Abhaebheeso 4:30 - Eriiraghano Eriihë

³⁰ Motiitumati Akörö Ahörëëru e Ryobha, gho kubha Akörö iyo n‑ekingʼöchö ke Ryobha ghokoonyu kubha inyu n‑abhaato bhaache moonyi, mbagha orosiko runo Eryobha rekuucha kobhatingori.

Abhaebheeso 4:30 Referans Kwoze

1 Abhatesaronike 5:19

Motahööchërëra Akörö Ahörëëru.

Amaköri gha Bhatomu 7:51

Siteebhano akëëndërëra kobhugha, “Inyu m‑bha mitu miköngʼu moonyi! Emetema gheenyu na amatu ghaanyu nganga gha bhaato bhano bhataaghokumi. Chaasiko choose mokoyanga Akörö Ahörëëru, kinya bhuure bhasookoro bhaanyu ꞉bhaaköriri!

Abharuumi 8:23

Wiiki, taanyi kubha n‑ebheghiro hangʼu hangʼu bhino bhekubhabhara, amare koru na niitu bhano tuhaabhuru Akörö Ahörëëru kubha tusame amachömu aghamu ghano tokuhaabhu, koru itu ntokubhabhara mo‑metema ghiito. Ntokubhabhara, gho kubha ntoghughanya chwee eriibhagha rino Eryobha reghotohikeerani kubha abhaana bhaache. Hayo niho Eryobha reghototingori gho ghotuha emebhere emihë.

Abharuumi 8:11

Akörö Ahörëëru ino eghwikara moose yaanyu, niyo Akörö e Ryobha ino emoryokiri Kirisito Yesu koru mo‑bhaku. Gho ghayo, Eryobha ndeghoghiha obhuhöru emebhere gheenyu ghino ghehaaku, gho changuru che Körö Ahörëëru ino eghwikara moose yaanyu.

Maariko 3:5

Yesu akabhoomeri amiisho bhoose gho ghukarara, akabha na amacheeche mo‑körö yaache ighoro e bhuköngʼu bho metema gheebho. Niho Yesu akamobhoorera omooto uyo akabhugha, “Ghöröröki okubhökö koocho.” Omooto uyo aghaghughöröröki, hayo hayo ghokahöra!

Abheebhuraaniya 3:10

Gho ghayo nebhakarariire abhaato bhayo, nekabhugha kubha, ‘Abhaato bhano m‑bhabhe chaasiko choose, n‑abhaato bhano bhataakwënda ghutambana chanchëra cheene.’

1 Abhakorinto 1:30

Eryobha niryo rekobhaghöötani inyu na Kirisito Yesu. Iryo ndiköriri Kirisito abhe amangʼiini ghiito. Niko kobhugha kubha gho nchëra e Yesu ntobheere bha hëënë ambërë e Ryobha, na ntobheere abhatööbhiyu, wiiki ntoghotingoribhu.

Abheebhuraaniya 3:17

Wiiki, kana n‑abhaato ke bhano Eryobha ꞉reebhakarariire kwo meeka miröngö ene? Kana, taanyi bhaare bhoose bhano ꞉bhaaköriri amasari na ghoku mwibhara?

1 Abhakorinto 15:54

Mbe, omobhere uno oghusarëka na ghoku, hano oghugharoru kubha omobhere uno otaaghusarëka na ghoku, hayo niho ekubha ehikeriine angʼana ino yandëkuru mo‑Mandëkö Amatööbhiyu kubha, “Eryobha ndekindiri oroko, ndokinduru inkongʼorimu.”

Ruuka 21:28

Mbe, amangʼana ghayo hano ghaghusëëmu ghuköru, mwimeerere muköngʼëri, mwitoore omukörö, gho kubha eriibhagha re ghotingoribhu koonyu, ˆreghatingʼi!”

Yohana 3:33

Omooto wowoose uno aghwishereri amangʼana gha Yesu, nakuhëënëhi kubha Eryobha n‑ihëënë.

Abheebhuraaniya 10:29

Ibheere mwihëëbhë! Kana, n‑anchagho e ngʼana hayi ino akubhöna omooto uno akomutaraaha Omoona o Ryobha na korighi kubha amasaahë gha riiraghano rino ꞉reemomusiri amasari ghaache kubha taanyi egheghiro ghe ghotereera, na kwo mooto uno aghotoka Akörö Ahörëëru ino enyi e ghareeya?