Abhaebheeso 4:28 - Eriiraghano Eriihë

²⁸ Uno are ariibha atagharokeri kwibha wiiki, amare akörë emeremo ghino ghiishereriiru kwo mabhökö ghaache omwene, abhönë egheghiro ghe komuhööhi uno ataghöötë.

Abhaebheeso 4:28 Referans Kwoze

1 Timotewo 6:18

Wiiki obhabhoorere bhakörë amachömu, kubha bhabhe abhaame mo‑maköri amachömu. Bhabhe bhararuusi na ghusanga obhwame bhoobho na abhande.

Abhagharatiya 6:10

Mbe, eriibhagha ryoryose torabha no omweya, tobhakörërë abhaato bhoose amachömu, amare ahanene abhakumi bhaghëndi bhiito.

Yohana 12:6

Yuuta taabhughiri hangʼu gho ghiri e kobhaghwera ebheghongi abhahabhe, amare n‑gho kubha are omwibhi. Iwe niwe are aratindeka eriighöchi re chambiiri. Naare ariibha chambiiri chino chetooruru mo‑riighöchi riyo.

Ruuka 19:8

Amare, Sakaayo akiimeerera, akamobhoorera Omutëmi akabhugha, “Oo Omutëmi, mööhi! Ibheere, eribhaara re bheghiro bheene nekobhaha abhahabhe. Wiiki aribha nemuhökiri omooto wowoose egheghiro keeche, nekomugharokeri mara kane.”

2 Abhakorinto 8:12

Aribha omooto naanyi na akörö e ghusakeri, Eryobha ndeghosongʼaana kino akoruusi, kurëngʼaana na kino anyi nakyo, taanyi kurëngʼaana na kino otaghöötë.

2 Abhakorinto 8:2

Haghirohamu na kubha abhakumi bhayo mbaare abhahabhe chwee na ꞉mbaasakiibhu mo‑nyaako e manga maaru, amare mbaare no oghuchömëru kwaru kuno ꞉ghuughëriri bhabhe abhasambaroku chwee koruusi ebheghiro bheebho.

Abharuumi 12:13

Mobhatoori abhakumi abhaghëndi bhaanyu mo‑mënda ghaabho, wiiki mubhe bhango kobhaghënëhi abhaghëni mo‑chaaka cheenyu.

Yohana 13:29

Abhamu ꞉mbiituuriri kubha Yesu namobhooriire kubha, aghore bhino bhekwëndëru mo‑nyangi, hamu abhahë abhahabhe chambiiri indengʼaaneru, gho kubha Yuuta niwe are omotindeki o riighöchi re chambiiri.

Ruuka 3:8

Mbe, mukörë amaköri ghano ghakwërëki kubha, motuukuuniri amasari ghaanyu. Wiiki motabha moriituuri kubha, mokwabhëru gho kubha, inyu m‑bha rwibhoro ro Abhurahamu moonyi. Mbe, ˆnekabhabhoorera, Eryobha ndeghotora komuha Abhurahamu abhaana, koru mo‑mabhohe ghano!

1 Abhakorinto 4:12

Ntoghuköra emeremo ghiito gho ghwiköngʼi chwee kwo mabhökö ghiito itu bheene. Hano abhaato bhaghototoka, ntokobhiitabheri. Hano bhaghotunyaaki, ntoghoghumereri.

Tiito 3:8

Angʼana iyo n‑e hëënë. Nekwënda iye oyihënërërë, kubha bhoose bhano bhakorekumi Eryobha, bhaghaghöötë na ghwiköngʼi ghuköra amachömu. Amangʼana ghayo m‑machömu, wiiki ngaanyi no obhwëra mo‑bhaato bhoose.

Tiito 3:14

Abhakumi bhaghëndi bhiito nabho, bheeghe ghuköra amachömu, kubha bhabhatoori bhano bhaanyi na amënda gha hëënë. Bharaköra hangʼu, eriimanya reebho ndeekubha no obhwëra.