Abhaebheeso 4:9 - Eriiraghano Eriihë

⁹ Mbe, Amandëkö hano ghakobhugha kubha, “Hano atiiriri ighoro,” egheteemoro keeche n‑neke? Egheteemoro keeche n‑kubha, ꞉naashamiri singa aghiika mbagha hano mo‑se.

Abhaebheeso 4:9 Referans Kwoze

Yohana 3:13

Taanyi‑ho omooto wowoose uno ꞉atoriri ghuye Mwishaaro, nanyinga eni, uno neenyi Omoona o Mooto, niwe ꞉niichiri koru Mwishaaro.

Mataayo 12:40

Kinya bhuure Yoona ꞉ikeere chaasiko ishato mo‑nda e su ankoro obhotiko no omwishe, hangʼu hangʼu na neeni uno neenyi Omoona o Mooto neghwikara chaasiko ishato mo‑mbeehera obhotiko no omwishe.

Yohana 6:33

Ekiinyakurë ke Ryobha n‑uno ikiri koru Mwishaaro, kubha abhahë abhaato bhoose bha mo‑se obhuhöru.”

Abheebhuraaniya 2:9

Amare ntokomorighi Yesu uno kwo riibhagha ighuhe hangʼu, Eryobha ꞉ndeemuköriri abhe mosuuhu ghokera bhamarayika. Uyo niwe uno Eryobha remoheere obhokumi obhokoro na asooko inkoro gho ghiri e kunyaakibhu na ghoku kooche. Eryobha ꞉ndeemuköriri hangʼu, kubha gho nchëra e ghareeya yaache, Yesu aku gho ghiri e bhaato bhoose.

Yohana 20:17

Yesu akamobhoorera akabhugha, “Otangööta. Nekeere ntiimara neghi Mwishaaro o‑Taata. Mbe, nooghi obhabhoorere abhahiiri bhaane, kubha ˆneeghaye Mwishaaro o‑Taata waane, nawe n‑Taata waanyu, kwo Ryobha reene naryo n‑Eryobha reenyu.”

Abheebhuraaniya 2:7

꞉Noomoheere omooto changuru insuuhu ghokera bhamarayika kwo riibhagha ighuhe. Amare ibheere nomoheere uyo obhokumi obhokoro na asooko,

Yohana 8:14

Yesu akabhagharokeri akabhugha, “Koru nangabha neghwighambera eni mwene ghano neghosiikëra n‑gha mahëënë, gho kubha nyeeche hano neruure, wiiki nyeeche hano neeghuye. Amare inyu moteeche hano neruure na hano neeghuye.

Yohana 6:62

Mbe, nibhu ekubha erabha mokondighi eni Omoona o Mooto, ndatiira ghuye Mwishaaro hano neere ekimbërë?

Yohana 6:58

Mbe, eni n‑ekiinyakurë kino ghiikiri koru Mwishaaro, ghetanga kino bhasookoro bhaanyu ꞉bhaariire bhaaghaku. Amare omooto wowoose uno akurë ekiinyakurë kino, naakubha no obhuhöru bho miishe ghyose.”

Yohana 6:51

Eni n‑ekiinyakurë kino gheghwika koru Mwishaaro, kino ghekobhaha abhaato obhuhöru. Omooto wowoose uno akurë ekiinyakurë kiyo, naakubha no obhuhöru bho miishe ghyose. Ekiinyakurë kiyo n‑omobhere waane uno nekoworuusi gho ghiri e bhaato bhoose, kubha bhabhe no obhuhöru bho miishe ghyose.”

Yohana 6:41

Mbe, Abhayahuuti bhaghasëëma kwingʼunyerangʼunyera gho kubha Yesu ꞉niighambiri kubha, “Eni n‑ekiinyakurë kino ghiikiri koru Mwishaaro.”

Yohana 6:38

Eni niichiri koru Mwishaaro kubha nibhe neraköra amiigha gha Taata uno antomiri. Ntiichiri ghuköra amiigha ghaane.