Abhagharatiya 2:8 - Eriiraghano Eriihë

⁸ Kinya Eryobha ꞉reemusakiiri Bheetero kubha omotomu waache mo‑Bhayahuuti, hangʼu nibhu ꞉rinsakiiri eni woose kubha omotomu waache mo‑bhaato bha matöngö.

Abhagharatiya 2:8 Referans Kwoze

Amaköri gha Bhatomu 9:15

Omutëmi akamobhoorera akabhugha, “Nooghi! Omooto uyo, nemwahwire abhe omutamishi waane, kubha ariraghani eriina reene kwo bhaato bha matöngö, na kwo bhatëmi bhaabho, koru na kwo Bhayahuuti abheene.

Amaköri gha Bhatomu 22:21

Nawe Omutëmi aghangarokeri, ‘Nooghi, gho kubha neghoghotoma oghi kurë mo‑bhaato bha matöngö.’”

Amaköri gha Bhatomu 21:19

Bhawuro achekumara kobhakëëri, akabhabhoorera amangʼana ghoose ghano Eryobha reere riköriri mo‑bhaato bha matöngö gho kohetera amahöki ghaache, ke rimu rimu.

Amaköri gha Bhatomu 15:12

Mbe, abhaato bhoose bhano ꞉bhaare mo‑riibharacha riyo bhaghakira kiri. Bharinaabha na Bhawuro bhaakabha bharabhabhoorera kinya Eryobha ꞉riiköriri ebhyërëkërëri ne ebhiraghe bhyaru gho kohetera ghokoobho mo‑bhaato bhayo.

1 Abhakorinto 15:10

Amare aghareeya e Ryobha niyo inköriri eni kubha omotomu. Na aghareeya yaache ghokoone teere bhoowa, gho kubha kohetera aghareeya iyo niköriri emeremo ghokera abhatomu bhoose. Ntiköriri ghayo gho changuru cheene omwene, amare na aghareeya e Ryobha niyo iköriri emeremo haghirohamu na neeni.

1 Abhakorinto 9:2

Koru aribha abhaato abhande bhakorighi kubha eni taanyi omotomu neenyi, amare eni ghokoonyu n‑omotomu, gho kubha obhokumi bhoonyu mo‑Kirisito n‑ekingʼöchö kino ghekwërëki kubha eni netomuru no Omutëmi.

Amaköri gha Bhatomu 8:17

Mbe, Bheetero na Yohana bhaghatoora amabhökö ighoro e bhakumi bhayo, bhakahaabhu Akörö Ahörëëru.

Amaköri gha Bhatomu 4:4

Koru hangʼu, amangʼana ghano Bheetero na Yohana ꞉bhaare bhamariri kobhoorera abhaato, abhaato bhaaru ꞉mbaaghakumiri. Bhano ꞉bhaakumiri abhasubhe abheene, mbaare kinya ebheku bhitaano (5,000).

Amaköri gha Bhatomu 1:25

Omooto uyo okwahura, imoki omweya o bhotomu bhuno ꞉bhootighuru na Yuuta, uno akuure na ghuye ahaghiro hano hamurëngʼaaniire.”

Amaköri gha Bhatomu 1:8

Amare, mokuhaabhu changuru hano Akörö Ahörëëru ekuucha ghokoonyu, mookubha abhiibhateri bhaane mo‑moghya o Yerusareemu na ahaghiro ahande hoose ha Yuteya, na Samaariya, mbagha mo‑se yoose.”

Abhakorosaayi 1:29

Kwo riyo neghwiköngʼi na ghuköra emeremo gho kuhökëri changuru inkoro chino Kirisito aheere.

Abhagharatiya 3:5

Kana, Eryobha ndebhaheere Akörö yaache na ghuköra ebheroghooro ghateghate yaanyu gho ghoghosooka emeghiro, ghasi gho kubha ꞉mookumiri Angʼana Anchömu ighoro e Yesu?

Amaköri gha Bhatomu 19:26

Ibheere mooghwire na kwirigheri inyu bheene kinya bhuure Bhawuro uyo akobhagharura abhaato bhaaru bha hano Ebheeso, haghirohamu na abhaato bha chambaara choose che mukööwa o Asiya. Nakobhabhoorera abhaato kubha, chasanaamu chino chiköruru na mabhökö gha bhaato taanyi Eryobha re hëënë.

1 Abhatesaronike 2:13

Gho ghayo, itu ntokoriitabheri Eryobha totaaghotigha naabha, gho kubha hano mutëghëëriire angʼana yaache koru ghokwito, motayiisheriiri kinya angʼana e mooto. Amare kinya angʼana e Ryobha, na hëënë hangʼu keenyi. Angʼana iyo niyo eghuköra emeremo moose e metema gheenyu, inyu bhano momokumiri.