Abhaebheeso 6:17 - Eriiraghano Eriihë

¹⁷ Obhotoori, bhubhe kinya eriihima re kyoma mo‑mitu gheenyu, na angʼana e Ryobha, ibhe kinya ekinyamiino kino mokuhaabhu na Akörö Ahörëëru.

Abhaebheeso 6:17 Referans Kwoze

Abheebhuraaniya 4:12

Angʼana e Ryobha n‑ihöru wiiki neenyi na changuru ghokera ekinyamiino ekyeghi. Angʼana iyo, nehaangʼuuta omooto ehikera mo‑maghuha, nehaataani ebhyemo na amaghuta ghano ghaanyi‑mu. Wiiki nehaangohi kumënya amiihëëbhö gha mo‑motema o mooto, na kino akwënda.

Obhohunyurëru 19:15

Ekinyamiino ekyeghi nkehaaru mo‑monu waache kubha, ahiche abhaato bha matöngö. Naghoghakangata no obhotoro bhokoro. Iwe niwe ahaatacha chasabhiibhu mo‑gheghiro ghe ghochemitera, kino ghekwërëki obhororo bho Ryobha re Bhotoro Bhoose.

1 Abhatesaronike 5:8

Amare itu, gho kubha ntoonyi abhaato bha mwishe, tubhe ne ekirëngërë. Tubhe no obhokumi no obhosiighi, bhiyo mbeekubha kinya angubha mo‑ghekubha. Wiiki toriitëngʼërë Eryobha ghototoori, niho tookubha kinya tobheekiri eriihima re kyoma a‑mutu.

Obhohunyurëru 2:16

Mbe, motuukuune! Moraanga ghotuukuuna, nekuucha kwo bhwango kubha niröönë na abhaato bhayo gho kinyamiino kino gheekoru mo‑monu waane.

Obhohunyurëru 12:11

Ibheere abhakumi bhaghëndi bhiito mbamohichiri kwo masaahë gha Moona o Ngʼöndu, na kwo ngʼana e bhwibhateri bhoobho, mbamohichiri. Bhatatereeriri eriimanya reebho, mbaare bhiisëëmiri ghoku gho ghiri e komokumi Omoona o Ngʼöndu.

Obhohunyurëru 1:16

Naare na chanchöta mohungate mo‑kubhökö gho kwiro. Ekinyamiino ekyeghi, nkeere keraru mo‑monu waache. Obhosho bhooche mboore bhorarëngaari kinya omu omororo.

Mataayo 4:4

Yesu akarigharokeri akabhugha, “Mööhi, yandëkuru mo‑Mandëkö Amatööbhiyu kubha, ‘Omughaate oweene tooghughëri omooto abhe no obhuhöru, amare nakumanya kwo ngʼana ino ekoru mo‑monu o Ryobha.’”

Mataayo 4:7

Yesu akamugharokeri akabhugha, “Mööhi, wiiki yandëkuru kubha, ‘Otamusaki Omutëmi Waryobha waacho.’”

Abhaebheeso 5:26

꞉Naaköriri hangʼu, kubha amuse eriikanisa, gho koryeghi kwo manche gha bhubhatiiso, na kwo ngʼana e Ryobha.

Abheebhuraaniya 6:5

Wiiki abhaato bhano mbeeche kubha ghaare Eryobha rebhughiri m‑machömu na kumënya changuru che bhotoro bho Ryobha mo‑se ino ekuucha.