Abhaebheeso 5:25 - Eriiraghano Eriihë

²⁵ Na niinyu abhasubhe, mubhe morabhasiigha abhakari bhaanyu, kinya Kirisito ꞉aresiighiri eriikanisa, akiiruusi omwene gho ghiri e riikanisa.

Abhaebheeso 5:25 Referans Kwoze

1 Bheetero 3:7

Inyu abhasubhe, mwikare na abhakari bhaanyu kwo bhongo, moramënya kubha bhataanyi ni inguru kinya inyu. Mobhatughe gho kobhasooka, gho kubha ibho bhoose mbaghughabha aghareeya e bhuhöru. Gho ghayo abhasubhe, mukörë hangʼu, kubha amasabhi ghaanyu ghatahööchërëru.

Abhakorosaayi 3:19

Inyu abhasubhe, mubhe morabhasiigha abhakari bhaanyu, motabha bhahaari ghokoobho.

Abhaebheeso 5:28

Hangʼu hangʼu, abhasubhe mbakwëndëru bhabhasiighe abhakari bhaabho kinya emebhere gheebho abheene. Omosubhe uno asiighiri omukari waache, nisiighiri omwene.

Abhaebheeso 5:33

Amare na niinyu bhoose ˆnekabhabhoorera kubha, omooto woose amosiighe omukari waache kinya bhuno isiighiri omwene. No omokari woose, atatigha komosooka omosubhe waache.

Abhaebheeso 5:2

Mumanye eriimanya re bhosiighi, kinya bhuure Kirisito ꞉atosiighiri itu, akiiruusi aghaku gho ghiri yiito, akabha kinya eriruusi re keneeso ghichömu kino ghekoretegheri Eryobha.

Abhagharatiya 1:4

Kirisito ꞉naaruusiri eriimanya reeche, gho ghiri e masari ghiito, kubha atotoori koru mo‑mabhe ghoose gha se ino yi ibheere. ꞉Naaköriri hangʼu kurëngʼaana na amënda gha Waryobha Taata wiito.

Obhohunyurëru 1:5

na koru kwo Yesu Kirisito, ghibhe haghirohamu na niinyu. Uyo niwe omwibhateri omuhëënë. Niwe o mumbërë koryoka koru mo‑bhaku, kubha abhe omukangati o bhatëmi bhoose mo‑se. Yesu niwe atosiighiri aghatusaasura koru mo‑masari ghiito gho nchëra e masaahë ghaache.

Abhagharatiya 2:20

Eriimanya reene riire re kare ndekuure haghirohamu na Kirisito mo‑musarabha. Ibheere muhöru neenyi, amare taanyi eni, gho kubha Kirisito niwe anyi omuhöru moose yaane. Obhuhöru bhuno neenyi nabho eriibhagha rino, nebhughöötë gho ghiri e ghokumi Omoona o Ryobha. Iwe nansiighiri na akaruusi obhuhöru bhooche ghokoone kubha antoori.

Obhohunyurëru 5:9

Bhakamwembera Omoona o Ngʼöndu omwembo omuhë uno ore orabhugha, “Iye nokurëngʼaanera kwimoki eghitabhu kiyo, na kunaanura emehuuri gheeche ghe nyaghame, gho kubha iye ꞉noosinchuru. Amasaahë ghaacho, ghakareghorera Eryobha abhaato bha matöngö ghoose, na bha bhighambo bhyose, na abhahiiri bhoose na chaase choose.

Mataayo 20:28

Gho nchëra iyo iyo, eni uno neenyi Omoona o Mooto ntiichiri kuhökëru, amare niichiri nebhahökëri abhaato na koruusi obhuhöru bhoone kubha nebhatingori abhaato bhaaru.”

Amaköri gha Bhatomu 20:28

Akörö Ahörëëru nebhatooriri mubhe abhiimeerereri bha bhaato bhaache. Gho ghayo, mubhe moriichonga inyu bheene, mubhe morachonga ne eriikanisa reeche, gho kubha eriikanisa riyo, Eryobha ndereghoriri kwo masaahë gha Moona waache kobhatoori.

Yohana 6:51

Eni n‑ekiinyakurë kino gheghwika koru Mwishaaro, kino ghekobhaha abhaato obhuhöru. Omooto wowoose uno akurë ekiinyakurë kiyo, naakubha no obhuhöru bho miishe ghyose. Ekiinyakurë kiyo n‑omobhere waane uno nekoworuusi gho ghiri e bhaato bhoose, kubha bhabhe no obhuhöru bho miishe ghyose.”

1 Timotewo 2:6

Iwe ꞉naaruusiri eriimanya reeche omwene, kubha abhatingori abhaato bhoose. Bhuno nibho obhwibhateri bhuno Kirisito atoheere kwo riibhagha rino Eryobha retooriri.

Abhaebheeso 5:24

Mbe, kinya bhuure eriikanisa reghosooka Kirisito, hangʼu hangʼu abhakari bhoose mbakwëndëru bhabhasooke abhasubhe bhaabho kwo mangʼana ghoose.