Abhaebheeso 2:8 - Eriiraghano Eriihë

⁸ Mbe, hangʼu nibhu aghareeya e Ryobha ebhatooriri, gho nchëra e komokumi Yesu Kirisito. Obhotoori bhuyo bhotabhönëkiri gho ghwiköngʼi koonyu, Eryobha niryo retoheere kinya atuho.

Abhaebheeso 2:8 Referans Kwoze

Abhaebheeso 2:5

nikyo retoheere obhuhöru haghirohamu na Kirisito. ꞉Ndiiköriri hangʼu nangabha itu toore tokuure mo‑chaakörö, gho ghiri e masari ghiito. ꞉Ndeetotooriri gho ghareeya yaache.

Abharuumi 4:16

Kiyo nikyo gheghughëri eriiraghano re Ryobha riitëngʼërë obhokumi obhwene, gho kubha ndeghwitëngʼëra aghareeya yaache. Gho nchëra iyo, ghoose ghano bharaghiiru abhaato bhoose bha rwibhoro ro Abhurahamu, ghabhe gha hëënë, taanyi kwo Bhayahuuti abheene bhano bhakohikeerani emeghiro, amare koru kwo bhano bhakorekumi Eryobha kinya bhuno Abhurahamu aköriri. Abhurahamu n‑taata wiito itu bhoose bhano tokorekumi Eryobha.

Abharuumi 10:17

Gho ghayo, abhaato mbaghotora komokumi Kirisito erabha bharooghu angʼana ighoro e Kirisito. Wiiki mbaghotora kooghu erabha angʼana iyo e Kirisito iraghiinu.

Amaköri gha Bhatomu 16:31

Bhakamugharokeri bhakabhugha, “Omokumi Omutëmi Yesu, niho oghotooribhu haghirohamu na abhaato bha mo‑ka yaacho.”

Yohana 6:37

Abhaato bhoose bhano Taata aheere, mbakuucha ghokoone na ghonkumi. Wiiki nteekomwanga naabha koru umu uno akuucha ghokoone.

Yohana 5:24

“Mahëënë ˆnekabhabhoorera, abhaato bhoose bhano bhaghoghooghu amangʼana ghaane na korekumi Eryobha rino rentomiri mbaanyi no obhuhöru bho miishe ghyose. Bhataaghoteneru ekiina kwo masari ghaabho, amare mbatëënyiri koru mo‑roko na ghusöha mo‑bhuhöru bho miishe ghyose.

Yohana 4:10

Yesu akamugharokeri akabhugha, “Aribha ongamënyiri atuho e Ryobha na kubha n‑niwe aghoghusabha amanche gha kunyo, nongamusabhiri iwe, nawe nangakoheere amanche ghano ghakobhaha abhaato obhuhöru bho miishe ghyose.”

Ruuka 7:50

Hayo, Yesu akamobhoorera omukari uyo, “Obhokumi bhoocho ˆbhoghakuhöri! Nooghi kwo murëmbë.”

Maariko 16:16

Omooto wowoose uno aghokumi na kubhatiisu, naghotooribhu. Amare, omooto wowoose uno akwanga ghokumi, naghoteneru ekiina.

Yohana 3:36

Omooto wowoose uno akomokumi Omoona o Ryobha naanyi no obhuhöru bho miishe ghyose. Amare omooto wowoose uno akomwanga taanyi no obhuhöru, gho kubha ghukarara kwo Waryobha ngokwëndërëra kubha ighoro yaache.

Abharuumi 4:5

Amare omooto uno ataaghwitëngʼëra amaköri ghaache, ararekumi Eryobha rino rekomubharera omooto omobhe kubha omooto omuhëënë, uyo nakubharu ne Eryobha kubha omooto uno anyi omuhëënë kurëngʼaana no obhokumi bhooche.

Abhaebheeso 2:10

Itu ne emeremo ghe mabhökö gha Ryobha toonyi. ꞉Ndeetobhombiri bhuhë gho ghotughöötani na Kirisito Yesu kubha tukörë amaköri amachömu, ghano ꞉reetusëëmiire tubhe toraköra.

Abhagharatiya 3:22

Amare taanyi hangʼu keenyi. Amandëkö Amatööbhiyu ngakobhugha, abhaato bhoose mbaanyi haase e bhukangati bho masari. Gho ghayo, Eryobha ꞉ndiiraghiri kobhaha kino reere riraghiire bhoose bhano bhakomokumi Yesu Kirisito.

Amaköri gha Bhatomu 13:39

Gho kohetera iwe, omooto woose uno akomokumi Yesu nakubhareru obhuhëënë. Angʼana ino tehikeriine gho ghughööta emeghiro ghe Musa.

Abhagharatiya 3:14

Natotooriri, kubha orubhango runo ahaabhuru Abhurahamu, robhahikere abhaato bha matöngö kohetera Yesu Kirisito. Mbe, ibheere itu bhoose ntoghotora ghosongʼaana Akörö Ahörëëru ino Eryobha ꞉riiraghiri ghotuha gho nchëra e komokumi Yesu Kirisito.

Yohana 6:40

Amiigha gha Taata n‑ghano, omooto woose uno akumënya kubha eni n‑Omoona waache na ghonkumi, abhe no obhuhöru bho miishe ghyose. Eni nekuucha komoryoki mo‑rosiko ro ntenero.”

Yohana 6:35

Yesu akabhagharokeri akabhugha, “Eni neeni ekiinyakurë kino ghekobhaha abhaato obhuhöru. Omooto wowoose uno akuucha ghokoone, taakooghu anchëra inkongʼorimu, wiiki uno aghonkumi taakooghu anyööta naabha.

Abhaebheeso 1:19

no obhotoro bhooche obhokoro bhuno bhotaakurëngʼaanibhu ne egheghiro gho ghiri yiito itu bhano toghokumi. Obhotoro bhuyo bhoghuköra emeremo moose yiito, m‑bhonga changuru cheeche inkoro chwee

Amaköri gha Bhatomu 14:27

Hano bhahikiri Antiyokiya, bhakabhakoma abhaato bha mo‑kanisa. Bhakabhabhoorera ghoose ghano Eryobha riköriri gho kohetera ghokoobho, na kinya bhuure rebhaheere abhaato bha matöngö omweya o komokumi Yesu.

Yohana 6:65

Mbe, akëëndërëra ghosiikëra arabhugha, “Gho ghayo, ˆnekabhabhoorera, taanyi‑ho omooto uno aghotora kuucha ghokoone, aribha Taata atamotooreriiri.”

Abhakorosaayi 2:12

Hano mubhatiisuru, atëëmö e kare ꞉neekuure ekaryeku haghirohamu na Kirisito, wiiki atëëmö ahë, ekaryoka haghirohamu nawe, gho kubha mokumiri changuru che Ryobha rino remoryokiri koru mo‑bhaku.

Yohana 6:44

Taanyi‑ho omooto uno aghotora kuucha ghokoone, aribha Taata uno antomiri atamurahuuniri. Eni nekuucha komoryoki omooto uyo mo‑rosiko ro ntenero.

1 Bheetero 1:5

Eryobha ndekobhachonga inyu gho changuru cheeche, gho nchëra e komokumi Yesu Kirisito. Moghochongu mbagha hano mokubhöna obhotoori bhuno bhokorighibhu mo‑chaasiko che ntenero.

Abhabhiribhi 1:29

Motahaabhuru komokumi Kirisito okwene, amare muhaabhuru koru kunyaakibhu gho ghiri yaache.

Abharuumi 10:14

Ibheere, nibhu abhaato bhaghotora komusabha aribha bhataamokumiri? Wiiki nibhu bhaghotora komokumi aribha bhataamara kooghu angʼana yaache? Na nibhu bhaghotora kooghu angʼana yaache aribha omooto ataghiire kobharaghaneri?

Mataayo 16:17

Yesu akamobhoorera akabhugha, “Oo Simiyooni mwërëëti o Yoona, witabhiiru gho kubha taanyi‑ho omooto uno akohunyuriire rino, amare n‑Taata waane uno anyi Mwishaaro.

Amaköri gha Bhatomu 16:14

Umu o bhakari bhayo ꞉bhaare bharatutëghëërëra, naare aruure mo‑moghya o Tiyatira, eriina reeche Riitiya. Riitiya uyo naare omosorocha o maghööti amachömu gha sambaraawe, wiiki naare araresooka Eryobha. Hano Bhawuro abhamënyiri Angʼana Anchömu iyo, Omutëmi aghiighora omotema o Riitiya mbagha aghakumi.

2 Abhatesaronike 1:9

Okuröönu koobho ngookubha ghosireekereru kwo miishe ghyose na kwahoru gho ghotooru kurë no Omutëmi no obhokumi obhokoro bho changuru cheeche.

Amaköri gha Bhatomu 15:11

Itu ntoghokumi kubha, ntoghotooribhu gho ghareeya e Mutëmi wiito Yesu, kinya ibho bhoose bhaghotooribhu nayo.”

Abharuumi 9:16

Gho ghayo, Eryobha eryene niryo reghotora korigheri omooto changori, taanyi kebhuno omooto omwene akwënda hamu kinya aghuköra.

Abheebhuraaniya 6:4

Mbe, mbaanyi‑ho abhaato bhano ꞉bhaatoriri kumënya obhuhëënë koru kwo Waryobha, bhakabhöna atuho e Mwishaaro, na kubha haghirohamu na bhaato bhano bhasongʼaaniri Akörö Ahörëëru.

Mataayo 20:9

“Niho abhatamishi bhaare ꞉bhiichiri omughörööbha, bhakaacha bhakarehu amareho gha rosiko rumu.