˆmookabha abharaghaanu hangʼu? ꞉Muusëëmiri ghoose gho changuru che Körö Ahörëëru, kana, ibheere mokwënda kumareereri gho changuru cheenyu inyu bheene?

Abheebhuraaniya 4:2

Na niitu nturaghaniiru Angʼana Anchömu kinya bhuno bhasookoro bhiito bhoose ꞉bhooghwire. Amare ibho eriibhagha ꞉bhooghwire amangʼana ghayo, ghatabhatooriri ghyokyose gho kubha bhataaghakumiri.