Abhaebheeso 5:19 - Eriiraghano Eriihë

¹⁹ Gho ghayo, mubhe moreemberana gho Sabhuri, na kwo myembo na gho chatensi che mo‑motema. Mubhe moramwembera na komuchaghanera Omutëmi Yesu, kwo metema gheenyu ghyose.

Abhaebheeso 5:19 Referans Kwoze

Abhakorosaayi 3:16

Angʼana e Kirisito yiikare kwo bhwaru moose yaanyu. Mwegherani, na ghutöngërana mo‑mangʼiini ghoose. Moryembere Eryobha gho Sabhuri, na kwo myembo, na gho chatensi che mo‑metema. Hano mookubha moraryembera, mubhe morariitabheri mo‑metema gheenyu.

1 Abhakorinto 14:26

Ibheere abhahiiri bhaane, tobhughe bhu? Hano mookubha mwikomiine ghusabha, umu nakwemba omwembo, no owonde nakweghi, no owonde naghosiikëra ghano Eryobha remohunyuriire, no owonde naghosiikëra eghighambo ekihë, no owonde naghugharura eghighambo. Amangʼana ghayo ghoose ghaköru gho ghuköngʼi abhakumi.

Amaköri gha Bhatomu 16:25

Hano ehikiri obhotiko bho ghate, Bhawuro na Siira bhaakabha bhararisabha Eryobha na koryembera emyembo ghe koreghongi. Abhabhöhu bhaghëndi bhaabho, mbaare bharatëghëërëra.

Yakobho 5:13

Moonyi no omooto uno akunyaaka ghate yaanyu? Nakwëndëru asabhe Eryobha. Hamu naanyi‑ho wowoose uno achömiiru? Nakwëndëru embe emyembo ghe ghoghoghi.

Mataayo 26:30

Bhakamara bhakeemba emyembo ghe koreghongi Eryobha. Hano bhamariri kwemba, bhaghatanura hayo, bhaaghaye mo‑gheghoro ke Miseyituuni.

Mataayo 15:8

‘Abhaato bhano mbaghonsooka kwo mangʼana agheene hangʼu, amare emetema gheebho n‑kurë gheenyi na neeni.

1 Abhakorinto 14:15

Ibheere nekwëndëru ghuköra ke? Neghusabha mo‑körö gho ghighambo ekende, wiiki neghusabha kwo bhongo, nekwemba mo‑körö gho ghighambo ekende, wiiki nekwemba kwo bhongo.

Obhohunyurëru 5:9

Bhakamwembera Omoona o Ngʼöndu omwembo omuhë uno ore orabhugha, “Iye nokurëngʼaanera kwimoki eghitabhu kiyo, na kunaanura emehuuri gheeche ghe nyaghame, gho kubha iye ꞉noosinchuru. Amasaahë ghaacho, ghakareghorera Eryobha abhaato bha matöngö ghoose, na bha bhighambo bhyose, na abhahiiri bhoose na chaase choose.