Abhaebheeso 5:15 - Eriiraghano Eriihë

¹⁵ Gho ghayo, mubhe bhangʼiini mo‑riimanya reenyu. Motamanya kinya abhaghëëghë, amare mumanye kinya abhaato abhangʼiini.

Abhaebheeso 5:15 Referans Kwoze

Abhakorosaayi 4:5

Mubhe na amangʼiini mo‑bhoghwani bhoonyu na abhaato bhano bhataamara bhamokumi Yesu, wiiki muhökëri eriibhagha reenyu bhoheene.

Yakobho 3:13

N‑niwe ghate yaanyu, uno anyi na amangʼiini no obhumënyi? Mbe, nëërëki obhumënyi bhooche na amangʼiini ghaache gho ghuköra amaköri amachömu, kwo bhunyööhu bhuno bhookoru mo‑mangʼiini.

Abhabhiribhi 1:27

Angʼana e hëënë n‑kubha, atëëmö yaanyu irëngʼaane na Angʼana Anchömu e Kirisito. Hano nekuucha kobharighi hamu nenganga kuucha, nibhe nerooghu kubha mokwëndërëra kwimeerera muköngʼiiri na kubha no obhumu, wiiki haghirohamu moonyi gho kunyaakera obhuhëënë bho Angʼana Anchömu bhuno toghokumi.

1 Abhakorinto 14:20

Abhahiiri bhaane, motiihëëbha kinya abhaana, amare mubhe moriihëëbha kinya abhantomonkoro. Amare ighoro e mabhe, mubhe kinya ebhengʼwerere.

1 Timotewo 6:9

Amare bhano bhaanyi na amiigha gha bhwame, mbaghoghwera mo‑masaki, na ghughöötu mo‑mihëtö, na mo‑miigha maaru gha ghighëëghë. Amiigha ghayo ngakobhasari mbagha bhasireekerere,

1 Bheetero 1:22

Inyu mumanyiri kurëngʼaana na ameeghi gha hëënë ighoro e Yesu. Gho ghayo, emetema gheenyu ngyeghuru ni ibheere moghotora ghosiigha abhaghëndi bhaanyu kwo bhuhëënë. Mbe, mosiighane kwo mukörö mwero,

Mataayo 10:16

“Ibheere mutëghëërëra, ˆnekabhatoma kinya changʼöndu ghateghate e chasuuche. Mbe, mubhe na amangʼiini ghe nchöka, wiiki mubhe bhahörëëru ghe sarari.

1 Abhatesaronike 5:15

Mumööhi, omooto wowoose atamoreha omughëndi waache amabhe kwo mabhe. Amare eriibhagha ryose mubhe morakörërana amachömu inyu bheene na kobhakörëra abhande bhoose.

Ruuka 24:25

Yesu akabhabhoorera akabhugha, “Aa! Inyu m‑bhaghëëghë moonyi! Neke moonyi bhaköngʼu mo‑chaakörö cheenyu ghokumi koru ghano ꞉ghaasiikiiru na abharööti?

Abhagharatiya 3:3

Kana, ngwake ˆmookabha abharaghaanu hangʼu? ꞉Muusëëmiri ghoose gho changuru che Körö Ahörëëru, kana, ibheere mokwënda kumareereri gho changuru cheenyu inyu bheene?

Abheebhuraaniya 12:25

Mbe, mukabhaahe motaacha kwanga komutëghëërëra uno aghosiikëra na niinyu. Aribha Abhiisiraeri bhataatooriibhu hano bhaangiri komutëghëërëra wuure are arabhatöngëra hano mo‑se, itu ntoghotora bhu ghotooribhu aribha toraanga komutëghëërëra uno aghotutöngëra koru Mwishaaro?

Mataayo 27:24

Hano Bhiraato amënyiri kubha taaghotora ghugharura amiihëëbhö gha bhaato bhayo na kubha bhaghasëëma anyööri, akiimoki amanche na ghwishaabha amabhökö ghaache ambërë yaabho kwërëki kubha taanyi ne eriisari ryoryose. Niho akabhabhoorera akabhugha, “Nteenyi ne eriisari ryoryose kwo mooto uno anyi o bhuhëënë. Ghano mokwënda ghuköra, n‑ighoro yaanyu inyu bheene!”

Obhohunyurëru 19:10

Niho neghagho kebhuuma ambërë e marayika uyo, kubha nemusëngërë. Amare akamboorera akabhugha, “Tigha! Eni woose n‑omutamishi mughëndi waacho neenyi. Nturëngʼiine na abhahiiri bhaacho abharööti, na abhande bhoose bhano bhakoruusi obhwibhateri ighoro e Yesu. Mbe, usëngërë Eryobha eryene chiri! Gho kubha, obhuhëënë bhuno Yesu ërëkiri, nibho bhoghughëri abhaato bhararuusi obhurööti.”

Mataayo 8:4

Akamara Yesu akamobhoorera akabhugha, “Mööhi, otabhoorera omooto wowoose angʼana ino! Amare, nooghi wiyërëkani mo‑muchaama na koruusi amaruusi kinya emeghiro ghe Musa ghekwërëkërëri, kwërëki kubha nuhöriri.”

Abhaebheeso 5:33

Amare na niinyu bhoose ˆnekabhabhoorera kubha, omooto woose amosiighe omukari waache kinya bhuno isiighiri omwene. No omokari woose, atatigha komosooka omosubhe waache.

Abhakorosaayi 1:9

Gho ghiri iyo ntokobhasabhera chaasiko choose korwera riibhagha rino tooghwire amangʼana ghaanyu. Ntoghusabha kubha Eryobha rebhahë obhumënyi bhoose gho ghaare iryo rekwënda, na amangʼiini ghoose no obhumënyi koru mo‑Körö Ahörëëru.

Abhagharatiya 3:1

Inyu Abhagharatiya abharaghaanu! N‑niwe abharoghiri? Yesu Kirisito ꞉naaghamburu haheero ambërë yaanyu kubha namamburu.

Mataayo 27:4

Akabhabhoorera akabhugha, “Niköriri amasari komuhaana mo‑mabhökö ghaanyu omooto uno ataanyi ne eriisari ryoryose kubha itu.” Amare ibho bhakabhugha, “Ghayo ghataaghotusakeri itu, n‑gha ghaacho iye mwene.”

Mataayo 25:2

Bhataano mo‑bhayo ikomi, mbaare na amangʼiini na abhande bhataano mbaare abhaghëëghë.

Abhaebheeso 5:2

Mumanye eriimanya re bhosiighi, kinya bhuure Kirisito ꞉atosiighiri itu, akiiruusi aghaku gho ghiri yiito, akabha kinya eriruusi re keneeso ghichömu kino ghekoretegheri Eryobha.