Abhaebheeso 6:21 - Eriiraghano Eriihë

²¹ Tikiko, omohiiri wiito omosiighani no omutamishi omuhëënë o Mutëmi Yesu, nakobhabhoorera amangʼana ghoose, kubha mumënyë kinya nekwëndërëra na kino neghuköra.

Abhaebheeso 6:21 Referans Kwoze

Amaköri gha Bhatomu 20:4

Eriibhagha riyo, Bhawuro naare araköra orughëndö haghirohamu na Sobhateeri mwërëëti o Bhiiro o mo‑moghya o Bherooya, haghirohamu na abhaato bhabhere bha Tesaronike, Arisitaariko na Sekundo, Ghaayo o mo‑moghya o Teeribhe, na Timotewo, na abhaato bhabhere bha Asiya, Tikiko na Torobhiimo.

2 Timotewo 4:12

꞉Neemotomiri Tikiko ghuye mo‑moghya o Ebheeso.

Tiito 3:12

Nerooche neghi ghwikara iyo mo‑moghya o Nikabhoori, eriibhagha re nyighita. Amare nekomotoma Aritema hamu Tikiko awaacho. Umu ghate yaabho hano akohika iyo, iye ubhëndë kuucha Nikabhoori torighani.

2 Bheetero 3:15

Mumënyë kubha Omutëmi nakobhaghumereri kubha mubhönë omweya o ghotooribhu. Hangʼu nibhu omohiiri wiito Bhawuro omosiighani ꞉abhaandëkiire gho kuhökëri mangʼiini ghano Eryobha ꞉reemoheere.

1 Bheetero 5:12

ˆNekabhaandëkëra anyaarubha ino inguhe, kwo bhotoorereri bho Sirwano. Eni nyeeche bhoheene kubha, n‑omokumi omuhëënë. Kino nekwënda, n‑kobhatoora omukörö na kobhahëënëhëri kubha amangʼana ghano mahëënë n‑aghareeya e Ryobha. Kurëngʼaana na aghareeya iyo, mwimeerere muköngʼiiri!

Bhiremooni 1:16

Korwera ibheere, iwe taanyi kinya omusësë ghokoocho, amare iwe n‑ngʼoni ghokera omusësë. Iwe n‑kinya omohiiri omosiighani. Eni nemosiighiri chwee, iye nokomosiigha ghokera eni, kinya omusësë o mo‑nyumba yaacho, wiiki kinya omohiiri kwo Mutëmi Yesu.

1 Timotewo 4:6

Orabheeghi abhahiiri bhiito bhoose amangʼana ghayo, niho okubha omutamishi omuhöriicho o Kirisito Yesu. Wiiki nookubha orarëru bhoheene mo‑bhuhëënë bho bhokumi bhwito na mo‑meeghi amachömu ghano iye oghutambana.

Abhakorosaayi 1:7

꞉Mweeghiri Angʼana Anchömu iyo koru o‑Ebhaabhura. Iwe naghuköra emeremo kinya omutamishi mughëndi wiito omosiighani, no omuhëënë o Kirisito gho ghiri yaanyu.

1 Abhakorinto 4:17

Gho ghayo nemotomiri Timotewo, omoona waane omosiighani mo‑bhokumi, uno anyi omuhëënë mo‑meremo ghe Mutëmi. Iwe nakobhahiiti ghano eni neghutambana mo‑bhughöötani bhoone na Kirisito, ghano nekweghi abhaato ahaghiro hoose mo‑makanisa ghoose.

Abhabhiribhi 1:12

Mbe, bhahiiri bhaane, nekwënda mumënyë bhoheene kubha ghoose ghano ghambwine, ngantooriri chwee kuraghani Angʼana Anchömu.