Abhaebheeso 4:17 - Eriiraghano Eriihë

¹⁷ Mbe, kwo riina re Mutëmi ˆnekabhatöngëra kubha, motamanya wiiki kinya abhaato bhano bhataryeche Eryobha. Ibho amiihëëbhö ghaabho ghataanyi no obhwëra,

Abhaebheeso 4:17 Referans Kwoze

Abharuumi 1:21

Nangabha bharyeche Eryobha kinya reenyi, amare bhataakoreghongi koru koriitabheri kinya Eryobha reebho. Amiihëëbhö ghaabho ghaakabha amabhe, ghaghakundekeru ne ekengʼuuri.

2 Bheetero 2:18

Mbaghosiikëra amangʼana gha bhwihachi na ghano ghataanyi ne ekebhune, na gho ghutambana amiigha ghaabho amabhe gha mobhere mbahaatëgha abhaato bhano bhakumiri kwo riibhagha ighuhe, na ghutaana na abhaato bhano bhikareriire obhobhiihi.

Abhakorosaayi 2:4

Ibheere ˆnekabhaandëkëra ghayo, motiishereri kongʼiinu no omooto wowoose kwo mangʼana gha bhuröngö, nangabha ghaanyi gha ghotegheri.

1 Bheetero 1:18

Inyu, moore mumanyiri kurëngʼaana na amaköri ghaanyu amabhe, kinya bhuno ꞉muughabhiri koru kwo bhasookoro bhaanyu. Ibheere mumënyë kubha, Eryobha retabhatooriri inyu koru mo‑ghano moore moraköra, gho kuhökëri ebheghiro bhino bhehaasarëka, kinya chambiiri na chasahaabhu.

Amaköri gha Bhatomu 20:21

Neere nerabhabhoorera Abhayahuuti haghirohamu na abhaato bha matöngö kubha bhatuukuunere amasari ghaabho kwo Waryobha, wiiki bhamokumi Omutëmi wiito Yesu Kirisito.

Amaköri gha Bhatomu 18:5

Hano Siira na Timotewo ꞉bhaare bhahikiri hayo, koru Maketoniya, Bhawuro aghasëëma kuhökëri eriibhagha reeche ryose kweghi Abhayahuuti angʼana e Ryobha, arabhabhoorera kubha Yesu niwe Kirisito.

Amaköri gha Bhatomu 14:15

“Abhahiiri bhiito! Ngwake moghuköra amangʼana ghano? Itu n‑abhaato hangʼu toonyi kinya inyu! Ntwichiri hano kobheeghi Angʼana Anchömu, kobhabhoorera kubha motighe ghusëngëra chasanaamu chiyo, musëëmë kubha abhaato bha Ryobha rino reenyi ihöru! Rino ꞉riitëëmiri erishaaro, na ase, na anyancha, na bhyose bhino bheenyi mwishaaro, na mo‑se, na mo‑nyancha.

2 Timotewo 4:1

ˆNeghakuraghereri ghano ambërë e Ryobha na ambërë e Kirisito Yesu, uno aghotenera ekiina abhaato abhahöru na bhano bhakuure. Kirisito Yesu niwe akuucha ghukangata ase ino anyi Omutëmi.

1 Timotewo 6:13

Neghaghokumereri ambërë e Ryobha rino reghotoora obhuhöru moose e bheghiro bhyose, na ambërë e Kirisito Yesu uno aruusiri obhwibhateri bho mahëënë ambërë e Bhontiyo Bhiraato, kubha,

1 Timotewo 5:21

ˆNeghakuraghereri ambërë e Ryobha, na ambërë e Kirisito Yesu na bhamarayika abhaahöru kubha, ughöötërërë ghayo. Otatena ekiina kwo bhwango hamu kuraarëra eribhaara rimu.

1 Abhatesaronike 4:6

Gho ghayo, omooto wowoose atamutaaseri mughëndi waache, koru komongʼiina. Kinya bhuure ꞉toobhashaangʼiri na kobhabhoorera kubha, bhano bhoose bhaghuköra ghayo, Omutëmi nakobharööna.

Abhakorosaayi 2:18

Motatëghëërëra omooto wowoose uno akwiyëërëki gho nche kubha m‑munyööhu no omusëngëri o bhamarayika. Omooto kinya uyo atabhahöka atuho yaanyu e miishe ghyose. Uyo naghwitoora mo‑marighi ghaache, wiiki akiiraghaani kwo miihëëbhö ghaache gha simoka e masari.

Abhaebheeso 4:22

Mbe, motighe ghano moore moraköra ekimbërë, asughara e kare ino eghusarëka, gho ghutambana amiigha ghano ghakobhangʼiina,

Abhaebheeso 1:22

Eryobha ndetooriri ebheghiro bhyose bhibhe haase e bhukangati bho Yesu na ndemotooriri mo‑riikanisa arikangate, iwe uno anyi omokoro ighoro e bheghiro bhyose, kinya omutu mo‑mobhere.

Abhagharatiya 5:3

ˆNekabhabhoorera haheero wiiki kubha, omosubhe wowoose uno aghwishereri ghusaaru, nakwëndëru aghöötë emeghiro ghyose ghe Musa.

Abhagharatiya 3:17

Kino nekwënda kobhugha n‑kubha, Eryobha ꞉ndiiköriri eriiraghano reeche emeeka amaghana ane na miröngö etato, emeghiro ghe Musa ngeere ghekeere kubha‑ho. Gho ghayo, emeghiro ghiyo ghetaaghotora ghusari eriiraghano riyo koru ghugharura eriiraghano reeche.

2 Abhakorinto 9:6

Mohiite amangʼana ghano kubha, “Omooto uno akwemi bhirëngʼaaneru, nahaaghësa bhirëngʼaaneru, na uno akwemi bhyaru, nahaaghësa bhyaru.”

1 Abhakorinto 15:50

Abhahiiri bhaane, kino nekwënda kobhugha n‑kubha, emebhere ghiito ghe chaanyama na amasaahë ghetaaghotora ghusöha mo‑bhutëmi bho Ryobha, wiiki emebhere ghino gheghusarëka ghetaaghotora kubha no obhuhöru bho miishe ghyose.

1 Abhakorinto 1:12

Ibheere, ghano nekwënda ghosiikëra nigho ghano, kubha, omooto woose ghate yaanyu naghosiikëra ghaghaache, umu nakobhugha kubha, “Eni n‑o Bhawuro.” Owonde nakobhugha kubha, “Eni n‑o Abhooro.” Owonde nakobhugha kubha, “Eni n‑o Keebha.” Owonde nakobhugha kubha, “Eni n‑o Kirisito.”

Amaköri gha Bhatomu 2:40

Bheetero akëëndërëra kobhabhoorera abhaato bhayo amangʼana aghande maaru gha kobhashaangʼi. Akabhakumereri arabhugha, “Musabhe Eryobha rebhatoori, retaacha kobhatenera ekiina haghirohamu na abhaato bha rwibhoro runo orobhe!”

Ruuka 16:28

neenyi na bhaomwito bhataano, abhashaangʼi bhataacha kuucha ino mo‑nyaako ahaari.’