Abhaebheeso 5:3 - Eriiraghano Eriihë

³ Ibheere inyu motaköra obhutaari, koru obhoghonchu bhobhoose bhuure hamu obhwighombi bho bheghiro, gho kubha amangʼana ghanga ghayo ghataakwëndëru mo‑bhaato abhatööbhiyu.

Abhaebheeso 5:3 Referans Kwoze

Abhakorosaayi 3:5

Mbe, mute kurë amangʼana gha mo‑se ino ghano ghaanyi moose yaanyu, kinya obhutaari, no obhoghonchu, no omuraka, na amiihëëbhö amabhe, no oghwighomba ebheghiro. Obhwighombi bhonga hangʼu, n‑kinya ghusëngëra asanaamu taanyi Eryobha.

Abhaebheeso 5:5

Mumënyë kubha obhwighombi bho bheghiro m‑bhonga ghusëngëra emisambu taanyi Eryobha. Mumanye kwo bhuhëënë kubha bhano bhaghwighomba ebheghiro, na abhataari na abhaghonchu, bhataaghusöha koru bhataaghughabha ghyokyose mo‑bhutëmi bho Kirisito na bho Ryobha.

1 Abhatesaronike 4:3

Eryobha ndekwënda mubhe abhatööbhiyu, motighe ghuköra obhutaari.

1 Abhakorinto 6:18

Gho ghayo, mwisache obhutaari. Amasari aghande ghoose ghano omooto aghuköra ngaanyi anche e mobhere waache, amare omooto uno aghuköra obhutaari, uyo naghuköra amasari ighoro e mobhere waache omwene.

1 Abhatesaronike 4:7

Eryobha retatobherekiire ghuköra obhutaari, amare ndetobherekiire kubha twikare mo‑bhutööbhiyu.

1 Abhakorinto 6:13

Abhande ghate yaanyu mbakobhugha kubha, “Hano tookubha na anchëra ntokwëndëru kuraaghëra, gho kubha emebhere ghiito ngekwënda ebhiinyakurë.” Hangʼu keenyi, amare eriibhagha ndekuucha rino Eryobha reghugharura emebhere ghiito ghibhe ghetaakwënda ebhiinyakurë. Motabhugha kubha nturëngʼaaniire ghuköra obhutaari, kinya bhuno tokwëndëru kuraaghëra eriibhagha toonyi na anchëra. Nekobhugha hangʼu, gho kubha Eryobha retatëëmiri emebhere ghiito gho ghiri e bhutaari, amare ꞉ndeeghitëëmiri gho ghiri e komuhökëri Omutëmi, nawe Omutëmi naghoghetugha bhoheene emebhere ghiito.

Abhaebheeso 5:12

Amangʼana ghano ghaghuköru na abhaato abhabhe gho kebhisere, n‑gha chaasoni koru ghoghaghamba.

Mataayo 15:19

Mo‑körö e mooto, nimu muyo ghakorwera amiihëëbhö amabhe, no obhwiti, no obhutaari, no obhwibhi, no obhwibhateri bho bhuröngö na amatoki.

Obhohunyurëru 2:21

Eni nemoheere eriibhagha atuukuune amasari ghaache, amare taakwënda ghotigha obhutaari bhooche.

1 Abhakorinto 10:8

Wiiki totaköra obhutaari, kinya bhuno abhande ghate yaabho ꞉bhaaköriri, mbagha bhaghasireekerera kwo rosiko rumu abhaato ebheku miröngö ebhere na bhitato (23,000).

Obhohunyurëru 22:15

Amare abhaturutumbi bhoose, na abhataari, na abhiiti, na bhano bhaghusëngëra emisambu na abhande bhoose bhano bhasiighiri ghosiikëra obhuröngö, mbaakubha anche e moghya uyo kinya chaseese.

Obhohunyurëru 21:8

Amare abhatiini, na bhano bhataakorekumi Eryobha, na bhano bhakorikarari Eryobha, na abhiiti, na abhataari, na abhaturutumbi, na abhasëngëri bha misambu, na abharöngö, bhayo bhoose ahaghiro haabho n‑anyancha e mororo muhaari chwee. Na ruyo niro oroko ro kabhere.”

Obhohunyurëru 2:14

Amare moonyi na amangʼana marëngʼaaneru ghano ghakunyaaki ighoro yaanyu. Ghate yaanyu, abhande mbaghutambana ameeghi gha Bharaamu. Bharaamu uyo ꞉neeghiri Bharaki ghutëgha Abhiisiraeri kubha bhakörë amasari gha kurë ebhiinyakurë bhino ꞉bhiihëriinu amaruusi gho sanaamu, na ghuköra obhutaari.

1 Abhakorinto 5:1

Mahëënë amangʼana ngasanchiri kubha, mboonyi‑ho obhutaari ghate yaanyu, obhutaari bho mooto ghutaara no omukari wi ishe! Obhutaari bhonga bhuyo, bhotaamara korighibhu koru mo‑bhaato bhano bhataryeche Eryobha.

Obhohunyurëru 9:21

Bhatatuukuuniire ghwitana koobho, no obhoturutumbi bhoobho, no obhutaari bhoobho no obhwibhi bhoobho.

2 Bheetero 2:3

Kwo miigha ghaabho amabhe gha kubhöna obhwëra koru ghokoonyu, mbaakubha bharabhabhoorera amaghano gha bhuröngö. Amare korwera kare, Eryobha ndiisëëmiri kobhatenera ekiina na retaamara ryebhu kobhasireekereri!

Abheebhuraaniya 12:16

Mubhe miisho kubha ataacha kubha‑ho omooto wowoose ghate yaanyu omutaari hamu uno ataakoresooka Eryobha kinya Esaawu. Iwe aghaghori omweya waache o bhutange gho ghiri e kiinyakurë ke riibhagha rimu hangʼu.

2 Abhakorinto 12:21

Neghotiina kubha eriibhagha nekuucha bhowaanyu wiiki, Eryobha reene ndeghuköra nerighi chaasoni ambërë yaanyu. Neekubha na amacheeche korighi abhaato bhaaru ghate yaanyu bhano ꞉bhaaköriri amasari ekeenyuma, bhakeere ghotuukuuna. Bhakeere bhaanyi na atëëmö imbe e bhutaari, no obhoghonchu na amangʼana aghande gha chaasoni ghano ꞉bhaare nagho.

Tiito 2:3

Bhuure bhuure abhaghiikoro abhakungu, obhabhoorere kubha bhabhe no orughëndö runo rokoreghongi Eryobha. Bhatabha abhitaamereri bha bhaato, na bhanyo bha maro, amare mbakwëndëru kweghi amangʼana amachömu.

2 Timotewo 3:2

Eriibhagha riyo, abhaato mbaakubha bharisiigha abheene, na mbaakubha abhasiighi bha chambiiri, na mbaakubha bhariirighi, na mbaakubha ne emitu miköngʼu, na mbaakubha abhaato bha matoki, na bhataakobhasooka abhiibhori bhaabho, na bhataanyi no oghwitabheri, na bhataanyi no omukörö mwero.

Amaköri gha Bhatomu 15:20

Ntokwëndëru tobhaandëkërë anyaarubha e kobhabhoorera kubha, bhatarë ebhiinyakurë bhino bhiköruru kubha bheghonchu gho kuhëërana chasanaamu, bhataköra obhutaari, na bhatarë chaanyama che chatyenyi chino chinyëëturu, wiiki bhatarë amasaahë.

2 Bheetero 2:14

Amiisho ghaabho ngiichwire obhutaari no obhwighombi bhoobho bho ghuköra amasari bhotaanyi na antenero. Mbaghotebhitebhi abhaato bhano bhataamara bhaköngʼëri mo‑bhokumi kwo mangʼana bhaghöötë amaköri ghaabho amabhe. Emetema gheebho nginariri ghwighomba obhwame. Abhaato bhayo mbiihiimuru!

2 Bheetero 2:10

ahanene mo‑bhano bhaghutambana amiigha amabhe gha mobhere na ghutaraaha obhotoro bho Ryobha. Abhaato bhayo mbaanyi na atëëmö e rihakaana no obhwihachi, koru bhataaghotiina ghotoka bhamarayika.

1 Bheetero 5:2

morechonge erikinda re Ryobha rino muhaabhuru. Wiiki morechonge kinya bhuno Eryobha rekwënda, taanyi gho kuhaamereru, amare gho kwënda koonyu inyu bheene. Motaköra emeremo gheenyu gho ghwighomba chambiiri, amare mubhe no omukörö o ghwiköngʼi.

Tiito 1:11

gho kubha mbakorumeeri abhaato mo‑chanyumba chaaru. Mbakweghi amangʼana ghano ghatanchekiine, mbaghutabhara kwibhönëra chambiiri gho nchëra ambe.

Tiito 1:7

Ibheere asikoofu, nakwëndëru abhe omooto uno ataanyi ni isörö, gho kubha nahaabhuru emeremo ghe Ryobha. Atabha omooto uno anyi no omutu muköngʼu, na atabha mwango o ghukarara, na atabha omurëëbhi, na atabha omurööni, wiiki atiighomba kwibhönëra chambiiri gho nchëra ambe.

1 Timotewo 3:3

Atabha omurëëbhi, atabha omurööni, abhe muhörëëru uno asiighiri omurëmbë. Wiiki atabha omosiighi o chambiiri.

1 Timotewo 2:10

Amare ghwichöcha koobho, kubhe kwo maköri amachömu, kinya bhuno ekwëndëru mo‑bhakari bhano bhiisheriiri korisëngëra Eryobha.

Abhabhiribhi 1:27

Angʼana e hëënë n‑kubha, atëëmö yaanyu irëngʼaane na Angʼana Anchömu e Kirisito. Hano nekuucha kobharighi hamu nenganga kuucha, nibhe nerooghu kubha mokwëndërëra kwimeerera muköngʼiiri na kubha no obhumu, wiiki haghirohamu moonyi gho kunyaakera obhuhëënë bho Angʼana Anchömu bhuno toghokumi.

Abharuumi 16:2

Neghusabha momughënëhi bhoheene, gho kubha woose n‑omokumi o Mutëmi Yesu. Momughënëhi kinya bhuno ekwëndëru ghate e bhakumi bha Yesu Kirisito. Wiiki, neghusabha kubha, momusakeri ghyokyose kino akwënda, gho kubha iwe woose ꞉naabhasakiiri abhaato bhaaru, koru eni woose.

Abharuumi 6:13

Motiishereri ebhyemo bhyobhyose bhe mebhere gheenyu bhihökëru gho ghiri e masari kinya ebheghiro ebhebhe, amare mwiruusi kwo Waryobha. Mwirighi kubha moonyi abhaato bhano bharyokiibhu koru mo‑bhaku, na ghusöhibhu mo‑bhuhöru obhuhë. Mwiruusi kwo Waryobha, ne ebhyemo bhyose bhe emebhere gheenyu bhibhe bherarikörëra emeremo kinya ebheghiro ebhihëënë.

Abharuumi 1:29

Mbiichwire amasari gha manga maaru, mbaghuköra amabhe haghare haghare, wiiki m‑bhiighombi bha bheghiro, na mbaanyi ne eriihari. Mbasiighiri eriihë, obhwiti no obhokobhooshani. Mbaghosiikëra obhuröngö na mbaanyi no omukörö mobhe. M‑bhari bha bhaato,

Amaköri gha Bhatomu 20:33

“Eni ntiighombiri chambiiri che mooto wowoose, koru sahaabhu cheeche, koru amaghööti ghaache.

Ruuka 16:14

Amabharisaayo, hano bhooghwire amangʼana ghayo gha Yesu, bhaghasëëma komusëka gho ghitaraaho, gho kubha mbaare bhasiighiri chwee chambiiri.

1 Timotewo 6:10

gho kubha ghosiigha chambiiri niko simoka e bhobhe bhoose. Abhande ꞉mbaasiighiri obhwame bhoghaghëri bhangʼiinu, na mbatighiri obhokumi. Ibheere bhayo mbaanyi no obhororo bhwaru kinya omooto uno ingʼuutiri ne eghighësö.

Ruuka 12:15

Akamara Yesu akabhabhoorera abhaato bhayo akabhugha, “Mwimööhërëri! Mwichonge na atëëmö e bhwighomberi bho bheghiro, gho kubha, obhuhöru bho mooto, bhotaakorwera mo‑bhwaru bho bheghiro bheeche bhino anyi nabhyo.”