Abhaebheeso 6:19 - Eriiraghano Eriihë

¹⁹ Mubhe moransabhera na neeni kubha, Eryobha ribhe reraaha amangʼana gha ghosiikëra, hano neekubha neraraghani ighoro e Yesu Kirisito, kubha nibhe neraraghani kwo bhosubhesubhe obhuhëënë bhuno Eryobha rehunywire mo‑Ngʼana Anchömu.

Abhaebheeso 6:19 Referans Kwoze

Abhakorosaayi 4:3

Motusabhere na niitu kubha Eryobha retukörërë anchëra e kuraghani angʼana yaache, na ghosiikëra amangʼana ighoro e Kirisito ghano ꞉ghaare mo‑kebhisere. Eni nibhöhuru gho ghiri e kuraghani amangʼana ghayo.

Amaköri gha Bhatomu 4:29

Ibheere Omutëmi Waryobha, mööhi kinya bhaghototiini, ntoghusabha otusakeri! Otukörë itu abhatamishi bhaacho, kuraghani angʼana yaacho kwo bhosubhesubhe bhoose.

2 Abhatesaronike 3:1

Ibheere abhahiiri bhiito, motusabhere kubha angʼana e Mutëmi Yesu yëndërërë ghusancha bhwango, wiiki abhaato bhayesongʼaane gho sooko, kinya bhuure enyi ghokoonyu.

1 Abhatesaronike 5:25

Bhahiiri bhiito, itu bhoose motusabhere kwo Waryobha.

Abheebhuraaniya 13:18

Mwëndërërë ghotusabhera. Ntoonyi no obhuhëënë kubha emetema ghiito ghetaaghototenera ekiina ghyokyose, gho kubha ntoghwiköngʼi ghuköra ghano ghaanyi gha hëënë kwo bhaato bhoose.

Amaköri gha Bhatomu 4:31

Hano bhamariri ghusabha Eryobha, anyumba ino ꞉bhaare bhatëmëëraniire‑mu eghasingisu. Bhoose bhayo bhaghiichoribhu Akörö Ahörëëru, bhaghasëëma kweghi abhaato angʼana e Ryobha kwo bhosubhesubhe.

1 Abhatesaronike 2:2

Wiiki mweche kubha hano toore tokeere kohika bhowaanyu, ntunyaakibhuru na ghotoku mo‑moghya o Bhiribhi. Nangabha bhowaanyu ꞉haare haköngʼu chwee, Eryobha reghatuha changuru che kobharaghaneri Angʼana Anchömu ighoro e Yesu kwo bhosubhesubhe.

2 Abhakorinto 8:7

Inyu moonyi ne ebheghiro bhyose. Moonyi no obhokumi, na moonyi ne ekihaano ghe ghosiikëra bhoheene, no obhumënyi, na ghwiköngʼi mo‑ghoose amachömu, no obhosiighi bhoonyu ghokwito. Mbe, hangʼu hangʼu, mubhe moriiruusi mo‑meremo ghino ghe kobhatoori abhande.

Abhaebheeso 1:9

Iryo ndehikeriini ghaare reere kwënda gho nchëra e Yesu Kirisito. ꞉Ndiiköriri hangʼu gho kubha, nibhu ꞉reesiighiri retumënyi amangʼana ghaache ghano reere rebhisiri.

1 Abhakorinto 4:1

Abhaato bhatubhare kubha itu n‑abhatamishi bha Kirisito toonyi, ntuhaabhuru emeremo ghe kuraghani angʼana e Ryobha ino ere ebhisuru.

Amaköri gha Bhatomu 28:31

Akeeghi abhaato kwo bhosubhesubhe ighoro e bhutëmi bho Ryobha, ni ighoro e Mutëmi Yesu Kirisito, koru bhataamoshaangʼiri.

Amaköri gha Bhatomu 19:8

Kwo riibhagha re myëri etato, Bhawuro akabha arasöha mo‑risinaghooghi re Bhayahuuti, arabhabhoorera abhaato kwo bhosubhesubhe ighoro e bhutëmi bho Ryobha, kubha bhabhokumi.

Amaköri gha Bhatomu 13:46

Koru hangʼu, Bhawuro na Bharinaabha bhakabhagharokeri Abhayahuuti bhayo kwo bhosubhesubhe bharabhugha, “Angʼana e Ryobha ꞉yëëndiiru imënyu ghokoonyu inyu Abhayahuuti singa. Amare mumööhërëri! Gho kubha moyaangiri, na motirooche kubha mokurëngʼaanera obhuhöru bho miishe ghyose, ntokobhatigha na ghwigharurera abhaato bha matöngö.

Bhiremooni 1:22

Haghirohamu na ghayo, unsëëmërë ha kohikera, gho kubha neghwitëngʼëra kubha kwo masabhi ghaanyu, Eryobha ndeghontoori niiche bhowaanyu.

Abhakorosaayi 2:2

Kino nekwënda n‑kubha, motooru omukörö na ghutëmëëranibhu mo‑bhosiighi. Nekwënda mubhönë obhumënyi bhoose bhuno bhokobhaha obhuhëënë. Hayo mokumënya ekebhisere ke Ryobha, nikyo Kirisito omwene.

2 Abhakorinto 3:12

Ibheere, gho kubha riyo niryo eriitëngʼërö riito, ntokuhöki totaanyi no obhotiini.

1 Abhakorinto 1:5

Gho ghughöötana koonyu na Kirisito mubheere no obhwame bho kira gheghiro, ahanene mo‑maghamba ghaanyu na kwo bhumënyi bhoonyu.

Amaköri gha Bhatomu 14:3

Bhawuro na Bharinaabha ꞉mbiikeere chaasiko chaaru hayo Ikoniyo, bhaakabha bharabhabhoorera abhaato kwo bhosubhesubhe ighoro e Mutëmi, na aghareeya yaache. Omutëmi nawe aghaghahikeerani amangʼana ghaabho kwo bhuhëënë, gho kobhaha obhotoro bho ghuköra ebhyërëkërëri ne ebhiraghe bhyaru.

Amaköri gha Bhatomu 9:27

Niho Bharinaabha akamwimoki akamohira Sawuri kwo bhatomu bha Yesu. Akabhabhoorera kinya Sawuri amorooche Omutëmi mo‑nchëra araghe Tamaasiko, na bhuure Omutëmi ꞉asiikiire nawe. Wiiki akabhamënyi kinya Sawuri ꞉eghiri abhaato iyo Tamaasiko ighoro e Yesu kwo bhosubhesubhe.

1 Timotewo 3:16

Amangʼana gha bhuhëënë ghano Eryobha rehunywire n‑gha koroghoori, nagho nigho ghano: Kirisito niyëërëkiini mo‑mobhere, na Akörö Ahörëëru ekamuhëënëhi kubha, mughöröröku, akarighibhu na bhamarayika, akaraghanibhu mo‑matöngö ghoose, aghakumibhu na abhaato bha mo‑se, aghaghëghu ghuye ighoro mo‑bhokumi bhooche obhokoro.

2 Abhakorinto 7:4

Neenyi no obhosubhesubhe chwee hano neghosiikëra na niinyu, wiiki nekwihacha chwee gho ghiri yaanyu. Mungambisiini chwee na muköriri nibhe na ghuchömëru kwaru, nangabha tokunyaaka mo‑maaru.

2 Abhakorinto 1:11

aribha moghusakerani na niitu gho ghotusabhera kwo Waryobha. Iryo ndekooghu amasabhi ghaanyu na ndeghotwitabheri. Niho abhaato bhaaru bhakoriitabheri Eryobha gho ghiri yiito.

1 Abhakorinto 2:7

Amangʼiini ghano tokuraghani n‑gha kebhisere ke Ryobha. Amangʼiini ghayo n‑obhorwachi bho Ryobha bhuno bhoore bhobhisuru mo‑bhaato. Eriibhagha Eryobha reere rekeere ghutëëma ase, ꞉ndyëëndiri kuhökëri amangʼiini ghayo, kubha retughöötani mo‑bhokumi bhooche obhokoro.

Abharuumi 15:30

Mbe, abhahiiri bhaane, kurëngʼaana na ghughöötana kwito no Omutëmi wiito Yesu Kirisito, na kurëngʼaana no obhosiighi bhuno Akörö Ahörëëru etoheere, ˆnekabhasasaama kwo motema waane woose kubha, mwiköngʼi ghughöötana na neeni gho ghunsabhera kwo Waryobha.

Amaköri gha Bhatomu 18:26

Abhooro aghasöha mo‑risinaghooghi re Bhayahuuti, aghasëëma kweghi‑mu Angʼana Anchömu e Yesu kwo bhosubhesubhe. Bhirisira na Akiira, hano bhooghwire ameeghi ghayo gha Abhooro, bhakamohira mo‑ka yaabho, bhakamwërëkërëri angʼana e Ryobha kwo bhuchömu, kinya enyi.

Amaköri gha Bhatomu 4:13

Abhakoro bhayo bhakaroghoora chwee korighi kubha Bheetero na Yohana mbasiikiire kwo bhosubhesubhe, wiiki mbaare bheeche kubha ibho m‑bhaato bha hangʼu hangʼu bhano bhatasömiri. Niho bhakamënya kubha Bheetero na Yohana mbaare haghirohamu na Yesu kwo riibhagha riyo.

Amaköri gha Bhatomu 2:4

Abhaato bhayo bhoose bhaghiichoribhu Akörö Ahörëëru, bhaghasëëma ghosiikëra mo‑bhighambo haghare haghare, kinya bhuure Akörö Ahörëëru ꞉ëbhëërëkëriiri.

Amaköri gha Bhatomu 9:29

꞉Naasiikiire na ghushangʼaana na Abhayahuuti bhano ꞉bhaasiikiire eghighambo ghe Keyunaani, ighoro e Yesu, amare ibho bhaghakiibhi komwita.

Abharuumi 16:25

Ibheere, ntokoreghongi Eryobha! Iryo ndeghotora kobhaköra mubhe moriiköngʼi mo‑bhokumi bhoonyu, kohetera mo‑Ngʼana Anchömu ighoro e Yesu Kirisito ino neere neraraghani ghokoonyu. Angʼana iyo neere ebhisuru korwera kare, amare ibheere, nehunyuuru,

2 Abhakorinto 6:11

Inyu Abhakorinto, ntosiikiire na niinyu totabhabhisiri ghyokyose. Wiiki ntobhasiighiri kwo metema ghiito ghyose.

Abhaebheeso 3:9

Wiiki nebhatoorere haheero abhaato bhoose bharighi amangʼana gha Ryobha ghano ꞉ghaare ghabhisuru kinya ghakohikeeranibhu. Eryobha rino ritëëmiri ebheghiro bhyose ꞉ndeebhisiri amangʼana ghayo korwera simoka.