Abhagharatiya 3:17 - Eriiraghano Eriihë

¹⁷ Kino nekwënda kobhugha n‑kubha, Eryobha ꞉ndiiköriri eriiraghano reeche emeeka amaghana ane na miröngö etato, emeghiro ghe Musa ngeere ghekeere kubha‑ho. Gho ghayo, emeghiro ghiyo ghetaaghotora ghusari eriiraghano riyo koru ghugharura eriiraghano reeche.

Abhagharatiya 3:17 Referans Kwoze

2 Abhakorinto 1:20

N‑hangʼu, gho kubha iwe ꞉naabhughiri “Hee,” gho ghano ghoose Eryobha ꞉riiraghiri, ngahikeriine gho kohetera ghokooche. Nikyo kwo Yesu Kirisito ntokobhugha, “Hawubhaabha,” gho ghiri e koreghongi Eryobha.

Abharuumi 3:3

Amare Abhayahuuti abhande bhataare abhahëënë gho ghughööta amangʼana ghaache. Mbe, tobhughe kubha bhuure ꞉bhaare Abhayahuuti bhayo, ꞉mbaaköriri Eryobha ryose retighe kubha ihëënë gho ghuköra amangʼana ghano ꞉reebhughiri?

Abhakorosaayi 2:4

Ibheere ˆnekabhaandëkëra ghayo, motiishereri kongʼiinu no omooto wowoose kwo mangʼana gha bhuröngö, nangabha ghaanyi gha ghotegheri.

Abhagharatiya 5:4

Aribha moghwitëngʼëra mokubharu kubha abhahëënë ambërë e Ryobha gho ghughööta emeghiro, mumënyë kubha mwiyahwire gho Kirisito, na moonyi kurë na aghareeya e Ryobha.

Abhagharatiya 3:15

Abhahiiri bhaane, tigha neruusi eghetuubhaani. Tobhughe kubha mbaanyi‑ho abhaato bhabhere bhiishereriini ighoro e ngʼana nyarebhe. Erabha amiishererani ghaköruru na ghotooru omohuuri, taanyi‑ho omooto aghotora kwanga hamu kwëngëra ghyokyose mo‑miishererani ghaabho.

1 Abhakorinto 1:17

Kirisito tantomiri eni kubhatiisa abhaato, amare nantomiri kuraghani Angʼana Anchömu. Tantomiri kuraghani gho ghwitëngʼëra amangʼiini ghaane gha ghosiikëra bhoheene, kubha oroko ro Kirisito mo‑musarabha rotabhori changuru cheeche.

Yohana 1:17

Mbe, gho kubha Eryobha ꞉ndeeruusiri emeghiro gheeche gho nchëra e Musa, amare aghareeya no obhuhëënë mbiichiri gho nchëra e Yesu Kirisito.

1 Bheetero 1:20

Korwera hano ase ere ekeere ghutëëmu, Eryobha ndeere rimariri komwahura gho ghiri iyo. Amare reghaghanya mbagha chaasiko chino che ntenero, niho rekamurëëta na komwërëkani haheero mo‑bhaato bhoose bha mo‑se. Ghayo ghoose ꞉ndiiköriri gho ghiri yaanyu.

Abheebhuraaniya 11:13

Abhaato bhayo bhoose ꞉mbaakuure bhaanyi no obhokumi. ꞉Mbaakuure bhakeere ghoghasongʼaana ghano Eryobha reere rebharaghiire, amare mbaare bhagharooche gho kurë na ghosiighasiigha. Wiiki ꞉mbiisheriiri kubha mbaare abhaghëni na abhaheti mo‑se ino.

Abheebhuraaniya 7:18

Mbe, Eryobha ꞉ndeeruusiri eriiraghereri riire re simoka ighoro e bhachaama, gho kubha retaare na changuru, wiiki retaare ne emeremo ghyoghyose.

Abhaebheeso 4:17

Mbe, kwo riina re Mutëmi ˆnekabhatöngëra kubha, motamanya wiiki kinya abhaato bhano bhataryeche Eryobha. Ibho amiihëëbhö ghaabho ghataanyi no obhwëra,

Abhagharatiya 3:21

Kana, emeghiro ghetaakoghwana na ghano Eryobha ꞉riiraghiri? Tiyaanyi! Aribha bhongabheere‑ho obhotoro bho meghiro kobhaha abhaato obhuhöru, mbe, ntongatoriri kubharu kubha abhaato abhahëënë ambërë e Ryobha gho ghughööta emeghiro.

2 Abhakorinto 9:6

Mohiite amangʼana ghano kubha, “Omooto uno akwemi bhirëngʼaaneru, nahaaghësa bhirëngʼaaneru, na uno akwemi bhyaru, nahaaghësa bhyaru.”

1 Abhakorinto 10:19

Ibheere, neke nekwënda ghosiikëra? Ebhiinyakurë bhino bheruusiibhu kuhëërana chasanaamu mbeenyi no obhwëra bhobhoose? Hamu asanaamu yoose n‑egheghiro?

1 Abhakorinto 7:29

Abhahiiri bhaane, nekwënda kobhugha kubha, eriibhagha n‑ighuhe reghasaagha, mbagha Kirisito agharuke. Korwera ibheere bhano bhakwiriri bhatighe kwihëëbhëra abhakari bhaabho okwene, amare bhakörë emeremo ghe Mutëmi.

1 Abhakorinto 1:12

Ibheere, ghano nekwënda ghosiikëra nigho ghano, kubha, omooto woose ghate yaanyu naghosiikëra ghaghaache, umu nakobhugha kubha, “Eni n‑o Bhawuro.” Owonde nakobhugha kubha, “Eni n‑o Abhooro.” Owonde nakobhugha kubha, “Eni n‑o Keebha.” Owonde nakobhugha kubha, “Eni n‑o Kirisito.”

Abharuumi 3:25

Eryobha ndemuköriri Yesu abhe amaruusi gha ghutëmëërani abhaato ne Eryobha, kubha bhaabhëru amasari ghaabho, gho ghokumi kubha Yesu ꞉naakuure gho ghiri yaabho. Eryobha ꞉ndiiköriri hangʼu, kubha ryërëki kubha iryo n‑ihëënë, ndekurööna bhano bhaanyi na amasari. Mööhi, iryo retabharööniri kwo masari ghaabho ghano ꞉bhaaköriri eriibhagha re hayo ekeenyuma.

Amaköri gha Bhatomu 7:6

Eryobha rekamobhoorera Abhurahamu, ‘Abhaato bha rwibhoro roocho mbaakubha abhaghëni mo‑se e bhaato abhande. Mo‑se iyo bhaakubha, mbaghuköru abhasësë, kwo meeka amaghana ane, mbaakubha bharanyaakibhu chwee.

Abhagharatiya 5:16

Mbe, kino nekobhabhoorera n‑kubha, eriimanya reenyu rikangatu na Akörö Ahörëëru. Moraköra hangʼu, motaaghutambana wiiki amiigha ghaanyu amabhe.

Abhaebheeso 2:12

Mohiite kubha, eriibhagha riire motamumënyiri Kirisito, moore mwahukiine na abhaato bha Ryobha Abhiisiraeri, moore abhaghëni ghate yaabho. Inyu motaare no omubharo wowoose mo‑riiraghano riire abharaghiire. ꞉Muumanyiri mo‑se motaanyi ne eriitëngʼërö koru motaare ne Eryobha.