Abhaebheeso 2:7 - Eriiraghano Eriihë

⁷ Hangʼu nibhu akwënda kwërëkani kwo bhaato bha riibhagha rino rekuucha, obhwaru bho ghareeya yaache ino etaanyi ne ekirëngërë, ino retoheere kwo bhuchömu gho ghughöötana kwito na Kirisito Yesu.

Abhaebheeso 2:7 Referans Kwoze

Tiito 3:4

Niho Eryobha, Omotoori wiito, reghatwërëki obhuhöriicho no obhosiighi bhooche, reghatotoori.

2 Abhatesaronike 1:12

Ntoghusabha hangʼu kubha eriina re Mutëmi wiito Yesu ribhe reraghongibhu gho ghiri yaanyu. Wiiki na niinyu mubhe moraghongibhu gho ghiri yaache, kurëngʼaana na aghareeya e Ryobha riito, ne e Mutëmi Yesu Kirisito.

Abhaebheeso 2:4

Amare Eryobha ndeenyi ne ebheghongi no obhosiighi bhooche m‑bhokoro,

Abhaebheeso 3:5

Ekebhisere kiyo retaabhamënyiri abhaato bha kare, amare ibheere ndebhahunyuriire abhatööbhiyu bhaache abhatomu na abharööti gho nchëra e Körö yaache.

Abhaebheeso 3:21

Eryobha reghongibhu na abhaato kwo mabhagha ghoose emiishe ne emiishe, kwo bhokoro bhooche bhuno bhokorighibhu mo‑riikanisa reeche na Kirisito Yesu! Hawubhaabha.

1 Bheetero 1:12

Eryobha ndebhahunyuriire abharööti bhayo kubha, amangʼana ghano ꞉bhaare bhararööta, ghataare ghaghaabho abheene, amare n‑gho ghiri yaanyu. Amangʼana ghano ꞉bhaabhughiri, nigho muraghaniiru na abhaato bhano bhabharëëtiire Angʼana Anchömu ighoro e Yesu Kirisito kwo bhotoro bho Akörö Ahörëëru ino etomuru koru Mwishaaro. Amangʼana ghayo, koru bhamarayika mbaghwighomba chwee ghoghamënya.

Abharuumi 2:4

Eryobha n‑ihöriicho chwee, ndeghokorigheri ebheghongi bhyaru, na ndeghoghoghumereri chwee. Amare iye ibheere, nokwënda ghutaraaha ghayo ghoose? Tweche kubha ndeghokwërëki obhuhöriicho bhooche, kubha otore ghotuukuunera amasari ghaacho?

Abhaebheeso 1:7

Eryobha ndetotingwiri gho nchëra e masaahë gha Yesu Kirisito, niko kobhugha ndetwabhiire amasari ghiito ghoose, kurëngʼaana no obhwaru bho ghareeya yaache.