Abhaebheeso 3:9 - Eriiraghano Eriihë

⁹ Wiiki nebhatoorere haheero abhaato bhoose bharighi amangʼana gha Ryobha ghano ꞉ghaare ghabhisuru kinya ghakohikeeranibhu. Eryobha rino ritëëmiri ebheghiro bhyose ꞉ndeebhisiri amangʼana ghayo korwera simoka.

Abhaebheeso 3:9 Referans Kwoze

Abhakorosaayi 1:26

Angʼana iyo n‑ekebhisere kino ꞉keebhisuru korwera kare na gho chanyiibhoro choose. Amare ibheere Eryobha ndebhahunyuriire abhaato bhaache abhatööbhiyu.

Mataayo 13:35

Ghayo ꞉ngaaköruru kubha ghahikeerane ghano omurööti asiikiire kubha, “Neghosiikëra na abhaato gho nchëra e bhetuubhaani. Neekubha nerabhabhoorera ghano ghabhisuru korwera ghutëëmu gho se.”

2 Timotewo 1:9

Iryo ꞉ndeetotooriri, reghatobherekera tubhe abhaana bhaache abhatööbhiyu. Retaaköriri hangʼu gho ghiri e maköri ghiito, amare ꞉ndiiköriri gho ghiri e miigha ghaache na aghareeya yaache. ꞉Ndeetoheere aghareeya iyo gho nchëra e Kirisito Yesu, koru ase ino ekeere ghutëëmu.

Abhakorosaayi 3:3

gho kubha atëëmö yaanyu e masari nekuure. Ibheere obhuhöru bhoonyu mboonyi haghirohamu na Kirisito ambërë e Ryobha. Amare obhuhöru bhuyo bhotaakorighibhu mo‑bhaato abhande.

Mataayo 28:19

Mbe, mughëndë kwo bhaato bha matöngö ghoose na kobhaköra kubha abhaanabheegha bhaane. Mobhakörë bhabhe abhaanabheegha bhaane gho kobhabhatiisa, kwo riina re Taata, na re Moona na re Akörö Ahörëëru.

Obhohunyurëru 4:11

“Omutëmi wiito ne Eryobha riito, nurëngʼaaniire ghoghongibhu, na ghosooku na kubha no obhotoro bhoose. Iye niiye utëëmiri ebheghiro bhyose, gho ghosiigha koocho ꞉mbiitëëmuru, wiiki niho bheenyi.”

Tiito 1:2

na mbokobhaha amiitëngʼërö gha bhuhöru bho miishe ghyose. Eryobha ꞉ndiiraghiri obhuhöru bhuyo, koru rekeere ghutëëma ase, na retaaghosiikëra obhuröngö.

1 Timotewo 3:16

Amangʼana gha bhuhëënë ghano Eryobha rehunywire n‑gha koroghoori, nagho nigho ghano: Kirisito niyëërëkiini mo‑mobhere, na Akörö Ahörëëru ekamuhëënëhi kubha, mughöröröku, akarighibhu na bhamarayika, akaraghanibhu mo‑matöngö ghoose, aghakumibhu na abhaato bha mo‑se, aghaghëghu ghuye ighoro mo‑bhokumi bhooche obhokoro.

Obhohunyurëru 13:8

Abhaato bhoose ase ingima mbaghoghusëngëra oghotyenyi ghuyo, nanyinga abhaato bhano amariina ghaabho ghaandëkuru mo‑Ghitabhu ke Bhuhöru korwera hano ase ino ere ekeere ghutëëmu. Eghitabhu kino n‑ke Moona o Ngʼöndu uno ꞉asinchuru.

1 Bheetero 1:20

Korwera hano ase ere ekeere ghutëëmu, Eryobha ndeere rimariri komwahura gho ghiri iyo. Amare reghaghanya mbagha chaasiko chino che ntenero, niho rekamurëëta na komwërëkani haheero mo‑bhaato bhoose bha mo‑se. Ghayo ghoose ꞉ndiiköriri gho ghiri yaanyu.

2 Timotewo 4:17

Amare Omutëmi Yesu naare haghirohamu na neeni. ꞉Naaheere changuru che kuraghani Angʼana Anchömu kwo bhohikeeranu, kubha abhaato bhoose bha matöngö bhayooghu. ꞉Naantooriri mo‑tabhaaribhaari e roko, gho kubha neere kinya uno anyi mo‑monu o ka.

2 Abhatesaronike 2:13

Mbe, itu ntokwëndëru koriitabheri Eryobha eriibhagha ryose gho ghiri yaanyu bhahiiri bhiito, inyu bhano mosiighiru no Omutëmi Yesu. Ntokwëndëru ghuköra hangʼu, gho kubha, nabhaahwire inyu korwera simoka, kubha mubhönë obhotoori. Obhotoori bhuyo mobhobhwine gho nchëra e Körö Ahörëëru ino ekobhamusa, na gho ghokumi obhuhëënë.

Abhakorosaayi 1:23

Amare mokwëndëru kwëndërëra koyekumi Angʼana Anchömu, mubhe muköngʼiiri na kubha na changuru. Motiishereri ghotigha eriitëngʼërö rino ꞉moobhwine hano mooghwire Ngʼana Anchömu. Angʼana Anchömu iyo eni Bhawuro nibheere omutamishi waache, wiiki ꞉niiraghiinu mo‑bhaato bhoose bha hano mo‑se.

Abhaebheeso 1:4

Hano Eryobha reere rekeere ghutëëma ase ino, ꞉ndeetwahwire tubhe abhaato bhaache gho ghughöötanibhu na Kirisito kubha, tubhe abhatööbhiyu na totaanyi ni isörö ambërë yaache. Kwo bhosiighi bhooche,

1 Abhakorinto 2:7

Amangʼiini ghano tokuraghani n‑gha kebhisere ke Ryobha. Amangʼiini ghayo n‑obhorwachi bho Ryobha bhuno bhoore bhobhisuru mo‑bhaato. Eriibhagha Eryobha reere rekeere ghutëëma ase, ꞉ndyëëndiri kuhökëri amangʼiini ghayo, kubha retughöötani mo‑bhokumi bhooche obhokoro.

Amaköri gha Bhatomu 15:18

wiiki nigho ghayo ghayo ꞉ghaamënyuru korwera kare.’”

Yohana 10:30

Eni na Taata m‑bhamu toonyi.”

Yohana 5:19

Yesu akabhabhoorera abhakangati bhaare akabhugha, “Mahëënë ˆnekabhabhoorera, Omoona taaghotora ghuköra ghyokyose gho changuru cheeche. Naghotora ghuköra ghano arooche Ishe araghaköra, wiiki ghoose ghano Ishe aghuköra, nigho ghayo ghayo Omoona aghuköra.

Yohana 5:17

Mbe, Yesu akabhabhoorera akabhugha, “Taata waane naghuköra emeremo chaasiko choose, eni woose neghuköra emeremo hangʼu hangʼu.”

Ruuka 24:47

Na abhaato bha matöngö ghoose, korwera Yerusareemu, mbakuraghaneru kwo riina reeche kubha, mbakwëndëru bhatuukuunere amasari ghaabho, bhaabhëru.

Mataayo 25:34

“Niho eni uno neenyi Omutëmi nekobhabhoorera abhaato bhaare bhaanyi okubhökö koone gho kwiro nebhughe, ‘Muuche, inyu bhano Taata waane abhitabhiiri. Musöhë mo‑bhutëmi bhuno Eryobha rebhasëëmiire korwera ghutëëmu gho se ino.

Mataayo 10:27

Ghoghoose ghano ˆnekabhabhoorera mo‑kengʼuuri, moghasiikërë haheero. Wiiki, ghoghoose ghano mokooghu gho kebhisere ighoro e bhutëmi bho Mwishaaro, mogharaghani haheero.

Obhohunyurëru 17:8

Oghotyenyi ghuno orooche, ekimbërë ngoore ghuhöru amare ibheere ngokuure. Ibheere haghuhe ghoonyi koru mwirooma re mashambu, amare Eryobha ndeghoghosireekereri. Abhaato bhoose bha se bhano amariina ghaabho ghataandëkuru mo‑Ghitabhu ke Bhuhöru korwera ghutëëmu gho se, mbakoroghoora korighi oghotyenyi ghuyo gho kubha ngoore‑ho, ghokamara ghoghaku, amare ghoghagharuka wiiki.”

Obhohunyurëru 14:6

Nekamara, nekarighi marayika owonde arituumuka ghateghate e riighoro. Marayika uyo naare na Angʼana Anchömu e miishe ghyose e kuraghaneri abhaato bhano bhiikeere mo‑se, kwo bhaato bha chaase choose, na amatöngö ghoose, ne ebhighambo bhyose na abhahiiri bhoose mo‑se ingima.

Abharuumi 11:25

Abhahiiri bhaane, nekwënda mumënyë ighoro e obhorwachi bho Ryobha bhuno bhoore bhobhisuru korwera kare, kubha motaacha ghwitëngʼëra obhongo bhoonyu inyu bheene. Abhiisiraeri abhamu mbaakubha ne emetema miköngʼu, mbagha hano omubharo o bhaato bha matöngö bhano Eryobha rekwënda ohikeerane.

Abhaebheeso 3:2

Neenyi no obhuhëënë mumariri kooghu kubha, Eryobha ndeheere emeremo ghe kuraghani aghareeya yaache ghokoonyu.

Abhaebheeso 6:19

Mubhe moransabhera na neeni kubha, Eryobha ribhe reraaha amangʼana gha ghosiikëra, hano neekubha neraraghani ighoro e Yesu Kirisito, kubha nibhe neraraghani kwo bhosubhesubhe obhuhëënë bhuno Eryobha rehunywire mo‑Ngʼana Anchömu.

Abhakorosaayi 4:3

Motusabhere na niitu kubha Eryobha retukörërë anchëra e kuraghani angʼana yaache, na ghosiikëra amangʼana ighoro e Kirisito ghano ꞉ghaare mo‑kebhisere. Eni nibhöhuru gho ghiri e kuraghani amangʼana ghayo.