Abhaebheeso 3:16 - Eriiraghano Eriihë

¹⁶ Nekorisabha, kurëngʼaana no obhwaru bho bhokumi bhooche obhokoro, gho nchëra e Körö yaache, rebhahë changuru motore ghuköngʼëri mo‑metema gheenyu,

Abhaebheeso 3:16 Referans Kwoze

Abhakorosaayi 1:11

Ntoghusabha kubha Eryobha ryëndërërë kobhatoori gho changuru cheeche chino chetaanyi ne ekirëngërë, kubha motore ghoghumereri. Mbe, muchömëru

Abhabhiribhi 4:13

Neghotora ghuköra ghoose ghayo, gho kubha Kirisito niwe akuuha changuru.

2 Timotewo 4:17

Amare Omutëmi Yesu naare haghirohamu na neeni. ꞉Naaheere changuru che kuraghani Angʼana Anchömu kwo bhohikeeranu, kubha abhaato bhoose bha matöngö bhayooghu. ꞉Naantooriri mo‑tabhaaribhaari e roko, gho kubha neere kinya uno anyi mo‑monu o ka.

2 Abhakorinto 4:16

Gho ghayo, totaaghoku omukörö, nangabha emebhere ghiito gho nche ngeghusarëka, amare moose yiito Eryobha ndeghotuköra kubha abhahë chaasiko choose.

Abhaebheeso 6:10

Mbe, nekwënda kobhugha kubha, mughöötiine no Omutëmi Yesu, gho ghayo, mubhe morabhöna changuru koru mo‑bhotoro bhooche obhokoro.

2 Abhakorinto 12:9

Amare iwe akamboorera akabhugha, “Aghareeya yaane neghoghwisha, gho kubha mo‑bhutöbhu nimu muyo changuru cheene chehaarighibhu.” Gho ghayo, neekubha neriihacha gho ghuchömëru ghokoro ighoro e bhutöbhu bhoone, kubha changuru che Kirisito chibhe haghirohamu na neeni.

Abhabhiribhi 4:19

Mbe, Eryobha reene, ndekobhaha amënda ghaanyu ghoose kurëngʼaana no obhwame bhooche obhokoro. Ndeghuköra hangʼu gho nchëra e Kirisito Yesu.

Abharuumi 7:22

Emeghiro ghe Ryobha, neghesiighiri kwo motema waane woose.

1 Abhakorinto 16:13

Mutëngë, muköngʼëri mo‑bhokumi, wiiki mubhe abhasubhesubhe na mubhe na changuru.

Abharuumi 9:23

꞉Ndiiköriri hangʼu, kubha ribhönë kwërëki obhokumi bhooche obhokoro gho ghiri e bhaato bhano ꞉riisëëmiri bhasongʼaane changori cheeche. ꞉Ndiisëëmiri korwera kare kobharëëta ghokooche bhabhe nawe mo‑bhokumi bhooche obhokoro.

Abhakorosaayi 1:27

Bhayo nibho Eryobha ꞉reesiighiri kobhahunyurera ekebhisere kiyo ghe koroghoori kino riköriri gho ghiri e bhaato bha matöngö. Angʼana iyo e kebhisere n‑kubha, Kirisito naanyi moose yaanyu, wiiki niwe akobhaha amiitëngʼërö kubha moghusanga obhokumi obhokoro bho Ryobha.

Abhaebheeso 3:8

Eni m‑mosuuhu neenyi ghokera abhatööbhiyu bhoose bha Ryobha, amare Eryobha ndinsakiiri aghareeya kubha nebharaghaneri abhaato bha matöngö obhwame bho rubhango ro Kirisito runo rotaanyi ne ekirëngërë.

Abhaebheeso 1:18

Kurëngʼaana na kubha Eryobha ndebhatooriri korimënya, neghusabha rebhatoori kumënya eriitëngʼërö rino ꞉moosongʼaaniri eriibhagha rino rebhabherekiire. Wiiki motore kumënya obhwame bho ghabho yaache kwo bhatööbhiyu,

Mataayo 6:13

Wiiki otatusöhi mo‑masaki, amare ototoori no Omobhisa wuure, [gho kubha obhutëmi m‑bho bhoocho, na changuru, no obhokumi obhokoro, koru emiishe ghyose. Hawubhaabha.]’”

Abhaebheeso 1:7

Eryobha ndetotingwiri gho nchëra e masaahë gha Yesu Kirisito, niko kobhugha ndetwabhiire amasari ghiito ghoose, kurëngʼaana no obhwaru bho ghareeya yaache.

Abheebhuraaniya 11:34

Kurëngʼaana na ghokumi koobho, mbaare bhararimi omororo muhaari, ꞉mbaahöniri ghwitu ne ekinyamiino. Bhataare ni inguru, amare Eryobha ꞉ndeebhaheere changuru che ghokinda eriihë na kuhëëbha abhaashirikare bha chaase echende.

1 Bheetero 3:4

Amare oghwichöcha koonyu ghusëëmërë mo‑metema gheenyu, obhuchömu bhuno bhotaaghotora ghusarëka koru ghokunguha. Obhuchömu bhuyo, n‑kubha no omukörö omuhöriicho no obhuhörëëru, na nibho obhuchömu bhuno bhoonyi no obhwëra bhokoro mo‑miisho gha Ryobha.

Abhaebheeso 2:7

Hangʼu nibhu akwënda kwërëkani kwo bhaato bha riibhagha rino rekuucha, obhwaru bho ghareeya yaache ino etaanyi ne ekirëngërë, ino retoheere kwo bhuchömu gho ghughöötana kwito na Kirisito Yesu.

Abharuumi 2:29

Tiyaanyi! Omuyahuuti o hëënë n‑uno ahaasooka Eryobha kwo mukörö waache woose. Oghusaaru kwo hëënë ngoghuköru na Akörö Ahörëëru mo‑motema, taanyi gho kubha ne emeghiro ghe Musa okwene. Omooto anga hangʼu, taaghosongʼaana aghongo koru mo‑bhaato, amare naghoghongibhu ne Eryobha eryene.

Abhaebheeso 3:15

uno anyi simoka e bhyose bhino bheenyi mo‑se na Mwishaaro.

Abhakorosaayi 2:2

Kino nekwënda n‑kubha, motooru omukörö na ghutëmëëranibhu mo‑bhosiighi. Nekwënda mubhönë obhumënyi bhoose bhuno bhokobhaha obhuhëënë. Hayo mokumënya ekebhisere ke Ryobha, nikyo Kirisito omwene.