Abhaebheeso 4:14 - Eriiraghano Eriihë

¹⁴ Mbe, totaakubha wiiki ke bhaana, torarëkëru na kohiru ino na ino no obhukama bho meeghi ghano ghakurëëtu na abhaato abhabhiihi, kubha bhatongʼiine tutambane chanchëra cheebho.

Abhaebheeso 4:14 Referans Kwoze

Abheebhuraaniya 13:9

Motangʼiinu na ameeghi aghande amahë gha ghighëni, gho kubha changuru che metema gheenyu nchekoru mo‑ghareeya e Ryobha, taanyi mo‑meghiro ghe bhiinyakurë. Emeghiro ghiyo ghetaakobhatoori ghyokyose bhano bhaghoghitambana.

1 Abhakorinto 14:20

Abhahiiri bhaane, motiihëëbha kinya abhaana, amare mubhe moriihëëbha kinya abhantomonkoro. Amare ighoro e mabhe, mubhe kinya ebhengʼwerere.

1 Yohana 4:1

Abhasiighani bhaane, motamokumi omooto woose uno akobhugha naanyi na Akörö e Ryobha. Amare mumööhi bhoheene aribha omooto uyo naghukangatu na Akörö e Ryobha hamu tiyaanyi. Nekwëndëru mumööhi gho kubha abharööti bhaaru bha bhuröngö mbarweriire mo‑se.

2 Abhakorinto 2:17

Itu totaanyi kinya abhaato abhaaru bhano bhaghukörëra angʼana e Ryobha obhosorocha kubha bhabhönë obhwëra. Amare kwo bhotoro bho Kirisito, ntokuraghani angʼana e Ryobha mo‑bhughöröröku bhoose ambërë e Ryobha, gho kubha niryo ꞉reetotomiri.

Yakobho 1:6

Hano akubha ararisabha Eryobha, nakwëndëru asabhe kwo bhokumi na atabha na ahaho, gho kubha aribha omooto anyi na ahaho natubhiine kinya omokunda o nyancha uno okohiru no obhukama ino na ino.

Abhaebheeso 6:11

Mwinate ebhiröönërö bhyose bhino Eryobha rebhaheere, kubha motore kwanga obhuröngö bhoose bho Rishambu.

Mataayo 24:24

Mbakuucha abharööti bha bhuröngö na abhaato bhano bhakwibherekera Kirisito. Mbaakubha bharaköra ebhyërëkërëri bhekoro ne ebhiraghe bhekoro, kubha bhasaki kobhangʼiina koru bhano bhaahwiru ne Eryobha.

2 Timotewo 4:3

ˆNeghakobhoorera hangʼu, gho kubha ndekuucha eriibhagha rino abhaato bhataakubha bharatëghëërëra ameeghi gha bhuhëënë. Mbakwënda ghutambana amiigha ghaabho abheene, na gho ghayo mbakwiyaahurera abheeghi bhaaru gho kubha mbasiighiri ghutëghëërëra amangʼana aghande ghande amahë.

Yuuta 1:12

Abhaato bhayo, hano mookubha haghirohamu nabho mo‑ndaaghëra yaanyu e bhosiighi, mbakuraaghëra gho kwimënya abheene kwo bheene, koru bhataakorighi chaasoni chochoose. Bhayo mbaanyi kinya amatare gha mo‑nyancha ghano ghataakorighibhu, n‑obhobhe ghokoonyu. Ibho bhataanyi ne ekebhune ghyokyose, mbaanyi kinya amashaaro ghano ghataanyi na ambura na ngahaahiru no obhukama hohoose haare. Mbaanyi kinya emete ghino ghetaanyi na amakorobhese eriibhagha re mughësö, ngyomiri inkongʼorimu, na ngeghwire.

Obhohunyurëru 19:20

Amare oghotyenyi ghuyo, haghirohamu no omurööti o bhuröngö uno aköriri ebhyërëkërëri ambërë yaache, ꞉mbiimokiibhu ke bhano bhaghööturu mwihë. Gho ghuköra ebhyërëkërëri bheeche bhiyo, omurööti uyo o bhuröngö nangʼiiniri abhaato bhano bhatoriiru ekingʼöchö no oghotyenyi ghuyo na ghusëngëra asanaamu yaache. Bhoose bhabhere ꞉mbaarëkiiru bhaanyi abhahöru mo‑nyancha e mororo muhaari chwee.

Abhagharatiya 3:1

Inyu Abhagharatiya abharaghaanu! N‑niwe abharoghiri? Yesu Kirisito ꞉naaghamburu haheero ambërë yaanyu kubha namamburu.

Mataayo 24:11

“Eriibhagha riyo, mbakorwera abharööti bhaaru bha bhuröngö na kobhangʼiina abhaato bhaaru.

1 Yohana 2:26

ˆNekabhaandëkëra ghano, kobhashaangʼi ighoro e bhaato bhaare bhaghusaki kobharumeeri.

2 Timotewo 3:13

Amare abhaköri bha masari na abharöngö mbakwëndërëra kubha abhaköri bha masari chwee, mbaakubha bharangʼiina na kongʼiinu.

2 Abhakorinto 4:2

Ntwangiri inkongʼorimu ghuköra ghano ghaanyi mo‑kebhisere na gha chaasoni, koru kobhangʼiina abhaato, koru ghusangerani angʼana e Ryobha no obhuröngö. Amare ntoghosiikëra obhuhëënë haheero, kubha abhaato bhoose bhamënyë mo‑metema gheebho kubha ntoonyi no obhuhëënë ambërë e Ryobha.

Mataayo 11:7

Hano abhaanabheegha bha Yohana ꞉bhaatanwire, Yesu aghasëëma ghoghabhoorera makinda gha bhaato ighoro e Yohana akabhugha, “꞉Mooghiire kumööhi ke iyo mwibhara? Obhunyaaki bhuno bhoghosingisu no obhukama? Tiyaanyi.

1 Abhakorinto 12:2

Mweche kubha eriibhagha moore mokeere korimënya Eryobha, mongʼiinuru na moghakangatu ghusëngëra chasanaamu chino chetaare cheratora ghosiikëra!

Amaköri gha Bhatomu 23:21

Ibheere iye otabhiisherereri, gho kubha, mbaanyi‑ho Abhayahuuti ghokera miröngö ene mbakomobhuumara Bhawuro mo‑nchëra, hano akubha araheta bhamwite. Mbarahiiri kubha, mbagha ghoku bhataakuraaghëra koru kunyo, aribha bhakeere komwita Bhawuro. Ibheere mbiisëëmiri, mbaghughanya eriisabhi reebho obhiisherereri.”

1 Yohana 2:19

Abhaato bhayo ꞉mbaaruure mo‑makanisa ghiito, amare bhataare no obhumu bho hëënë na niitu, gho kubha aribha bhangabheere bha wiito mbangasaaghiri na niitu. Amare kohoroka koobho, n‑kwërëkiri haheero kubha, bhataare no obhumu na niitu kimu kimu.

2 Bheetero 2:18

Mbaghosiikëra amangʼana gha bhwihachi na ghano ghataanyi ne ekebhune, na gho ghutambana amiigha ghaabho amabhe gha mobhere mbahaatëgha abhaato bhano bhakumiri kwo riibhagha ighuhe, na ghutaana na abhaato bhano bhikareriire obhobhiihi.

Yakobho 3:4

Wiiki mumööhi ameeri, nangabha enyi inkoro chwee, na nehaatughutu no obhukama bhuhaari, amare nehaakangatu no obhosikaani bhosuuhu chwee, ghuye ahaghiro hoose hano omwimeereri akwënda eghi.

1 Timotewo 3:6

Wiiki, atabha omooto uno atooriibhu ghano matiko, ataacha kwihacha. Kwihacha kuyo ngokomuköra ateneru ekiina kinya Erishambu ꞉reeteniiru ekiina.

2 Timotewo 1:15

Iye weeche kubha, abhaato bhoose bha mo‑mukööwa o Asiya mbantighiri. Ghate yaabho mbaanyi‑mu Bhighero na Herimoghene.

1 Abhakorinto 3:19

Akörë hangʼu, gho kubha amangʼiini gha se ino, n‑gha ghighëëghë ambërë e Ryobha. N‑kinya bhuno yandëkuru mo‑Mandëkö Amatööbhiyu kubha, “Eryobha ndekobhaghööti bha mangʼiini mo‑bhongʼiini bhoobho.”