Abhaebheeso 4:24 - Eriiraghano Eriihë

²⁴ Mwitoorere asughara ahë, ino ꞉itëëmuru gho tëëmö e Ryobha. Atëëmö iyo nekorighibhu gho ghuköra ghano iryo rekwënda na kubha no obhutööbhiyu.

Abhaebheeso 4:24 Referans Kwoze

2 Abhakorinto 5:17

Omooto wowoose uno akubha aghöötiine na Kirisito, naakubha omooto omuhë, gha kare ngahetiri, ibheere ngabheere amahë!

Abhaebheeso 2:10

Itu ne emeremo ghe mabhökö gha Ryobha toonyi. ꞉Ndeetobhombiri bhuhë gho ghotughöötani na Kirisito Yesu kubha tukörë amaköri amachömu, ghano ꞉reetusëëmiire tubhe toraköra.

Abharuumi 13:14

Amare ibheere, mo‑riimanya reenyu ryose, mubhe morakangatu no Omutëmi Yesu Kirisito. Motiishereri koru hasuuhu ghukangatu na simoka yaanyu e masari moratambana amiigha ghaanyu amabhe.

Abhaebheeso 6:11

Mwinate ebhiröönërö bhyose bhino Eryobha rebhaheere, kubha motore kwanga obhuröngö bhoose bho Rishambu.

Abharuumi 6:4

Hano tubhatiisuru, ntoore kinya tokuure na koryeku haghirohamu nawe, kubha kinya Kirisito aryokiri koru mo‑bhaku gho changuru inkoro che Waryobha Taata, hangʼu hangʼu, koru itu ntoghotora kumanya eriimanya eriihë.

2 Abhakorinto 3:18

Ibheere itu bhoose bhano totaaghwikundekeri mo‑bhosho ne eghitambara, ntokwërëki obhokumi obhokoro bho Mutëmi kinya ekiröri. Omutëmi uno anyi Akörö, nahaatugharura totuubhaane nawe. Naakubha aratugharura koru obhokumi obhokoro mbagha kohika obhokumi obhokoro chwee.

2 Abhakorinto 4:16

Gho ghayo, totaaghoku omukörö, nangabha emebhere ghiito gho nche ngeghusarëka, amare moose yiito Eryobha ndeghotuköra kubha abhahë chaasiko choose.

Abharuumi 13:12

Ibheere, obhotiko ˆbhokiihereekerera na amake ˆghaghatingʼi. Gho ghayo, totighe amaköri amabhe ghano ghahaaköru mo‑kengʼuuri, na tughöötë ebhiröönërö bhe bhwero.

Tiito 2:14

꞉Niiruusiri gho ghiri yiito, kubha atotoori koru mo‑mabhe ghoose. ꞉Nëëndiri ghotomusa, kubha hëënë tubhe abhaato bhaache, bhano bhiiruusiri ghuköra amachömu.

1 Bheetero 2:2

Kinya bhuno ebhengʼwerere bhehiighomba amabhëërë gha bhaanyina, na niinyu bhuure bhuure mwighombe amabhëërë gha hëënë gha Körö e Ryobha, kubha muköngʼë na ghotooribhu.

Abharuumi 8:29

Eryobha ꞉ndiimënyiri abhaato bhaache korwera hano ase ere ekeere ghutëëmu. Bhayo nibho Eryobha ꞉ryaahwire korwera kare bhabhe kinya Omoona waache Yesu Kirisito. ꞉Ndiiköriri hangʼu kubha Omoona waache abhe omutange ghate e bhahiiri bhaaru.

Yohana 17:17

Oo Taata, ˆneghaghusabha obhakörë kubha abhaato bhaacho inkongʼorimu mo‑bhuhëënë bhoocho, gho kubha angʼana yaacho niyo obhuhëënë.

Abhagharatiya 6:15

Ghusaaru hamu kwanga ghusaaru, ghotaanyi ne ekebhune ghyokyose. Egheghiro ke bhwëra n‑ghuköru obhuhë ne Eryobha.

Abhagharatiya 3:27

Inyu bhoose bhano mubhatiisuru, mughöötiine na Kirisito, mubheere kinya momobheekiri Kirisito.

1 Abhakorinto 15:53

Neekubha hangʼu, gho kubha omobhere uno oghusarëka nokwëndëru wiigharure ubhe omobhere uno otaaghusarëka, omobhere uno oghoku wiigharure kubha omobhere uno otaaghoku.

Abhaebheeso 2:15

aghatoruuseri emeghiro ghe Kiyahuuti ghino gheenyi na amahatëkö na amëërëkërëri. Gho ghayo, aghaköra itu Abhayahuuti na abhaato bha matöngö kubha egheghiro kimu ekihë kino keenyi no obhumu nawe, na akarëëta omurëmbë.

Abheebhuraaniya 12:14

Mbe, mwiköngʼi kumanya kwo murëmbë na abhaato bhoose. Wiiki mwiköngʼi kubha abhatööbhiyu mo‑riimanya reenyu gho kubha taanyi‑ho omooto uno aghotora komorighi Omutëmi ino ataanyi omutööbhiyu.

Abheebhuraaniya 1:8

Amare ighoro e Moona waache iryo ꞉ndeebhughiri kubha, “Iye Waryobha noghukangata emiishe ne emiishe, no obhukangati bhoocho mbookubha bho hëënë.

Ruuka 1:75

gho ghuköra ghano rekwënda, na kubha no obhutööbhiyu ambërë yaache, mo‑chaasiko chiito choose.

Abharuumi 7:6

Ntoore tubhöhuru ne emeghiro, amare ibheere ntokuure haghirohamu na Kirisito, gho ghayo emeghiro ghiyo ghetaaghotubhöha wiiki. Ibheere totaakorihökëri Eryobha gho kohetera anchëra e kare e ghughööta emeghiro ghino ghyandëkuru, amare gho nchëra ahë e ghukangatu na Akörö Ahörëëru.

Abharuumi 12:2

Moteegha chaasughara che bhaato bha mo‑se ino, amare motighe Eryobha righarure emetema gheenyu, kubha mubhe na amiihëëbhö amahë. Hayo niho mokwegha kumënya kebhuno Eryobha rekwënda mukörë. Mokumënya n‑amangʼana ghaahë ghano ghaanyi amachömu, na ghano ghakoretegheri, wiiki na ghano ghahikeriine.

2 Bheetero 1:4

Gho nchëra iyo, ndetoheere ebhihaano ebhekoro na bhe riighori, bhino ꞉reeturaghiire. Ebhihaano bhiyo, mbeghototoori koru mo‑bhobhe bho ghusari abhaato bhuno bhoonyi mo‑se, gho ghiri e miighombo amabhe. Wiiki mbeghototoori tubhe no obhughöötani bho simoka e Ryobha.