Abhaebheeso 6:24 - Eriiraghano Eriihë

²⁴ Aghareeya e Ryobha, ibhe na bhoose bhano bhamosiighiri Omutëmi wiito Yesu Kirisito, kwo bhosiighi bhuno bhotaanyi na antenero. Hawubhaabha.

Abhaebheeso 6:24 Referans Kwoze

Mataayo 22:37

Yesu akamugharokeri akabhugha, “‘Omosiighe Omutëmi Waryobha waacho gho körö yaacho yoose, na kwo riimanya reecho ryose na kwo bhongo bhoocho bhoose.’

2 Abhakorinto 8:12

Aribha omooto naanyi na akörö e ghusakeri, Eryobha ndeghosongʼaana kino akoruusi, kurëngʼaana na kino anyi nakyo, taanyi kurëngʼaana na kino otaghöötë.

Tiito 3:15

Abhaato bhoose bhano bhaanyi haghirohamu na neeni, mbaghoghukëëri. Ibheere iye woose, obhakëëri abhakumi bhoose abhasiighani. Nëköbhëëndëra aghareeya e Ryobha ibhe haghirohamu na niinyu bhoose.

Tiito 2:7

Iye woose, mo‑mangʼana ghaacho ghoose, ubhe eghetuubhaani ghe kweghu gho ghuköra amachömu. Mo‑meeghi ghaacho, wërëki asooko no obhuhëënë.

2 Timotewo 4:22

Omutëmi Yesu abhe haghirohamu na niiye. Aghareeya yaache ibhe haghirohamu na niinyu bhoose.

2 Abhakorinto 8:8

Nteeghosiikëra ghano gho ghiri e kobhahatëka, amare nekwënda korighi aribha obhosiighi bhoonyu m‑bho hëënë. Neghuköra hangʼu gho nchëra e köbhëërëki kinya bhuno abhande bhaghwiköngʼi ghusakeri.

Mataayo 28:20

Wiiki mobheeghi ghoghaghööta ghoose ghano nebherekeriiri inyu. Mööhi! Neekubha haghirohamu na niinyu eriibhagha ryose mbagha mo‑ntenero e se.”

Mataayo 6:13

Wiiki otatusöhi mo‑masaki, amare ototoori no Omobhisa wuure, [gho kubha obhutëmi m‑bho bhoocho, na changuru, no obhokumi obhokoro, koru emiishe ghyose. Hawubhaabha.]’”

Abheebhuraaniya 13:25

Neghusabha kubha, aghareeya e Ryobha ibhe haghirohamu na niinyu.

Abhakorosaayi 4:18

Eni Bhawuro nabhaandëkiire amakëërani ghano gho kubhökö koone eni mwene. Mohiite kubha nibhöhuru mwighërëcha. Aghareeya e Ryobha ibhe haghirohamu na niinyu.

Abharuumi 2:7

Ndekobhaha obhuhöru bho miishe ghyose abhaato bhano bhaghwiköngʼi ghuköra amachömu, gho kubha mbaghutabhara aghongo, na asooko no obhuhöru bhuno bhotaanyi na antenero.

Abhaebheeso 6:23

Nëköbhëëndëra inyu abhahiiri bhaane omurëmbë, no obhosiighi haghirohamu no obhokumi koru o‑Taata Waryobha na kwo Mutëmi wiito Yesu Kirisito.

Abhabhiribhi 1:1

Anyaarubha ino neyandëkiri eni Bhawuro haghirohamu na Timotewo omutamishi mughëndi waane o Kirisito Yesu. Ntokobhaandëkëra inyu amasikoofu na amashemaasi, haghirohamu na abhatööbhiyu bha iyo Bhiribhi bhano mughöötaniibhu na Kirisito Yesu.