Abhagharatiya 2:19 - Eriiraghano Eriihë

¹⁹ Eriibhagha rino neere nighöötiri emeghiro ghe Musa, emeghiro ngenteniire ekiina. Amare ibheere nteeghughööta emeghiro ghiyo wiiki, kubha netore kumanya kinya bhuno Eryobha rekwënda.

Abhagharatiya 2:19 Referans Kwoze

Abharuumi 7:4

Abhahiiri bhaane, amangʼana ghayo nibhu ghaanyi na ghokoonyu. Koru inyu motaakubhöhu wiiki ne emeghiro ghe Musa, gho kubha mokuure haghirohamu na Kirisito mo‑musarabha. Ibheere inyu n‑abhaato bhaache moonyi, uno ꞉aryokiibhu koru mo‑bhaku, kubha eriimanya riito ribhe na amakorobhese amachömu gho ghiri e Ryobha.

Abharuumi 6:2

Naabha, koru hasuuhu! Itu ntubheere kinya abhaku kwo mangʼana gha ghuköra amasari. Gho ghayo, totaaghotora kwëndërëra kumanya wiiki mo‑masari.

1 Abhatesaronike 5:10

Uyo niwe akuure gho ghiri yiito, kubha tumanye haghirohamu nawe, ibhe toonyi abhahöru hamu tokuure.

2 Abhakorinto 5:15

Iwe ꞉naakuure gho ghiri e bhaato bhoose, kubha bhano bhaanyi abhahöru bhatighe kumanya gho ghiri yaabho abheene, amare gho ghiri e uno akuure na koryoka gho ghiri yaabho.

Abharuumi 6:11

Inyu bhoose, mubhe moriirighi kubha mokuure haghirohamu nawe, na amasari ghataaghotora kobhakangata wiiki. Hangʼu hangʼu, mubhe moriirighi kubha ibheere m‑bhahöru moonyi, na mumanyiri gho ghiri e koretegheri Eryobha, gho ghughöötana na Kirisito Yesu.

Abharuumi 8:2

Gho nchëra e ghughöötana na Kirisito Yesu, changuru che Körö Ahörëëru chino chekurëëta obhuhöru bho miishe ghyose, ncheghontoori koruusibhu koru mo‑kibhöhö ke masari, kubha netighe ghukangatu na changuru che masari no oroko.

1 Bheetero 2:24

Kirisito omwene ꞉niimokiri amasari ghiito mo‑mobhere waache ighoro e musarabha. ꞉Naaköriri hangʼu, kubha itu toku mo‑mangʼana gha amasari, amare tubhe abhahöru mo‑mangʼana gha bhuhëënë. Na gho ghutëmu kooche, inyu muhöruru.

Abharuumi 6:14

Amasari ghataakobhakangata wiiki, gho kubha motaaghukangatu no obhotoro bho meghiro, amare moghukangatu na aghareeya e Ryobha.

1 Bheetero 4:6

Nikyo gheghughëri abhaato bhano kwi ibheere bhakuure, ꞉mbaabhooriiru Angʼana Anchömu hano bhaare abhahöru, kubha koru nangabha bhateniiru ekiina mo‑riimanya reebho kinya abhande, bhamanye kwo bhotoro bho Körö Ahörëëru, kinya Eryobha reenyi ihöru.

Abheebhuraaniya 9:14

Amare ibheere amasaahë gha Kirisito ngaanyi na changuru chwee ghokera amasaahë gha chatyenyi chiyo! Gho nchëra e Körö ino enyi e miishe ghyose, iwe ꞉niiruusiri kwo Waryobha kubha amaruusi ghano ghahikeriine. Amasaahë ghaache nigho ghaghotomusa emetema ghiito ighoro e masari ghano ghaghughëri oroko kubha torisëngërë Eryobha rino reenyi ihöru.

Tiito 2:14

꞉Niiruusiri gho ghiri yiito, kubha atotoori koru mo‑mabhe ghoose. ꞉Nëëndiri ghotomusa, kubha hëënë tubhe abhaato bhaache, bhano bhiiruusiri ghuköra amachömu.

Abhakorosaayi 2:20

Inyu atëëmö yaanyu e kare ꞉neekuure haghirohamu na Kirisito, gho kubha ꞉naabhatooriri koru mo‑chaakörö chambe chino cheghukangata ase ino. Mbe, ngwake mokeere mwikeere kinya abhaato bha mo‑se ino? Motiishereri ghosooka emeghiro ghenga ghino,

Abhagharatiya 3:24

Emeghiro ngeere gheratukangata kinya omurëri wiito, mbagha eriibhagha rino Kirisito ichiri. Gho ghayo, gho komokumi Kirisito okwene, ntokubharu kubha abhaato abhahëënë ambërë e Ryobha.

Abhagharatiya 2:20

Eriimanya reene riire re kare ndekuure haghirohamu na Kirisito mo‑musarabha. Ibheere muhöru neenyi, amare taanyi eni, gho kubha Kirisito niwe anyi omuhöru moose yaane. Obhuhöru bhuno neenyi nabho eriibhagha rino, nebhughöötë gho ghiri e ghokumi Omoona o Ryobha. Iwe nansiighiri na akaruusi obhuhöru bhooche ghokoone kubha antoori.

Abhakorosaayi 3:3

gho kubha atëëmö yaanyu e masari nekuure. Ibheere obhuhöru bhoonyu mboonyi haghirohamu na Kirisito ambërë e Ryobha. Amare obhuhöru bhuyo bhotaakorighibhu mo‑bhaato abhande.

Abhagharatiya 3:10

Amare bhoose bhano bhaghwitëngʼëra ghotooribhu gho ghuköra ghano ghakwëndëru ne emeghiro ghe Musa, bhayo bhiihiimuru. Amandëkö Amatööbhiyu ngakobhugha kubha, “Wowoose uno ataaghughööta na ghuköra ghoose ghano ghaandëkuru mo‑ghitabhu ke meghiro, niihiimuru.”

1 Abhakorinto 10:31

Mbe, ibheere, ghyokyose kino moghuköra, ibhe n‑kurë, hamu kunyo, hande koru ghuköra egheghiro ghyokyose, mukörë gho ghiri e koreghongi Eryobha.

Abharuumi 7:14

Ntweche kubha Akörö e Ryobha niyo etoheere emeghiro, amare eni gho simoka yaane e masari, n‑omusësë o masari neenyi.

Abharuumi 5:20

Hano emeghiro ghe Musa ghiichiri, gheghaghëri amasari ghakiyëngëra. Koru hangʼu, hano amasari ghëëngiire, aghareeya e Ryobha yoose ëkëëndërëra kwiyëngëra chwee.

Abharuumi 4:15

gho kubha ghusari emeghiro, ngokurëëta anchagho. Amare aribha emeghiro ghetaanyi‑ho, hayo ghotaanyi‑ho ghusari emeghiro.

1 Abhakorinto 9:20

Kwo Bhayahuuti, neere kinya Omuyahuuti, kubha nebhatoori bhamokumi Kirisito. Eni omwene nteenyi haase e meghiro ghe Musa, amare ꞉niitooriri haase e meghiro ghiyo, kwo bhano bhaghutambana emeghiro ghiyo, kubha nebhatoori bhamokumi Kirisito.

Abhagharatiya 6:14

Amare eni nteekwënda kubha ne egheghiro ghe kwihachera, nanyinga oroko ro Mutëmi wiito Yesu Kirisito mo‑musarabha. Kurëngʼaana na oroko rooche, amangʼana ghoose gha se ino ghataanyi no obhwëra bhobhoose ighoro yaane. Eriimanya reene re kare, ꞉ndiimamburu nawe mo‑musarabha.