Abhagharatiya 1:1 - Eriiraghano Eriihë

¹ Anyaarubha ino neyandëkiri eni Bhawuro. Eni ntetomuru na abhaato hamu kuhatëku no omooto nyarebhe, amare ꞉neetomuru na Yesu Kirisito na Taata Waryobha uno amoryokiri Yesu koru mo‑bhaku.

Abhagharatiya 1:1 Referans Kwoze

1 Abhakorinto 1:1

Anyaarubha ino neyandëkiri eni Bhawuro, uno nebherekiiru kubha omotomu o Yesu Kirisito, kwo mënda gha Ryobha. Eni no omohiiri wiito mo‑bhokumi Sositene,

Obhohunyurëru 1:5

na koru kwo Yesu Kirisito, ghibhe haghirohamu na niinyu. Uyo niwe omwibhateri omuhëënë. Niwe o mumbërë koryoka koru mo‑bhaku, kubha abhe omukangati o bhatëmi bhoose mo‑se. Yesu niwe atosiighiri aghatusaasura koru mo‑masari ghiito gho nchëra e masaahë ghaache.

Abharuumi 1:1

Anyaarubha ino neyandëkiri eni Bhawuro, omutamishi o Kirisito Yesu. Eni nebherekiiru nibhe omotomu waache, nyahwiru ne Eryobha nibhe neraraghani Angʼana yaache Anchömu.

Abhaebheeso 3:8

Eni m‑mosuuhu neenyi ghokera abhatööbhiyu bhoose bha Ryobha, amare Eryobha ndinsakiiri aghareeya kubha nebharaghaneri abhaato bha matöngö obhwame bho rubhango ro Kirisito runo rotaanyi ne ekirëngërë.

Tiito 1:3

Ibheere, n‑eriibhagha rino Eryobha ryëndiri kwërëki haheero Angʼana yaache Anchömu. Eryobha Omotoori wiito ꞉ndiihatëkiri kuuha omoremo o koyiraghani angʼana iyo.

2 Abhakorinto 1:1

Anyaarubha ino neyandëkiri eni Bhawuro, omotomu o Kirisito Yesu kwo mënda gha Ryobha. Eni haghirohamu na Timotewo, mohiiri wiito mo‑bhokumi, ntokobhaandëkëra inyu bhano moonyi mo‑riikanisa re Ryobha re mo‑moghya o Korinto. Ntokobhaandëkëra inyu haghirohamu na abhaato bhoose bha Ryobha bhano bhaanyi mo‑mukööwa o Akaaya.

2 Timotewo 1:1

Anyaarubha ino neyandëkiri eni Bhawuro. Eni netomuru kwo mënda gha Ryobha kubha omotomu o Kirisito Yesu, kubha niraghani angʼana e bhuhöru. Eryobha ꞉ndiiraghiri kubha, obhuhöru bhuyo mbokubhönëka gho komokumi Kirisito Yesu.

Abharuumi 10:9

Angʼana iyo n‑kubha, orasiikëra koru mo‑monu waacho iye omwene kubha, “Yesu n‑Omutëmi,” na ghokumi mo‑motema waacho kubha Eryobha ꞉ndeemoryokiri koru mo‑bhaku, noghotooribhu ne Eryobha.

Amaköri gha Bhatomu 22:10

Mbe, eni nekabhoori, ‘Oo Omutëmi, nikörë ke?’ Aghangarokeri, ‘Imeerera! Usöhë Tamaasiko. Hayo niho okobhooreru bhoheene omoremo uno Eryobha rekwënda ukörë.’

Amaköri gha Bhatomu 9:6

Ibheere, imeerera! Oghi mo‑moghya, iyo nokobhooreru ghano okwëndëru ghuköra.”

Obhohunyurëru 2:8

Omooto uyo kinya Omoona o Mooto akëëndërëra kobhugha, “Omwandëkërë marayika o riikanisa re Simurina, no omobhoorere obhughe, ‘Eni neeni o Mumbërë na Antenero. Neere nekuure, nekaryoka ni ibheere m‑muhöru neenyi! Mutëghëërërë ghano nekobhabhoorera!

Obhohunyurëru 1:18

Eni neeni obhuhöru! Neere nekuure amare ibheere, umööhi, muhöru neenyi koru emiishe ne emiishe! Wiiki eni neenyi na chahunguru che roko na nyaari.

1 Bheetero 1:21

Kohetera gho Kirisito, mokorekumi Eryobha, rino remoryokiri koru mo‑bhaku na komuha obhokumi obhokoro. Gho ghayo, mokomokumi na koriitëngʼëra Eryobha.

Abheebhuraaniya 13:20

Mbe, Eryobha re murëmbë ꞉ndeemoryokiri Omutëmi wiito Yesu, Omoriishi Omokoro o changʼöndu, gho ghiri ekubha ꞉niitiri amasaahë ghaache ghano ghahëënëhiri eriiraghano re miishe ghyose.

Abhagharatiya 1:17

Ntebhughiri kubha, “Tigha neghi Yerusareemu nerighani na bhaare ꞉bhaankangatiri kubha abhatomu.” Amare kino ꞉niiköriri neeghaye kimu kimu mo‑se e Araabhiya. Niiche koru hayo, neghagharuka wiiki mo‑moghya o Tamaasiko.

Abharuumi 14:9

Kirisito ꞉naakuure na koryoka, kubha abhe Omutëmi o bhaato bhoose, abhaku na bhano bhaanyi abhahöru.

Yohana 20:21

Yesu akabhabhoorera wiiki akabhugha, “Omurëmbë ubhe na niinyu. Kinya bhuno Eryobha rentomiri eni, hangʼu hangʼu na neeni ˆnekabhatoma inyu mo‑se ino.”

Yohana 10:30

Eni na Taata m‑bhamu toonyi.”

Yohana 5:19

Yesu akabhabhoorera abhakangati bhaare akabhugha, “Mahëënë ˆnekabhabhoorera, Omoona taaghotora ghuköra ghyokyose gho changuru cheeche. Naghotora ghuköra ghano arooche Ishe araghaköra, wiiki ghoose ghano Ishe aghuköra, nigho ghayo ghayo Omoona aghuköra.

Amaköri gha Bhatomu 3:15

Mbe, mokamwita uno anyi omutangi o bhuhöru! Amare Eryobha rekamoryoki koru mo‑bhaku, na niitu n‑abhiibhateri bha koryoka kooche toonyi.

Abhagharatiya 1:15

Amare Eryobha, ꞉ndeenyahwire eriibhagha nekeere kwibhoru, rekamberekera gho ghareeya yaache, reghiishereri