Abhaebheeso 5:21 - Eriiraghano Eriihë

²¹ Mubhe morasookana inyu bheene kwo bheene, gho kubha mokomosooka Kirisito.

Abhaebheeso 5:21 Referans Kwoze

Abhabhiribhi 2:3

Motaköra angʼana yoyoose gho körö e kuhakaana koru gho kwihacha. Amare mubhe no obhunyööhu na kobhabhara abhande kubha ngʼoni ghokera inyu bheene.

Abhaebheeso 5:24

Mbe, kinya bhuure eriikanisa reghosooka Kirisito, hangʼu hangʼu abhakari bhoose mbakwëndëru bhabhasooke abhasubhe bhaabho kwo mangʼana ghoose.

Abhaebheeso 5:22

Inyu abhakari, mubhe morabhasooka abhasubhe bhaanyu, kinya bhuure mokomosooka Omutëmi Yesu.

1 Bheetero 5:5

Bhuure bhuure na niinyu abhabhureni, mokwëndëru mobhasooke abhagharuka bha riikanisa. Na niinyu bhoose mubhe abhaato abhanyööhu na mubhe moratoorani. Mukörë hangʼu, gho kubha Amandëkö Amatööbhiyu ngakobhugha, “Bhano bhakwihacha, Eryobha ndehaabhaanga, amare abhanyööhu, ndehaabhaha aghareeya.”

Abheebhuraaniya 13:17

Mobhasooke abhakangati bhaanyu na ghughööta amaraghereri ghaabho, gho kubha nibho bhakobhanyaakera inyu ino bhataaghutamu, na mbakwëndëru ghutöngööchi emeremo gheebho ambërë e Ryobha. Gho ghayo mobhasooke, kubha bhakörë emeremo gheebho gho ghuchömëru, gho kubha aribha moraanga kobhasooka, mbaakubha bharaköra emeremo gheebho kwo macheeche, ne emeremo ghiyo ghetaakubha gherabhatoori inyu ghyokyose.

1 Bheetero 2:17

Mobhasooke abhaato bhoose, na mobhasiighe abhakumi abhaghëndi bhaanyu. Morisëngërë Eryobha, na momosooke Kayisaari, omutëmi waanyu.

1 Timotewo 3:4

Abhe omooto uno akwimeererera bhoheene aka yaache, omooto uno eche kweghi abhaana atëëmö e komosooka.

Abhagharatiya 5:13

Abhahiiri bhaane, Eryobha ndebhabherekiire kubha mubhe no obhohuuru. Amare motahökëri obhohuuru bhoonyu kinya omweya o ghutambana amiigha ghaanyu amabhe, amare musakerani kwo bhosiighi.

1 Timotewo 2:11

Abhakari, hano bhaakubha bhareegha, bhabhe abhatëghëërëri na abhasooku.

1 Abhakorinto 16:16

mubhe morabhasooka abhaato kinya bhayo, na abhande bhoose bhano bhaghuköra emeremo ghiyo haghirohamu nabho gho ghwiköngʼi.

1 Bheetero 2:13

Mubhe morasooka abhaato bhoose bhano bhaanyi no obhotoro, gho ghiri e komosooka Omutëmi. Momosooke omutëmi waanyu, gho kubha iwe niwe omukangati omokoro mo‑se yaanyu.

2 Abhakorinto 7:1

Ibheere, abhasiighani bhaane, Eryobha ndeturaghiri amangʼana ghayo ghoose, gho ghayo twiyeri mo‑ghoose ghano ghaghotuköra kubha abhaghonchu mo‑mebhere na mo‑metema ghiito. Tubhe abhatööbhiyu kwo mangʼana ghoose gho nchëra e koresooka Eryobha.

2 Abhakorinto 5:11

Ibheere, ntweche kubha nekwëndëru komosooka Omutëmi. Gho ghayo, ntoghwiköngʼi kobharuta abhaato kubha bhabhe bharamokumi. Eryobha ndetweche bhoheene kebhuno toonyi, na neeni neghwitëngʼëra kubha na niinyu motweche bhoheene mo‑metema gheenyu.